ການຄ້າຂາເຂົ້າຂາອອກຂອງຈີນໃນ11ເດືອນທຳອິດປີນີ້ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 23,6%
(GMT+08:00) 2011-12-10 16:55:53 cri
ວັນທີ10ທັນວານີ້,ດ່ານພາສີຈີນເຜີຍແຜ່ຕົວເລກສະຖິຕິຫຼ້າສຸດໂດຍສະແດງໃຫ້ເຫັນວ່າ,ແຕ່ເດືອນມັງກອນຫາເດືອນຜະຈິກປີນີ້,ຍອດມູນຄ່າການຄ້າຂາເຂົ້າຂາອອກຂອງຈີນຫຼາຍກວ່າ 3300 ຕື້ໂດລາ,ຫຼາຍກວ່າໄລຍະດຽວກັນຂອງປີກາຍ 23,6%.
ໃນນັ້ນ,ການຄ້າຂາອອກຫຼາຍກວ່າ1700ຕື້ໂດລາ,ເພີ່ມຂຶ້ນ21%;ການຄ້າຂາເຂົ້າຫຼາຍກວ່າ 1500ຕື້ໂດລາ,ເພີ່ມຂຶ້ນ26%.ການສົ່ງອອກຫຼາຍກວ່າການນຳເຂົ້າ138ຕື້400ລ້ານໂດລາ,ຫຼຸດໜ້ອຍລົງ18%.
ໃນການຄ້າກັບຄູ່ການຄ້າຕົ້ນຕໍ,ໃນ11ເດືອນທຳອິດປີນີ້,ລວມຍອດມູນຄ່າການຄ້າລະຫວ່າງຈີນກັບເອີຣົບ,ອາເມລິກາ,ຍີ່ປຸ່ນແລະອາຊຽນລ້ວນແຕ່ໄດ້ເພີ່ມຂຶ້ນຫຼາຍກວ່າ16%.
ນອກນີ້,ລວມຍອດມູນຄ່າການຄ້າຂາເຂົ້າຂາອອກລະຫວ່າງຈີນກັບອົສຕຼາລີ,ເບຼຊິນ,ຣັດເຊຍແລະອາຟະລິກາໃຕ້ເປັນຕົ້ນໄດ້ເພີ່ມຂຶ້ນຢ່າງຫຼວງຫຼາຍ,ລ້ວນແຕ່ໄວກວ່າຈັງຫວະເຕີບໂຕໂດຍລວມໃນໄລຍະດຽວກັນ,ຊຶ່ງໄດ້ສະແດງໃຫ້ເຫັນວ່າ,ການຄ້າລະຫວ່າງຈີນກັບປະເທດຈະເລີນໃໝ່ນັ້ນເຕີບໂຕຢ່າງແຂງແຮງ.
