ຕາມຂ່າວຈາກເວັນໄຊປະຊາຊົນ:ຕາມການສື່ມວນຊົນໄທໃນວັນທີ12ທັນວານີ້ໄດ້ຂຽນວ່າ,ວັນທີ11 ທັນວານີ້ຫນັງສືພິມ"ບາງກອກພົສທໍ" ໄດ້ລົງຂ່າວວ່າ,ເຮືອລາດຕະເວນຮ່ວມທີ່ຕາມລຳແມ່ນ້ຳຂອງມຽນມາແລະລາວໄດ້ຖືກຜູ່ປະກອບອາວຸດທີ່ບໍ່ຮູ້ຝ່າຍຫຼອນໂຈມຕີ,ໃນເວລາປະຕິບັດຫນ້າທີ່ປ້ອງກັນເຮືອກຳປັ່ນບັນທຸກສິນຄ້າຈີນເດີນເຮືອຕາມລຳແມ່ນ້ຳຂອງ,ແລ້ວເຮັດໃຫ້ທະຫານມຽນມາ3 ຄົນເສຍຊີວິດ.ນັກຂ່າວໄດ້ຖ່າມລາຍລະອຽດຂ່າວດັ່ງກ່າວນຳເຈົ້າຫນ້າທີ່ກະຊວງປ້ອງກັນຄວາມສະຫງົບຈີນ,ເຈົ້າຫນ້າທີ່ຕຳຫຼວດຂອງໄທແລະພະນັກງານປະຈຳ ເຮືອກຳປັ່ນບັນທຸກສິນຄ້າຈີນເພື່ອຢືນຢັນຂ່າວນີ້ແມ່ນເລື່ອງຈິງຫຼືບໍ່,ຊຶ່ງຂ່າວນີ້ທຸກພາກສ່ວນຕ່າງກໍ່ກ່າວວ່າ, ຂ່າວນີ້ບໍ່ແມ່ນເລື່ອງຈິງແຕ່ປະການໃດ,ໃນເວລາກອງເຮືອລາດຕະເວນຮ່ວມເດີນເຮືອຕາມລຳແມ່ນ້ຳຂອງ,ບໍ່ໄດ້ຖືກຫຼອນໂຈມຕີຫຍັງເລີຍ,ແລະເຂົາເຈົ້າຍັງບໍ່ຮູ້ຂ່າວກ່ຽວກັບເລື່ອງນີ້ຈາກຝ່າຍຕ່າງໆ.
ວັນທີ12 ທັນວານີ້,ຫຼັງຈາກຜູ່ຮັບຜິດຊອບທີ່ກ່ຽວຂ້ອງຂອງຫ້ອງການຂ່າວຂອງກະຊວງປ້ອງກັນຄວາມສະຫງົບຈີນໄດ້ຕິດຕໍ່ພົວພັນກັບກອງເຮືອລາດຕະເວນຮ່ວມແລະປະຕິບັດຕາມກົດຫມາຍຂອງ 4 ປະເທດຄືຈີນ ລາວ ມຽນມາແລະໄທ,ແລ້ວແຈ້ງຕໍ່ນັກຂ່າວວ່າ,ກອງເຮືອລາດຕະເວນດັ່ງກ່າວບໍ່ໄດ້ຫຼອນໂຈມຕີ.ການເຄື່ອນໄຫວການລາດຕະເວນຮ່ວມແລະປະຕິບັດກົດໝາຍຂອງ4ປະເທດນີ້ໄດ້ຮັບຄວາມຄືບຫນ້າເປັນຢ່າງດີ,ເຮືອລາດຕະເວນຮ່ວມມຽນມາທີ່ເຂົ້າຮ່ວມການເຄື່ອນໄຫວຄັ້ງນີ້ພ້ອມດ້ວຍເຈົ້1າຫນ້າທີ່ທັງຫມົດໄດ້ເດີນທາງໄປຮອດທ່າເຮືອວານເບີນຂອງມຽນມາຢ່າງປອດໄພ.
ເຈົ້າຫນ້າທີ່ຮັບຜິດຊອບທ່ານນີ້ກ່າວຕື່ມວ່າ,ກອງເຮືອລາດຕະເວນຮ່ວມຈະປ້ອງກັນເຮືອກຳປັ່ນບັນທຸກສິນຄ້າຈີນໄປເຂດສາມຫຼ່ຽມຄຳ3ປະເທດຊຶ່ງເປັນຈຸດເຊື່ອມຕໍ່ລະຫວ່າງລາວ, ມຽນມາ, ແລະໄທແລ້ວ,ຫຼັງຈາກນັ້ນຕຳຫຼວດນ້ຳຂອງໄທໄດ້ປ້ອງກັນການເດີນເຮືອໄປຮອດໄທ,ປະຈຸບັນ, ເຮືອກຳປັ່ນບັນທຸກສິນຄ້າຈີນ 10 ລຳທີ່ມີເຮືອລາດຕະເວນຮ່ວມຕາມລຳແມ່ນ້ຳຂອງໃຫ້ການປ່ອງກັນນັ້ນໄດ້ໄປຮອດທ່າເຮືອຊຽງແສນຂອງໄທທີ່ເປັນຈຸດຫມາຍປາຍທາງໃນການເດີນເຮືອຄັ້ງນີ້ຢ່າງປອດໄພ.
