ຕາມຂ່າວCRI, ງານຕະຫລາດນັດຊາຍແດນລະຫວ່າງຈີນ,ລາວແລະຫວຽດນາມຄັ້ງທີ2ໄດ້ໄຂຂຶ້ນໃນຕອນເຊົ້າວັນທີ9ທັນວານີ້,ຢູ່ເມືອງຈ່ຽງເສີງນະຄອນພູເອີແຂວງຢຸນນານ.
ງານຕະຫລາດນັດຄັ້ງນີ້ມີຫ້ອງວາງສະແດງສິນຄ້າ300ກວ່າຫ້ອງ, ເພື່ອຕອບສະໜອງໃຫ້ແກ່ນັກທຸລະກິດທີ່ມາຈາກລາວແລະຫວຽດນາມດໍາເນີນການເຈລະຈາແລະຊື້ຂາຍສິນຄ້າຮ່ວມກັນ. ເຂົ້າຈ້າວ,ກາເຟ,ໃບຊາ,ແລະເຄື່ອງຫັດຖະກໍາຂອງຫວຽດນາມ, ແລະຜະລິດຕະພັນກະສິກໍາ,ເຄື່ອງເຟີນີເຈີທີ່ເຮັດດ້ວຍໄມ້, ຫັດຖະກໍາທີ່ເຮັດດ້ວຍຫວາຍຈາກລາວໄດ້ຮັບຄວາມນິຍົມຫລາຍ.
ງານຕະຫລາດນັດຊາຍແດນລະຫວ່າງຈີນ, ລາວແລະຫວຽດນາມຄັ້ງນີ້ແມ່ນກິດຈະກໍາໜຶ່ງຂອງບຸນໂຍນໝາກຄອນລະຫວ່າງຈີນ, ລາວແລະຫວຽດນາມຄັ້ງທີ2, ເຈົ້າໜ້າທີ່, ນັກກິລາ, ນັກສະແດງ, ສື່ມວນຊົນ, ແລະນັກສິລະປິນພື້ນເມືອງທີ່ມາຈາກລາວແລະຫວຽດນາມໄດ້ເຂົ້າຮ່ວມບຸນໃນຄັ້ງນີ້ຢ່າງເບີກບານມ່ວນຊຶ່ນ.
