ທ່ານບານກີມູນຮຽກຮ້ອງໃຫ້ກົງໂກທີ່ນະຄອນຫຼວງຢູ່ກິນຊາຊາແກ້ໄຂຄວາມຂັດແຍ່ງກັນກ່ຽວກັບຜົນການເລືອກຕັ້ງປະທານາທິບໍດີໂດຍສັນຕິ
(GMT+08:00) 2011-12-10 16:52:14 cri
ວັນທີ9ທັນວານີ້,ຄະນະກຳມະການເລືອກຕັ້ງອິດສະຫຼະຂອງກົງໂກທີ່ນະຄອນຫຼວງຢູ່ກິນຊາຊາປະກາດຜົນສະຖິຕິບັດເລືອກຕັ້ງທັງໝົດ,ທ່ານໂຈເຊຟ ກາບີລາ,ປະທານາທິບໍດີຜູ່ປະຈຸບັນໄດ້ຮັບບັດຫຼາຍກວ່າໝູ່,ແລະໄດ້ຮັບໄຊຊະນະໃນການເລືອກຕັ້ງປະທານາທິບໍດີທີ່ຈັດຂຶ້ນໃນວັນທີ28ພະຈິກແລ້ວນີ້.
ກ່ຽວກັບເລື່ອງນີ້,ທ່ານບານກີມູນ,ເລຂາທິການໃຫຍ່ສະຫະປະຊາຊາດໄດ້ຜ່ານໂຄສົກອອກຖະແຫຼງການວ່າ,ທ່ານໄດ້ສົນໃຈຜົນສະຖິຕິບັດເລືອກຕັ້ງຊົ່ວຄາວທີ່ປະກາດໂດຍຄະນະກຳ ມະການເລືອກຕັ້ງອິດສະຫຼະຂອງປະເທດດັ່ງກ່າວແລ້ວ.ທ່ານຮຽກຮ້ອງໃຫ້ແກ້ໄຂຄວາມຂັດແຍ່ງກັນທັງໝົດກ່ຽວກັບຜົນການເລືອກຕັ້ງເທື່ອນີ້ໂດຍສັນຕິ,ໂດຍຜ່ານກົດໝາຍແລະກົນໄກໄກ່ເກ່ຍທີ່ມີຢູ່ໃນປະຈຸບັນ.
ທ່ານບານກີມູນຮຽກຮ້ອງໃຫ້ຜູ່ສະໝັກຮັບເລືອກຕັ້ງປະທານາທິບໍດີທຸກທ່ານພ້ອມດ້ວຍຜູ່ສະໜັບສະໜູນຂອງເຂົາເຈົ້າຮັກສາຄວາມອົດກັ້ນໄວ້,ຫຼີກລ້ຽງເກີດການກະທຳທີ່ທ້າທາຍເກາະຜິດ,ຍຸຍົງຫຼືໃຊ້ຄວາມຮຸນແຮງ.
ວັນທີ28ພະຈິກແລ້ວນີ້,ກົງໂກທີ່ນະຄອນຫຼວງຢູ່ກິນຊາຊາຈັດການເລືອກຕັ້ງປະທານາທິບໍດີ.ພັກເພື່ອປະຊາທິປະໄຕແລະຄວາມກ້າວໜ້າຂອງສັງຄົມແລະພັກຢູນີແຟດລູມຸມບິສເຕທີ່ເຂົ້າຮ່ວມການເລືອກຕັ້ງເທື່ອນີ້ເກີດການປະທະກັນຢູ່ບໍລິເວນໃກ້ສະໜາມບິນນະຄອນຫຼວງກິນຊາຊາ,ເຮັດໃຫ້10ກວ່າຄົນເສຍຊີວິດ,68ຄົນບາດເຈັບ.
