ຕາມຂ່າວcri:ຕອນຄ່ຳວັນທີ9 ທັນວານີ້, ງານວາງສະແດງເຄື່ອງນຸ່ງຈີນອາຊຽນ" ສວຍງາມຮ່ວມກັນ" ທີ່ກະຊວງວັດທະນະທຳຈີນເປັນຜູ່ຈັດ, ບໍລິສັດການສະແດງສິລະປະກຳຕໍ່ຕ່າງປະເທດຂອງຈີນເປັນຜູ່ປະຕິບັດນັ້ນໄດ້ຈັດຂຶ້ນຢູ່ຫໍວິຈິດຕະກຳຍອດວັດທະນະທຳຂອງຊາດປັກກິ່ງ.
ໃນງານວາງສະແດງມີເຄື່ອງນຸ່ງແບບດັ້ງເດີມຈີນ, ເຄື່ອງນຸ່ງຊົນເຜົ່າສ່ວນໜ້ອຍຈີນແລະເຄື່ອງນຸ່ງ10ປະເທດອາຊຽນ, ໄດ້ສະແດງເຖິງການປະສານກັນຢ່າງສົມບູນລະຫວ່າງການອອກແບບຍຸກປັດຈຸບັນກັບກຳມະວິທີແບບດັ້ງເດີມຂອງບັນດາປະເທດໂດຍຜ່ານຜ້າແພແລະເຄື່ອງນຸ່ງແບບດັ້ງເດີມທີ່ມີສີສັນພິເສດ. ເຄື່ອງນຸ່ງຂອງຈີນກັບ10ປະເທດອາຊຽນສະແດງຮ່ວມກັນ,ໄດ້ສະແດງເຖິງວັດທະນະທຳທີ່ເຊື່ອມໂຍງກັນແລະສະແຫວງຫາສວຍງາມຮ່ວມກັນ.
ກ່ອນໜ້ານີ້, ງານວາງສະແດງດັ່ງກ່າວໄດ້ຈັດຢູ່ນະຄອນຈຸ່ງກິ່ງຢ່າງສຳເລັດຜົນໃນຖານເປັນເນື້ອໃນອັນສຳຄັນຂອງ"ສັບປະດາວັດທະນະທຳອາຊຽນ"ບຸນສິລະປະກຳອາຊີຄັ້ງທີ12, ການຈັດຂຶ້ນເທື່ອນີ້ເປັນເທື່ອທີ2 ທີ່ຈັດຂຶ້ນຢູ່ຈີນ.
