ເຈົ້າໜ້າທີ່ຈີນກ່າວວ່າ, ຫວັງໃຫ້ສື່ມວນຊົນຕາເວັນຕົກລາຍງານຂ່າວກ່ຽວກັບ ສິດຊັບສິນທາງປັນຍາຈີນຕາມຕົວຈິງແລະຮອບດ້ານ
(GMT+08:00) 2011-12-12 16:11:43 cri
ຫວ່າງມໍ່ໆນີ້, ໃນເວລາເຂົ້າຮ່ວມ "ງານສຳມະນາສິດຊັບສິນທາງປັນຍາຈີນອັງກິດ" ທີ່ຈັດຂຶ້ນຢູ່ນະຄອນຫຼວງລອນດອນ ປະເທດອັງກິດ, ທ່ານທຽນລີ້ຜູ, ຫົວໜ້າກົມສິດຊັບສິນທາງປັນຍາແຫ່ງຊາດຈີນກ່າວວ່າ, ປະກົດການລະເມີດສິດຊັບສິນທາງປັນຍາຂອງຈີນບໍ່ໜັກໜ່ວງກວ່າປະເທດອື່ນ, ແຕ່ສື່ມວນຊົນຕາເວັນຕົກພັດໄດ້ໃຫ້ "ຄວາມເອົາໃຈໃສ່" ຫຼາຍເປັນພິເສດຕໍ່ຈີນ, ນີ້ແມ່ນສາເຫດສຳຄັນທີ່ເຮັດໃຫ້ຄົນໃນຂະແໜງການທີ່ກ່ຽວຂ້ອງແລະປະຊາຊົນເກີດມີຄວາມເຂົ້າໃຈຜິດຕໍ່ຈີນ, ຈີນຫວັງໃຫ້ສື່ມວນຊົນຕາເວັນຕົກລາຍງານຂ່າວກ່ຽວກັບສິດຊັບສິນທາງປັນຍາຈີນໃຫ້ຖືກຕ້ອງຕາມຄວາມເປັນຈິງແລະຮອບດ້ານ.
ທ່ານທຽນລີ້ຜູຍັງກ່າວວ່າ, ຈີນໄດ້ຍົກເອົາການປົກປ້ອງສິດຊັບສິນທາງປັນຍາຂຶ້ນເປັນຍຸດທະສາດແຫ່ງຊາດ, ຈີນຍິນດີດຳເນີນການແລກປ່ຽນແລະການສົນທະນາກັບປະເທດຕ່າງໆໃນໂລກກ່ຽວກັບສິດຊັບສິນທາງປັນຍາ, ໃນດ້ານການປະດິດສ້າງໃໝ່ຢ່າງເປັນເຈົ້າຕົນເອງ, ການຈັດຊື້ຂອງລັດຖະບານແລະການປົກປ້ອງສິດຊັບສິນທາງປັນຍາ, ຈີນຈະປະຕິບັດຕາມຫຼັກການທີ່ສະເໝີພາບກັນ.