ວັນທີ 10 ທັນວານີ້, ນາງຟູ້ອີ໋ງ ລັດຖະມົນຕີຊ່ວຍວ່າການກະຊວງການຕ່າງປະເທດຈີນທີ່ພວມເຂົ້າຮ່ວມກອງປະຊຸມນະໂຍບາຍໂລກຄັ້ງທີ 4 ຢູ່ນະຄອນຫຼວງວຽນປະເທດໂອຕິຼສນັ້ນຊີ້ອອກວ່າ,ຈີນແມ່ນຜູ່ເຂົ້າຮ່ວມອັນຕັ້ງໜ້າຂອງປະຊາຄົມໂລກທີ່ຊຸກຍູ້ໃຫ້ເອີລົບສາມາດຜ່ານຜ່າວິກິດການໄປໄດ້, ແລະກໍ່ຫວັງວ່າເອີລົບຈະສ້າງບັນຍາກາດທີ່ດີງາມເພື່ອໃຫ້ຈີນກັບເອີລົບເປີດກວ້າງການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ ໂດຍສະເພາະແມ່ນເພື່ອດຶງດູດການລົງທຶນຂອງປະເທດທີ່ພວມພັດທະນາຕ່າງໆ ເຊິ່ງລວມທັງຈີນ.
ໃນກອງປະຊຸມນະໂຍບາຍໂລກຄັ້ງທີ 4 ທີ່ຈັດຂຶ້ນໃນວັນທີ 10 ທັນວານີ້, ນາງຟູ້ອີ໋ງກ່າວວ່າ,ສະຫະພາບເອີລົບແມ່ນອົງກອນເສດຖະກິດໃຫຍ່ທີ່ສຸດຂອງໂລກ,ມີກຳລັງແຮງໃນດ້ານເສດຖະກິດຢ່າງແທ້ຈິງ, ເອີລົບຕ້ອງການບໍ່ແມ່ນ"ຜູ່ກອບກູ້" ຫາກແມ່ນຄູ່ຮ່ວມມືສາກົນທີ່ຕ່າງຝ່າຍຕ່າງໄດ້ຮັບຜົນປະໂຫຍດ. ຈີນເຫັນວ່າ, ຄວນມີຄວາມໝັ້ນໃຈຕໍ່ເສດຖະກິດເອີລົບ ແລະ ເຂດໃຊ້ເງິນເອີໂຣ, ແລະເຊື່ອໝັ້ນວ່າເອີລົບມີສະຕິປັນຍາ ແລະ ຄວາມສາມາດຊອກພົບວິທີແກ້ໄຂໄດ້.
ນາງຟູ້ອີ໋ງຍັງຊີ້ອອກວ່າ, ນອກຈາກການຮ່ວມມືໃນຂົງເຂດການເງິນ, ຈີນກໍ່ພວມຕັ້ງໜ້າເປີດກວ້າງການນຳເຂົ້າສິນຄ້າ, ຫາລືຊ່ອງທາງທີ່ເພິ່ມທະວີການລົງທຶນໃນເອີລົບ, ໄດ້ໃຫ້ການຊ່ວຍເຫຼືອອັນແທ້ຈິງແລະສຳຄັນເພື່ອໃຫ້ເອີລົບສ້າງໂອກາດປະກອບອາຊີບ ແລະ ຟື້ນຟູເສດຖະກິດໃຫ້ເຕີບໂຕ.
