ທ່ານຈີ່ຊູ້ຜິງ,ຫົວຫນ້າກົມໃຫຍ່ຕິດຕາມກວດກາຄຸນນະພາບແລະພະຍາດແຫ່ງຊາດຈີນກ່າວວ່າ,ນັບແຕ່ຈີນເຂົ້າເປັນສະມາຊິກອົງການການຄ້າໂລກຫຼືWTOເປັນຕົ້ນມາ,ປະເພດແລະຄຸນນະພາບຂອງຜະລິດຕະພັນຈາກຈີນໄດ້ມີການປ່ຽນແປງຢ່າງຊັດເຈນ,ແຕ່ລະດັບຄຸນນະພາບລວມຂອງຜະລິດຕະພັນຈີນຍັງບໍ່ສູງປານໃດ,ຄຸນນະພາບຂອງຜະລິດຕະພັນຈຳນວນຫນຶ່ງຍັງບໍ່ມີຄວາມຫມັ້ນທ່ຽງຫຼືຍັງມີບັນຫາຄຸນນະພາບບໍ່ທັນດີ້ເທົ່າທີ່ຄວນ. ຈີນຈະນຳໃຊ້ລະບົບຕິດຕາມກວດກາຄຸນນະພາບຕາມລະບຽບສາກົນໃຫ້ດີກວ່າເກົ່າ,ເພື່ອເລັ່ງລັດການຍົກລະດັບຄຸນນະພາບຂອງຜະລິດຕະພັນໃຫ້ສູງຂຶ້ນ.
ໃນ10 ປີຜ່ານມາ,ໂຄງປະກອບຄຸ້ມຄອງຄຸນນະພາບທີ່ມີຈຸດພິເສດຂອງຈີນເຊິ່ງຈີນເຊື່ອມໂຍງເຂົ້າກັນກັບສາກົນໄດ້ຮັບການປັບປຸງໃຫ້ດີຂຶ້ນເທື່ອລະກ້າວ. ລະບົບຕິດຕາມກວດກາຄຸນນະພາບໄດ້ມີບົດບາດໃນການກວດກາຄຸນນະພາບຂອງຜະລິດຕະພັນທີ່ຜະລິດຈາກໂຮງງານຢ່າງເຄັ່ງຄັດ,ໂດຍຜ່ານ ການອະນຸຍາດໃຫ້ຜະລິດຕະພັນເຂົ້າສູ່ຕະຫຼາດແລະຕິດຕາມກວດກາໂດຍຖອດຖອນບົດຮຽນຈາກເອົາຕົວຢ່າງຂອງຜະລິດຕະພັນຈຳນວນຫນຶ່ງ, ປະຕິບັດຕາມກົດຫມາຍຢ່າງເຂັ້ມງວດເພື່ອຕໍ່ຕ້ານສິນຄ້າປອມ,ຮຽກຄືນຜະລິດຕະພັນທີ່ຄຸນນະພາບບໍ່ໄດ້ຕາມມາດ ຕະຖານ,ຍົກລະດັບຄຸນນະພາບໃຫ້ສູງຂຶ້ນຢ່າງບໍ່ຢຸດຢັ້ງ, ລະບົບນີ້ໄດ້ຕິດຕາມກວດກາຄຸນນະພາບຂອງຜະລີດຈະພັນສິນຄ້າຈີນທີ່ສົ່ງໃຫ້ຕ່າງປະເທດຢ່າງເຄັ່ງຄັດ, ປ້ອງກັນບໍ່ໃຫ້ມີສະພາບການລະບາດພະຍາດຢ່າງເຂັ້ມງວດ,ແລະປ້ອງກັນບໍ່ໃຫ້ວັດຖຸສິນຄ້າທີ່ມີສານພິດແລະມີຜົນຮ້າຍເຂົ້າສູ່ຈີນແລະສົ່ງວັດຖຸເຫຼົ່ານີ້ໄປຕ່າງປະເທດ,ຊຸກຍູ້ການສ້າງຄວາມສະດວກໃຫ້ແກ່ການຜ່ານດ່ານ,ເພື່ອຍົກກຳລັງ ແຂ່ງຂັນຂອງຜະລິດຕະພັນໃນສາກົນໃຫ້ສູງຂຶ້ນ.
ຕາມຂ່າວລາຍງານວ່າ:ປີ2001,ອັດຕາໄດ້ຕາມມາດຕະຖານໃນການ ກວດສອບໂດຍຖອດເອົາຕົວຢ່າງຄຸນນະພາບຂອງຜະລິດຕະພັນຂອງຈີນໃນທົ່ວປະເທດໄດ້ມີເຖິງ 75,8%,ຮອດປີ2010,ຕົວເລກດັ່ງກ່າວກໍ່ໄດ້ເພີ່ມຂຶ້ນເປັນ87,6%.ນັບແຕ່ຈີນເຂົ້າເປັນສະມາຊິກອົງການການຄ້າໂລກໃນ10 ປີມານີ້,ກຳລັງແຂ່ງຂັນແລະລະດັບລວມຂອງຄຸນນະພາບຜະລິດຕະພັນສິນຄ້າຈາກຂະແຫນງການປຸງແຕ່ງຂອງຈີນພວມໄດ້ຮັບການຍົກສູງຂຶ້ນຢ່າງຫມັ້ນທ່ຽງ
