ວັນທີ 10 ທັນວານີ້, ຢູ່ທີ່ເມືອງນີງໂປ່,ເຈັດຕົວເມືອງແຄມຝັ່ງທະເລ ຄື,ເປີຍໄຫ, ກວາງໂຈ່ວ, ຈ່າງໂຈ່ວ, ຊວນໂຈ່ວ, ໝິງໂຈ່ວ,ຢ໋າງໂຈ່ວ ແລະ ເຕີ່ງໂຈ່ວໄດ້ ຮ້ອງຂໍໃຫ້ເສັ້ນທາງສາຍໄໝທາງທະເລຂຶ້ນທະບຽນມໍລະດົກໂລກທາງດ້ານວັດທະນະທຳ.
ຜູ່ຕາງໜ້າຂອງເຈັດຕົວເມືອງດັ່ງກ່າວໄດ້ເຊັນໂຄງການປະຕິບັດງານທີ່ກ່ຽວຂ້ອງ, ສະເໜີວ່າຈະສ້າງກົນໄກທີ່ມີປະສິດທິຜົນຍາວນານທີ່ພ້ອມກັນຊົມໃຊ້ເຊື່ອມໂຍງເຂົ້າກັນ ແລະ ພ້ອມກັນປະສານງານກັນ ເພື່ອຈັດວາງແຜນການກ່ຽວກັບວຽກງານຄົ້ນຄວ້າ,ປົກປັກຮັກສາ,ນຳໃຊ້ມໍລະດົກວັດທະນະທຳ ແລະ ຮ້ອງຂໍໃຫ້"ເສັ້ນທາງສາຍໄໝທາງທະເລ"ຂອງ 7 ຕົວເມືອງຂຶ້ນທະບຽນເປັນມໍລະດົກໂລກ.
ຂ່າວແຈ້ງວ່າ, ຢູ່ເຂດແຄມຝັ່ງທະເລພາກຕາເວັນອອກສຽງໃຕ້ເຊິ່ງຈາກເຂດສາມຫຼ່ຽມແມ່ນ້ຳຢາງຊີກຽງຮອດເຂດສາມຫຼ່ຽມແມ່ນ້ຳຈູຈ່ຽງ, ເມືອງເປີຍໄຫ, ກວາງໂຈ່ວ, ຈ່າງໂຈ່ວ, ຊວນໂຈ່ວ, ໝິງໂຈ່ວ,ຢ໋າງໂຈ່ວ ແລະ ເຕີ່ງໂຈ່ວ ນັບແຕ່ບູຮານນະການມາກໍ່ແມ່ນທ່າກຳປັ່ນອອກສູ່ທະເລທີ່ສຳຄັນຂອງຈີນ, ແລະຫຼັງສັດຕະວັດທີ 19 ສະໄໝມໍ່ມານີ້ຈົນຮອດປະຈຸບັນກໍ່ແມ່ນທ່າກຳປັ່ນຂົນສົ່ງສິນຄ້າ.
ອີງຕາມສະຖິຕິຫຼ້າສຸດ, ມາຮອດທ້າຍເດືອນພະຈິກປີ2011, ຍອດຈຳນວນໂຄງການຂອງຈີນທີ່ຖືກຈັດເຂົ້າໃນລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸຂອງອົງການສຶກສາ,ວິທະຍາສາດ ແລະ ວັດທະນະທຳຂອງສະຫະປະຊາຊາດ ຫຼື UNESCOໄດ້ມີ 36 ລາຍ, ກາຍເປັນປະເທດທີ່ມີໂຄງການມໍລະດົກວັດທະນະທຳທີ່ບໍ່ແມ່ນວັດຖຸຫຼາຍທີ່ສຸດໃນໂລກ.
