ການາດາປະກາດຖອນຕົວອອກຈາກອະນຸສັນຍາກຽວໂຕຢ່າງເປັນທາງການ
(GMT+08:00) 2011-12-13 15:30:32 cri
ວັນທີ12ທັນວານີ້,ໃນກອງປະຊຸມຂ່າວທີ່ຈັດຂຶ້ນໂດຍລັດຖະສະພາ,ທ່ານປີເຕີ ເຄັນທ໌,ລັດຖະມົນຕີວ່າການກະຊວງສິ່ງແວດລ້ອມການາດາປະກາດວ່າ,ການາດາໄດ້ຖອນຕົວອອກຈາກອະນຸສັນຍາກຽວໂຕຢ່າງເປັນທາງການແລ້ວ.
ທ່ານເຄັນທ໌ຍັງຕຳນິລັດຖະບານການາດາທີ່ນຳພາໂດຍພັກເສລີນັ້ນບໍ່ມີຄວາມຮັບຜິດຊອບທີ່ໄດ້ອະນຸມັດໃຫ້ການາດາເຂົ້າເປັນສະມາຊິກຂອງອະນຸສັນຍາກຽວໂຕໃນເມື່ອກ່ອນ,ເນື່ອງຈາກວ່າບໍ່ໄດ້ມີການກະທຳຢ່າງຕັ້ງໜ້າເພື່ອຫຼຸດການລະບາຍອາຍພິດເຮືອນແກ້ວ.ທ່ານກ່າວວ່າ,ເມື່ອຖອນອອກຈາກອະນຸສັນຍາກຽວໂຕແລ້ວ,ຈະສາມາດເຮັດໃຫ້ການາດາຍົກເວັ້ນການຖືກປັບໄໝ13ຕື້600ລ້ານໂດລາຍ້ອນລະເມີດສັນຍາ.
ໃນໄລຍະເຂົ້າຮ່ວມກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາ ກາດທີ່ເດີບານ,ທ່ານເຄັນທ໌ກໍ່ເຄີຍປະກາດຫຼາຍເທື່ອວ່າ,ເມື່ອການປະຕິບັດຄຳໝັ້ນສັນຍາໄລຍະທີ1ຂອງອະນຸສັນຍາກຽວໂຕໝົດອາຍຸໃນທ້າຍປີ2012ແລ້ວ,ການາດາຈະບໍ່ໃຫ້ຄຳ ໝັ້ນສັນຍາອີກຄັ້ງໃໝ່ຕໍ່ອະນຸສັນຍາກຽວໂຕ.
