ວັນທີ 8 ທັນວານີ້, ການເຈລະຈາກ່ຽວກັບການຕິດຕັ້ງລູກສອນໄຟປ້ອງກັນທາງອາກາດລະຫວ່າງນາໂຕກັບຣັດເຊຍທີ່ຈະຂຶ້ນຢູ່ບຣຸກແຊນປະເທດແບນຊິກບໍ່ໄດ້ຮັບຄວາມຄືບໜ້າແຕ່ຢ່າງໃດ, ແຕ່ສອງຝ່າຍຕ່າງກໍ່ກ່າວວ່າການເຈລະຈາຍັງຈະສືບຕໍ່ໄປ.
ຫຼັງຈາກການເຈລະຈາ, ທ່ານຟົກ ຣາສ໌ມູເຊັນ ເລຂາທິການໃຫຍ່ນາໂຕກ່າວວ່າ, ຂໍ້ຂັດແຍ່ງລະຫວ່າງສອງຝ່າຍຍັງມີຢູ່, ແຕ່ສອງຝ່າຍກໍ່ສຸມກຳລັງຊອກຫາວິທີແກ້ໄຂ. ທ່ານກ່າວຢ້ຳອີກວ່າ, ລະບົບການຕິດຕັ້ງລູກສອນໄຟປ້ອງກັນທາງອາກາດຂອງນາໂຕບໍ່ໄດ້ແນໃສ່ຣັດເຊຍ, ນາໂຕຖືຣັດເຊຍເປັນເພື່ອນມິດ, ຫາກບໍ່ແມ່ນສັດຕູ.
ທ່ານເຊີເກ ລາຟຣົຟ ລັດຖະມົນຕີວ່າການກະຊວງການຕ່າງປະເທດຣັດເຊຍກ່າວວ່າ, ໃນການເຈລະຈານານັ້ນໂຕໄດ້ຮັບຟັງບັນຫາທີ່ຣັດເຊຍສົນໃຈ, ນອກຈາກຄຳໝັ້ນສັນຍາດ້ວຍຄຳເວົ້າແລ້ວ, ຍັງຄວນໃຫ້ຄຳໝັ້ນສັນຍາທີ່ມີຜົນສັກສິດທາງກົດໝາຍຕື່ມອີກ.
ມື້ດຽວກັນ, ນາງຮິວລາຣີ ຄຣິນຕັນ ລັດຖະມົນຕີວ່າການກະຊວງການຕ່າງປະເທດອາເມລິກາກ່າວວ່າ, ນາໂຕຈະສືບຕໍ່ການຕິດຕັ້ງລະບົບຕ້ານລູກສອນໄຟປ້ອງກັນທາງອາກາດເອີລົບ, ຕໍ່ເລື່ອງນີ້, ປະເທດທີ່ບໍ່ແມ່ນສະມາຊິກນາໂຕບໍ່ມີສິດຢັບຢັ້ງໄດ້.
