ວັນທີ12 ທັນວານີ້, ທ່ານນາງຢິ່ງລັກ ຊິນນະວັດ ນາຍົກລັດຖະມົນຕີໄທໄດ້ຈັດກອງປະຊຸມຄະນະລັດຖະບານເປັນວາລະພິເສດແລະໄດ້ອະນຸມັດງົບປະມານຫຼາຍກວ່າ60ຕື້ບາດເພື່ອສ້າງສາຄືນໃໝ່ພາຍຫຼັງໄພນ້ຳຖ້ວມ. ທ່ານນາງຢິ່ງລັກກ່າວວ່າ, ທຶນງວດນີ້ຈະນຳໃຊ້ເຂົ້າໃນການສ້າງສາຄືນໃໝ່ທາງດ້ານພື້ນຖານໂຄງລ່າງແລະຟື້ນຟູລະບົບການຜະລິດແລະຊີວິດການເປັນຢູ່ທົ່ວໄປຂອງປະຊາຊົນໃນເຂດປະສົບໄພ.
ທ່ານວໍຣະວິດ ຈຸມພີຣັດ ຫົວໜ້າກົມງົບປະມານແຫ່ງຊາດໄທກ່າວວ່າ, ມື້ດຽວກັນນີ້, ກອງປະຊຸມວາລະພິເສດຂອງຄະນະລັດຖະບານຍັງໄດ້ອະນຸມັດງົບປະມານໃຫ້ແກ່9ລາຍການທີ່ຕ້ອງການເງິນທຶນຢ່າງຮີບດ່ວນພາຍຫຼັງໄພພິບັດ, ຕົ້ນຕໍແມ່ນນຳໃຊ້ໃນການຊ່ອຍເຫຼືອແລະປັບປຸງຊີວິດການເປັນຢູ່ຂອງປະຊາຊົນທີ່ປະສົບໄພໃນ62ຈັງຫວັດ, ການສ້າງສາຄືນໃໝ່ໃນເຂດປະສົບໄພພາຍຫຼັງໄພພິບັດຂອງອົງການສາທາລະນະສຸກ,ໂຮງຮຽນດັ່ງນີ້ເປັນຕົ້ນ.
