ຈີນເຕືອນໃຫ້ອາເມລິກາຈົ່ງຢຸດຕິການຕຳໜິຕິຕຽນບັນຫາສິດທິມະນຸດຂອງປະເທດອື່ນແລ້ວຫັນມາສຳຫຼວດຕົນເອງໃນດ້ານນີ້ຄືນໃໝ່
(GMT+08:00) 2011-12-13 16:07:53 cri
ວັນທີ13ທັນວານີ້,ທ່ານຫຼິວເວີຍມິນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວກ່ຽວກັບອາເມລິກາກ່າວຖ້ອຍຄວາມກ່ຽວກັບບັນຫາສິດທິມະນຸດໃນໄລຍະມໍ່ໆມານີ້,ທ່ານຫຼີວເວີຍມິນກ່າວວ່າ,ຈີນເຕືອນໃຫ້ອາເມລິກາຈົ່ງຢຸດຕິການຕຳໜິຕິຕຽນບັນຫາສິດທິມະນຸດຂອງປະເທດອື່ນ,ແລ້ວຫັນມາສຳຫຼວດຕົນເອງໃນດ້ານນີ້ໃຫ້ຫຼາຍກວ່າເກົ່າ.
ເນື່ອງໃນໂອກາດວັນສິດທິມະນຸດໂລກໃກ້ຈະວຽນມາເຖິງ,ທ່ານນາງຮີວຣາຣີຄຼິນຕັນ ລັດຖະມົນຕີວ່າການກະຊວງການຕ່າງປະເທດອາເມລິກາໄດ້ກ່າວປາຖະກະຖາກ່ຽວກັບສິດທິມະນຸດ,ເສລີພາບທາງດ້ານອິນເຕີເນັດແລະບັນຫາອື່ນໆ.ທ່ານຫຼີ້ວເວີຍມິນກ່າວວ່າ,ລັດຖະບານຈີນເອົາໃຈໃສ່ໃນລະດັບສູງໃນການຮັບປະກັນສິດພື້ນຖານທຸກດ້ານຂອງປະຊາຊົນເຜົ່າຕ່າງໆ,ປົກປ້ອງສິດເສລີພາບໃນການເຊື່ອຖືສາສະໜາຂອງພົນລະເມືອງຕາມກົດໝາຍ.ວຽກງານສິດທິມະນຸດຂອງຈີນໄດ້ຮັບຜົນສຳເລັດຢ່າງໃຫຍ່ຫຼວງ,ນີ້ແມ່ນສິ່ງໄດ້ຊາວໂລກໃຜໆກໍ່ໄດ້ຮູ້ໄດ້ເຫັນ.ຈີນຍິນດີດຳເນີນການສົນທະນາກັບອາເມລິກາກ່ຽວກັບບັນຫາສິດທິມະນຸດຢູ່ບົນພື້ນຖານທີ່ສະເໝີພາບແລະເຄົາລົບເຊິ່ງກັນແລະກັນ,ແຕ່ວ່າຈີນເດັດດ່ຽວຄັດຄ້ານອາເມລິກາສວຍໃຊ້ບັນຫາສິດທິມະນຸດແຊກແຊງເຂົ້າວຽກງານພາຍໃນຂອງຈີນ.
ທ່ານຫຼີ້ວເວີຍມິນຍັງກ່າວວ່າ,ຈີນແມ່ນປະເທດທີ່ປົກຄອງຕາມກົດໝາຍ,ແລະໄດ້ແກ້ໄຂຄະດີທີ່ກ່ຽວຂ້ອງຕາມກົດໝາຍ.ອາເມລິກາບໍ່ມີສິດເຂົ້າແຊກແຊງວຽກງານພາຍໃນແລະສິດອຳນາດອະທິປະໄຕທາງດ້ານຕຸລາການຂອງຈີນ.
