ສະພາບັນດິດວິທະຍາສາດສັງຄົມຈີນຄາດວ່າ,ຕະຫຼາດອະສັງຫາລິມະຊັບຂອງຈີນອາດຈະສາມາດລົງຮອດຈັງຫວະເຕີບເຕີທີ່ເໝາະສົມຢ່າງໝັ້ນທ່ຽງ
(GMT+08:00) 2011-12-10 16:49:14 cri
ວັນທີ9ທັນວານີ້,ຢູ່ທີ່ປັກກິ່ງ,ສະພາບັນດິດວິທະຍາສາດສັງຄົມຈີນເຜີຍແຜ່ "ປື້ມປົກສີຂຽວເຮືອນຢູ່:ບົດລາຍງານການພັດທະນາເຮືອນຢູ່ຂອງຈີນປີ2011ຫາປີ2012".ປື້ມປົກສີຂຽວສະບັບນີ້ເຫັນວ່າ,ຍ້ອນວ່ານະໂຍບາຍປັບປຸງຄວບຄຸມໄດ້ຮັບຜົນຢ່າງຈະແຈ້ງ,ຕະ ຫຼາດອະສັງຫາລິມະຊັບຂອງຈີນອາດຈະສາມາດລົງຮອດຈັງຫວະເຕີບໂຕທີ່ເໝາະສົມໄດ້ຢ່າງໝັ້ນທ່ຽງ.
ປື້ມປົກສີຂຽວຂຽນວ່າ,ແຕ່ປີ2010ຫາປີ2011,ທ່ວງທ່າທີ່ລາຄາເຮືອນຢູ່ຖີບສູງຂຶ້ນຢ່າງວ່ອງໄວນັ້ນໄດ້ຖືກສະກັດກັ້ນໃນເບື້ອງຕົ້ນ,ຕະຫຼາດອະສັງຫາລິມະຊັບຄ່ອຍໆປະກົດມີສະ ພາບການທີ່ປະລິມານຊື້ຂາຍແລະລາຄາຊື້ຂາຍຫຼຸດລົງພ້ອມກັນ,ໂດຍລວມແລ້ວໄດ້ຮັກສາ ຢູ່ໃນສະພາບທີ່ມີຄວາມໝັ້ນທ່ຽງແລະຫຼຸດລົງເປັນກ້າວໆ.ຢູ່ບົນພື້ນຖານທີ່ຮັກສາຜົນທີ່ໄດ້ຮັບໃນປະຈຸບັນ,ຄາດວ່າໃນອະນາຄົດ,ຍັງຈະປະຕິບັດນະໂຍບາຍຄວບຄຸມຢ່າງເຄັ່ງຂັດ ໂດຍລວມ,ແຕ່ຈະມີການປ່ຽນແປງເລັກໜ້ອຍຕໍ່ທ້ອງຖິ່ນທີ່ຕາມເງື່ອນໄຂ,ເພື່ອເຮັດໃຫ້ຕະຫຼາດອະສັງຫາລິມະຊັບສາມາດລົງຮອດຈັງຫວະເຕີບໂຕທີ່ເໝາະສົມຢ່າງໝັ້ນທ່ຽງ.
ນອກນີ້,ກົມສະຖິຕິແຫ່ງຊາດຈີນເຜີຍແຜ່ບົດລາຍງານໃນວັນທີ9ທັນວານີ້ໂດຍສະແດງໃຫ້ເຫັນວ່າ,ໃນເດືອນພະຈິກປີນີ້,ເມື່ອທຽບໃສ່ໄລຍະດຽວກັນຂອງປີກາຍ,ເນື້ອທີ່ຈຳໜ່າຍເຮືອນຢູ່ຂອງຈີນຫຼຸດລົງ1,7%,ມູນຄ່າຈຳໜ່າຍຫຼຸດລົງ1,2%.ຕົວເລກດັດຊະນີຮຸ່ງເຮືອງຂອງການພັດທະນາອະສັງຫາລິມະຊັບຂອງຈີນແມ່ນ99,87,ຊຶ່ງໄດ້ຫຼຸດລົງຮອດລະດັບຕ່ຳກວ່າ100ເປັນຄັ້ງທຳອິດໃນຮອບສອງປີ.
