ນະຄອນນານກິ່ງຈັດພິທີໄວ້ອາໄລດ້ວຍແສງທຽນເຖິງຜູ້ເສຍຊີວິດໃນການສັງຫານໃຫຍ່ນານກິ່ງ
(GMT+08:00) 2011-12-13 10:26:03 cri
ຕອນຄ່ຳວັນທີ12ທັນວານີ້, ຕົວແທນຄູສອນອາຈານແລະນັກຮຽນຂອງໂຮງຮຽນປະຖົມຈຳນວນໜຶ່ງ, ບຸກຄົນວົງການພຸດທະສາສະໜາ,ຄູບາສາມະເນນ, ເຈົ້າໜ້າທີ່ຄົ້ນຄວ້າເຫດການສັງຫານໃຫຍ່ນານກິ່ງຂອງນະຄອນນານກິ່ງຈີນພ້ອມດ້ວຍເພື່ອນມິດສາກົນຈາກສ.ເກົາຫຼີແລະຍີ່ປຸ່ນໄດ້ຈັດພິທີໄວ້ອາໄລດ້ວຍການໄຕ້ທຽນ, ເພື່ອໄວ້ອາໄລຕໍ່ປະຊາຊົນນານກິ່ງ3ແສນຄົນຖືກສັງຫານຄົບຮອບ74ປີ.
ວັນທີ13ທັນວາ1937, ກອງທັບຍີ່ປຸ່ນຜູ້ຮຸກຮານຈີນໄດ້ຍຶດຄອງນະຄອນນານກິ່ງ, ຫຼັງຈາກນັ້ນໜຶ່ງເດືອນກວ່າ, ທະຫານຍີ່ປຸ່ນຜູ້ຮຸກຮານຈີນໄດ້ສັງຫານປະຊາຊົນຈີນແລະທະຫານຈີນຜູ້ທີ່ໄດ້ວາງອາວຸດແລ້ວຢ່າງໂຫດຮ້າຍປ່າເຖື່ອນທີ່ສຸດ.
