ວັນທີ13 ທັນວານີ້, ພິທີທີ່ໄວ້ອາໄລເຖິງດວງວິນຍານຂອງຄົນຈີນ3ແສນຄົນທີ່ເສຍຊີວິດໃນເຫດການສັງຫານໃຫຍ່ນານກິ່ງທີ່ກອງທັບຍີ່ປຸ່ນຮຸກຮານຈີນຄົບຮອບ74ປີຫຼືພິທີໂຮມຊຸມນຸມໃນວັນສັນຕິພາບສາກົນນານກິ່ງຈັດຂຶ້ນຢູ່ຫໍລະລຶກພີ່ນ້ອງຮ່ວມຊາດທີ່ເສຍຊີວິດໃນການສັງຫານໃຫຍ່ນານກິ່ງ.
ຜູ່ຕາງໜ້າຈາກທຸກວົງການໃນນະຄອນນານກິ່ງ, ຜູ່ລອດຕາຍຈາກເຫດການສັງຫານໂທດນານກິ່ງ, ຜູ່ຕາງໜ້າຄອບຄົວຜູ່ເສຍຊີວິດ,ແລະຜູ່ຕາງໜ້າຄະນະໄມຕີຈິດ, ບຸກຄົນໄມຕີຈິດມິດຕະພາບທີ່ມາຈາກອາເມລິກາ,ຣັດເຊຍ,ຍີ່ປຸ່ນ, ສ.ເກົາຫຼີ, ລູອັນດາເປັນຕົ້ນປະມານ5000ຄົນໄດ້ເຂົ້າຮ່ວມໂຮມຊຸມນຸມ.
ໃນພິທີໄວ້ອາໄລ, ທ່ານເຊີນປາວທຽນ ຮອງປະທານສະພາເປິກສາການເມືອງປະຊາຊົນແຂວງຈ່ຽງຊູ່ກ່າວວ່າ, ບໍ່ລືມປະຫວັດສາດ, ໄວ້ອາໄລເຖິງດວງວິນຍານພີ່ນ້ອງຮ່ວມຊາດທີ່ເສຍຊີວິດ, ກໍ່ແມ່ນເພື່ອເຕືອນຈິດໃຈໃຫ້ຄົນທັງຫຼາຍຖືປະຫວັດສາດເປັນບົດຮຽນ, ບໍ່ໃຫ້ໂສກນາດຕະກຳທາງປະຫວັດສາດເກີດຂຶ້ນອີກເທື່ອໃໝ່; ກໍ່ແມ່ນເພື່ອເດີນຕາມເສັ້ນທາງທີ່ພັດທະນາໂດຍສັນຕິຢ່າງໝັ້ນໜຽວກວ່າເກົ່າ, ພະຍາຍາມບັນລຸການຟື້ນຟູຄວາມຈະເລີນຂອງປະຊາຊົນບັນດາເຜົ່າຂອງຈີນ.
