ຕອນເຊົ້າວັນທີ10ທັນວານີ້,ພິທີເປີດ"ທີ່ລະລຶກຈີນລາວສ້າງສາຍພົວພັນທາງການທູດຄົບ ຮອບ50ປີແລະການເຄື່ອນໄຫວແລກປ່ຽນໄມຕີຈິດມິດຕະພາບຂອງຊາວໜຸ່ມຈີນລາວ"ຈັດຂຶ້ນຢູ່ເມືອງຈ່ຽງເຊິງນະຄອນຜູເອີແຂວງຢຸນນານຂອງຈີນ.
ທ່ານຄຳຜາ ພູມມະສອນກ່າວຄຳປາໄສ
ທ່ານຫຼີສຽວພີງ,ຮອງເລຂາຄະນະພັກນະຄອນຜູເອີ,ທ່ານລູ້ພີງ,ກຳມະການຄະນະກຳມະການສູນກາງຊາວໜຸ່ມມູນິດຈີນ,ຮອງເລຂາຄະນະຊາວໜຸ່ມກອມມູນິດແຂວງຢຸນນານ,ທ່ານຄຳຜາ ພູມມະສອນ,ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວພ້ອມດ້ວຍຄະນະໄດ້ເຂົ້າຮ່ວມພິທີ.
ແລກປ່ຽນໝາກຄອນ
ໃນເວລາກ່າວຄຳປາໄສ,ທ່ານລູ້ພີງກ່າວວ່າ: "ທີ່ລະລຶກແມ່ນສັນຍາລັກແຫ່ງຊາວໜຸ່ມຈີນລາວ,ກໍ່ແມ່ນສັນຍາລັກແຫ່ງໄມຕີຈິດມິດຕະພາບລະຫວ່າງສອງປະເທດ.ມັນສະແດງໃຫ້ເຫັນເຖິງຄວາມຊີວິດຊີວາຂອງຊາວໜຸ່ມ,ບັນທຶກຄວາມມຸ່ງມາດປາຖະໜາອັນຈິງໃຈຂອງສອງພັກ,ລັດທີ່ມີຕໍ່ຊາວໜຸ່ມ,ພວກເຮົາຄວນສືບທອດພັດທະນາແລະສົ່ງເສີມໄມຕີຈິດມິດຕະພາບແບບນີ້ໃຫ້ຈະເລີນຮຸ່ງເຮືອງ."
ປີນີ້ແມ່ນປີທີ່ຈີນລາວສ້າງສາຍພົວພັນທາງການທູດຄົບຮອບ50ປີ,ກິດຈະກຳແລກປ່ຽນມິດ ຕະພາບລະຫວ່າງຊາວໜຸ່ມຈີນລາວທີ່ຮ່ວມກັນຈັດໂດຍສູນກາງຄະນະຊາວໜຸ່ມກອມມູນິດຈີນແລະອົງການປົກຄອງແຂວງຢຸນນານໄດ້ຈັດຂຶ້ນຢູ່ເມືອງຈ່ຽງເຊິງໃນໄລຍະຈັດງານມະຫະກຳໂຍນໝາກຄອນ.ກິດຈະກຳເທື່ອນີ້ມີຈຸດປະສົງຜ່ານການແລກປ່ຽນລະຫວ່າງຊາວໜຸ່ມສອງປະເທດ,ຮັດແໜ້ນມິດຕະພາບລະຫວ່າງສອງປະເທດໃຫ້ສືບທອດກັນໄປ.
