ປະທານາທິບໍດີຣັດເຊຍສະແດງຄວາມເຫັນຕໍ່ງານໂຮມຊຸມນຸມປະທ້ວງການເລືອກຕັ້ງຢ່າງຂະໜາດໃຫຍ່
(GMT+08:00) 2011-12-12 13:22:23 cri
ຕາມຂ່າວCRI: ຕອນແລງວັນທີ11ທັນວານີ້, ທີ່ທ່ານດີມີຕຣິ ເມດເວເດຟ ປະທານາທິບໍດີຣັດເຊຍໄດ້ສະແດງຄວາມເຫັນຜ່ານທາງເວບໄຊ"ເຟສບຸກ"ກ່ຽວກັບງານໂຮມຊຸມນຸມປະທ້ວງຂະໜາດໃຫຍ່ຊຶ່ງມີຈຳນວນ2ໝື່ນ5ພັນຄົນເຂົ້າຮ່ວມທີ່ເກີດຂຶ້ນ ຢູ່ນະຄອນຫຼວງມົສກູໃນວັນທີ10ທັນວານີ້ວ່າ, ເຫັນດີງານໂຮມຊຸມນຸມແລະການກ່າວຄຳເຫັນຢ່າງມີປະຊາທິປະໄຕຂອງປະຊາຊົນ, ແຕ່ບໍ່ເຫັນດີນຳຄຳປະທ້ວງທີ່ໄສວ່າມມີການສໍ້ໂກງໃນການເລືອກຕັ້ງໃນວັນທີ10ທັນວານີ້, ແລະຮຽກ ຮ້ອງໃຫ້ພິສູດວ່າຂະບວນການເລືອກຕັ້ງປະທານາທິບໍດີບໍ່ມີການລະເມີດກົດ ໝາຍ.
ທ່ານດີມີຕຣິ ເມດເວເດຟກ່າວວ່າ, ອີງຕາມລັດຖະທຳມະນູນຂອງສະຫະພັນຣັດເຊຍ, ປະຊາຊົນມມີສິດເສລີໃນການກ່າວຄຳເຫັນແລະຈັດງານໂຮມຊຸມນຸມ. ກ່ຽວກັບງານໂຮມຊຸມນຸມປະທ້ວງຢ່າງຂະໜາດໃຫຍ່ທີ່ຈັດຂຶ້ນຢູ່ນະຄອນຫຼວງມົສກູໃນມໍ່ໆນີ້, ທ່ານກ່າວວ່າ: "ປະຊາຊົນມີສິດສະແດງຫຼັກໝັ້ນຂອງຕົນ",ແລະໄດ້ຢືນຢັນວ່າງານໂຮມຊຸມນຸມທີ່ຈັດຂຶ້ນຢູ່ນະຄອນຫຼວງມົສກູໃນວັນທີ10ທັນວານີ້ໄດ້ດຳເນີນໃນຂອບເຂດການກກຳນົດຂອງກົດໝາຍ.