ຫຼາຍປະເທດແລະອົງການຈັດຕັ້ງຕີລາຄາຢ່າງຕັ້ງໜ້າຕໍ່ຜົນສຳເລັດໃນກອງປະຊຸມດິນຟ້າອາກາດເດີບານ
(GMT+08:00) 2011-12-12 18:12:33 cri
ວັນທີ11ທັນວານີ້, ກອງປະຊຸມດິນຟ້າອາກາດເດີບານໄດ້ຮັບຮອງຜ່ານມະຕິສະບັບໜຶ່ງ,ຕົກລົງຈະປະຕິບັດຄຳໝັ້ນສັນຍາໄລຍະທີ2ໃນ "ອະນຸສັນຍາກຽວໂຕ"ແລະເລີ່ມດຳເນີນຈັດຕັ້ງກອງທຶນດິນຟ້າອາກາດສີຂຽວແລະອື່ນໆ. ຫຼາຍປະເທດແລະອົງການຈັດຕັ້ງໄດ້ຕີລາຄາຢ່າງຕັ້ງໜ້າຕໍ່ຜົນສຳເລັດຂອງກອງປະຊຸມ,ຄຽງຄູ່ກັນນີ້ກໍ່ມີບາງປະເທດແລະອົງການສາກົນຈຳນວນໜຶ່ງຕຳນິຕິຊົມບາງປະເທດທີ່ໄດ້ພັດທະນາແລ້ວນອກຈາກທີ່ບໍ່ມີຄວາມຮັບຜິດຊອບແລ້ວຍັງກີດຂວາງຂະບວນການປຶກສາຫາລື.
ທ່ານບານກີມູນ ເລຂາທິການໃຫຍ່ອົງການສະຫະປະຊາຊາດອອກຖະແຫຼງການສະແດງຄວາມຊົມເຊີຍຕໍ່ຜົນສຳເລັດຂອງກອງປະຊຸມ.
ທ່ານໄມທີ ໂຄອານາ ມັຊາບານ, ປະທານກອງປະຊຸມທັງເປັນລັດຖະມົນຕີວ່າການກະຊວງການພົວພັນແລະການຮ່ວມມືສາກົນປະເທດອາຟຼິກາໃຕ້ກ່າວວ່າ,ການເຈລະຈາກັນກ່ຽວກັບດິນຟ້າອາກາດຄັ້ງນີ້ໄດ້ຍຶດໝັ້ນໂຄງປະກອບຫຼາຍຝ່າຍ,ຫຼັກການຄວາມໂປ່ງໃສແລະຫຼັກການຊຸກຍູ້ຂອງຜູ້ເປັນພາຄີສົນທິສັນຍາ.
ທ່ານນາງດິວມາ ຣຸສຊີຟ,ປະທານາທິບໍດີເບຼຊິນກ່າວວ່າ,ຮູ້ສຶກເພິ່ງພໍໃຈຫຼາຍຕໍ່ຜົນສຳເລັດຂອງກອງປະຊຸມແລະປະກົດການຂອງເບຼຊິນໃນການເຈລະຈາ,ຜົນສຳເລັດຂອງກອງປະຊຸມໄດ້ໃຫ້ພະລັງຊີວິດໃໝ່ແກ່ "ອະນຸສັນຍາກຽວໂຕ".
ຄະນະກຳມາທິການສະຫະພາບເອີລົບອອກປະກາດແຈ້ງການວ່າ,ສະຫະພາບເອີລົບສະແດງຄວາມຊົມເຊີຍຕໍ່ຝ່າຍຕ່າງໆທີ່ມີຄວາມເຫັນເປັນເອກະສັນກັນໃນທີ່ສຸດໃນກອງປະຊຸມດິນຟ້າອາກາດເດີບານ,ນີ້ແມ່ນ "ຄວາມບຸກຕະລຸຄັ້ງທາງປະຫວັດສາດ"ໃນການຮັບມືກັບການປ່ຽນແປງຂອງດິນຟ້າອາກາດ.
ໃນປະເທດທີ່ພັດທະນາແລ້ວໄດ້ເຂົ້າຮ່ວມກອງປະຊຸມເດີບານ,ລວມມີອາເມລິກາ,ຍີ່ປຸ່ນ,ການາດາມີທ່າທີທາງລົບຕໍ່ອະນຸສັນຍາກຽວໂຕ,ຮ້າຍແຮງກວ່ານັ້ນອີກແມ່ນອາເມລິກາບໍ່ໄດ້ເຂົ້າຮ່ວມເປັນພາຄີສົນທິສັນຍາກຽວໂຕ.
