ວັນ ທີ12 ທັນວາ ນີ້, ໜັງສືພິມ ເຢິນມິນຢື້ປ້າວ ຂອງ ຈີນ ໄດ້ ລົງພິມ ບົດຄວາມ ຊີ້ອອກ ວ່າ, ຈີນ ໄດ້ ເຂົ້າ ເປັນ ສະມາຊິກ WTO 10ປີ, ໃນ ບັນຫາ ນີ້, ຄວນເວົ້າ ວ່າ ບົນ ພື້ນຖານ ຄວາມຮັບຮູ້ ຄືກັນ ຂອງປະຊາຄົມ ໂລກ; ຈີນ ໄດ້ ເຂົ້າ ເປັນ ສະມາຊິກ WTO ເປີດກວ້າງ ການ ເປີດປະຕູ ສູ່ ພາຍນອກ, ໄດ້ ມີ ຜົນດີ ຕໍ່ ປະຊາຊົນ ຈີນ 1300 ລ້ານຄົນ, ແລະ ກໍ່ ມີ ຜົນດີ ຕໍ່ ປະຊາຊົນ ປະເທດ ຕ່າງໆ ໃນໂລກ. ຄວາມຮັບຮູ້ ຄືກັນ ອັນ ເປັນ ພື້ນຖານ ນີ້ ໄດ້ ຈໍ່ ຕົວຂຶ້ນ ໂດຍ ບໍ່ງ່າຍ, ຕ້ອງ ການ ພວກເຮົາ ມີ ການກຶກກອງ ຢ່າງ ເລິກເຊິ່ງ.
ບົດຄວາມ ເຫັນວ່າ, ພາຍຫຼັງ ເຂົ້າ ເປັນ ສະມາຊິກ WTO 10ປີ, ຈີນ ປະຕິບັດ ຄຳໝັ້ນ ສັນຍາ ໃນ ເວລາ ຮ້ອງຂໍ ຕໍ່WTO ຢ່າງ ຮອບດ້ານ, ຍຶດໝັ້ນ ໃນ ການ ປະຕິບັດ ນະໂຍບາຍ ເປີດ ປະຕູ ສູ່ ພາຍນອກທີ່ ສະເໝີພາບ, ຮ່ວມມື ແລະ ຕ່າງຝ່າຍ ຕ່າງມີ ຜົນປະໂຫຍດ, ແລະ ຕັ້ງໜ້າ ຫາບແບກ ໜ້າທີ່ ຮັບຜິດຊອບ ຕໍ່ ສາກົນ, ພະຍາຍາມ ຊຸກຍູ້ ບັນດາ ປະເທດ ພັດທະນາ ຮ່ວມກັນ. ຖ້າ ບໍ່ມີ ສິ່ງ ເຫຼົ່ານີ້, ກໍ່ ຈະບໍ່ ມີສະພາບ ອັນ ດີງາມ ທີ່ ຈີນ ກັບ ບັນດາ ປະເທດ ໃນ ໂລກ ຕ່າງຝ່າຍຕ່າງມີ ຜົນປະໂຫຍດ, ຄວາມເຫັນ ທີ່ວ່າ"ການພັດທະນາ ຂອງ ຈີນ ຂາດໂລກ ບໍ່ໄດ້,ຄວາມ ຈະເລີນ ຮຸ່ງເຮືອງ ແລະ ສະຖຽນລະພາບ ຂອງ ໂລກ ກໍ່ຂາດ ຈີນ ບໍ່ໄດ້" ເມື່ອ ເປັນ ເຊັ່ນນັ້ນ ກໍ່ບໍ່ ສາມາດ ເຂົ້າ ເຖິງ ຈິດໃຈ ຂອງ ບັນດາ ປະຊາຊົນ ໃນ ທົ່ວໂລກ.