ກອງປະຊຸມເວທີປຶກສາຫາລືຂັ້ນສູງກ່ຽວກັບຈີນເຂົ້າເປັນສະມາຊິກອົງການການຄ້າໂລກຄົບຮອບ10ປີໄດ້ຈັດຂຶ້ນໃນວັນທີ11ທັນວານີ້ຢູ່ປັກກິ່ງ.ໃນເວລາກ່າວປາຖະກະຖາ,ທ່ານຫູຈິນທ່າວ,ປະທານປະເທດຈີນກ່າວເນັ້ນວ່າ,ໃນການພັດທະນາໃນອະນາຄົດ,ຈີນຈະຍຶດໝັ້ນອາໄສການປະຕິຮູບແລະໄຂປະຕູສູ່ພາຍນອກຢ່າງໝັ້ນໜຽວບໍ່ປ່ຽນແປງ.ຈີນຈະປະຕິບັດຍຸດທະສາດໄຂປະຕູສູ່ພາຍນອກທີ່ຕັ້ງໜ້າແລະເປັນເຈົ້າການກວ່າເກົ່າ,ເປີດກວ້າງຂົງເຂດແລະຊ່ອງທາງໃໝ່ແຫ່ງການໄຂປະຕູ່ສູ່ພາຍນອກ,ປັບປຸງລະບົບແລະກົນໄກເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການຂອງເສດຖະກິດແບບໄຂປະຕູສູ່ພາຍນອກດີກວ່າເກົ່າ,ຍົກສູງລະດັບແລະຄຸນນະພາບຂອງເສດຖະກິດແບບໄຂປະຕູສູ່ພາຍນອກ,ກໍ່ຮ່າງສ້າງຕົວຂຶ້ນເປັນໂຄງປະກອບເສດຖະກິດແບບໄຂປະຕູສູ່ພາຍນອກອັນໃໝ່,ໃຊ້ການໄຂປະຕູ່ສູ່ພາຍນອກຊຸກຍູ້ການພັດທະນາ,ການປະຕິຮູບແລະການປະດິດສ້າງໃຫ້ດີກວ່າເກົ່າ.
ທ່ານຫູຈິນທ່າວກ່າວວ່າ,ການເຂົ້າເປັນສະມາຊິກຂອງອົງການການຄ້າໂລກແມ່ນເລື່ອງໃຫຍ່ໃນຂະບວນການປະຕິຮູບແລະໄຂປະຕູສູ່ພາຍນອກຂອງຈີນ,ເປັນຂີດໝາຍສະແດງໃຫ້ເຫັນວ່າການໄຂປະຕູສູ່ພາຍນອກຂອງຈີນໄດ້ກ້າວເຂົ້າສູ່ໄລຍະປະຫວັດສາດອັນໃໝ່.ເມື່ອເຂົ້າເປັນສະມາຊິກອົງການການຄ້າໂລກແລ້ວ,ຈີນຍຶດໝັ້ນຖືການນຳໃຊ້ສິດແລະຜົນປະໂຫຍດກັບການປະຕິບັດຕາມພັນທະໃຫ້ປະສານສົມທົບກັນ,ຖືການບັນລຸການພັດ ທະນາຕົນເອງກັບການຊຸກຍູ້ການພັດທະນາຮ່ວມກັນຂອງໂລກໃຫ້ປະສານສົມທົບກັນ,ເຂົ້າຮ່ວມການຮ່ວມມືແລະການແຂ່ງຂັນດ້ານເສດຖະກິດລະຫວ່າງຊາດໃນຂອບເຂດກວ້າງກວ່າເກົ່າແລະມີລະດັບສູງກວ່າເກົ່າ,ໄດ້ຊຸກຍູ້ໃຫ້ການພົວພັນລະຫວ່າງຈີນກັບໂລກເກີດການປ່ຽນແປງອັນໃຫຍ່ຫຼວງ.ໂລກໃນຊູ່ມື້ນີ້ແມ່ນໂລກທີ່ໄຂປະຕູສູ່ພາຍນອກ, ມີແຕ່ຍຶດໝັ້ນການປະຕິຮູບແລະໄຂປະຕູສູ່ພາຍນອກທໍ່ນັ້ນ,ຈຶ່ງຈະມີຄວາມກ້າວໜ້າຢ່າງບໍ່ຢຸດຢັ້ງ,ຈຶ່ງຈະສາມາດແກ້ໄຂບັນຫາຫຍຸ້ງຍາກທີ່ເກີດຂຶ້ນໃນຂະບວນການພັດທະນາ.
ທ່ານຫູຈິນທ່າວກ່າວວ່າ,ອ່ວາຍໜ້າໄປສູ່ອະນາຄົດ,ຈີນຈະຍຶດໝັ້ນເປັນຜູ່ປະຕິບັດການພັດທະນາໂດຍສັນຕິ,ຊຸກຍູ້ການຮ່ວມມືຮ່ວມກັນ,ປົກປັກຮັກສາລະບົບການຄ້າຫຼາຍຝ່າຍແລະເປັນຜູ່ເຂົ້າຮ່ວມການປັບປຸງເສດຖະກິດທົ່ວໂລກຢ່າງໝັ້ນໜຽວບໍ່ປ່ຽນແປງ. ປະເທດຈີນທີ່ໄຂປະຕູສູ່ພາຍນອກ,ພັດທະນາ,ຈະເລີນຮຸ່ງເຮືອງ,ດຸນດ່ຽງແລະມີສະຖຽນລະ ພາບຈະປະກອບສ່ວນອັນໃໝ່ແລະໃຫຍ່ຫຼວງກວ່າເກົ່າໃຫ້ແກ່ມວນມະນຸດ.
ໃນກອງປະຊຸມຄັ້ງນີ້,ມີທ່ານວາງຊີຊ່ານ,ຮອງນາຍົກລັດຖະມົນຕີຈີນເປັນປະທານໃນກອງປະຊຸມເວທີປຶກສາຫາລື.ມີຜູ່ແທນຈາກວົງການຕ່າງໆຂອງຈີນແລະຕ່າງປະເທດ ຄື:ທ່ານປັສການ ລາມີ,ຜູ່ອຳນວຍການໃຫຍ່ອົງການການຄ້າໂລກ,ທ່ານສຸພາໄຊ ພານິດສະພັກ,ເລຂາທິການໃຫຍ່ສະພາພັດທະນາການຄ້າຂອງສະຫະປະຊາຊາດ,ພ້ອມດ້ວຍຜູ່ຮັບ ຜິດຊອບຂອງທະນາຄານໂລກແລະອົງການກອງທຶນເງິນຕາສາກົນກໍ່ໄດ້ເຂົ້າຮ່ວມ.
