ຈີນຕົກລົງໃຫ້ມີຄວາມຄືບໜ້າສະພາບໝັ້ນທ່ຽງເປັນເນື້ອໃນພື້ນຖານຂອງວຽກງານເສດຖະກິດໃນປີໜ້າ
(GMT+08:00) 2011-12-14 16:43:13 cri
ກອງປະຊຸມວຽກງານເສດຖະກິດສູນກາງຈີນໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ12ຫາວັນທີ14ທັນວານີ້. ກອງປະຊຸມຊີ້ອອກວ່າ,ຊຸກຍູ້ການພັດທະນາເສດຖະກິດສັງຄົມຂອງຈີນໃນປີໜ້າ,ຕ້ອງກຳເນື້ອໃນພື້ນຖານຂອງວຽກງານທີ່ພັດທະນາເສດຖະກິດໃຫ້ມີຄວາມຄືບໜ້າສະພາບໝັ້ນທ່ຽງ.
ກອງປະຊຸມຊີ້ອອກວ່າ,ຄວາມໝັ້ນທ່ຽງກໍ່ແມ່ນຄວນຮັກສານະໂຍບາຍເສດຖະກິດມະຫາພາກໃຫ້ມີຄວາມໝັ້ນທ່ຽງຢ່າງໂດຍພື້ນຖານ,ຮັກສາລາຄາສິນຄ້າໃຫ້ມີຄວາມໝັ້ນທ່ຽງໂດຍພື້ນຖານ,ຮັກສາສະຖຽນລະພາບຂອງສັງຄົມໃຫ້ມີຄວາມໝັ້ນທ່ຽງ. ຄວາມຄືບໜ້າ,ກໍ່ຄວນແມ່ນຄວນໃຫ້ການຫັນປ່ຽນຮູບການພັດທະນາເສດຖະກິດມີຄວາມຄືບໜ້າ,ໄດ້ຮັບຜົນສຳເລັດໃໝ່ໃນການລົງເລິກການປະຕິຮູບແລະໄຂປະຕູສູ່ພາຍນອກ,ແລະໄດ້ຮັບປະສິດທິຜົນໃໝ່ໃນການປັບປຸງການຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ກອງປະຊຸມຊີ້ອອກວ່າ, ປີໜ້າ, ຈີນຈະສືບຕໍ່ເພີ່ມທະວີແລະປັບປຸງການດັດສົມທາງມະຫາພາກໃຫ້ດີຂຶ້ນ,ສືບຕໍ່ປະຕິບັດນະໂຍບາຍການເງິນທີ່ຕັ້ງໜ້າແລະນະໂຍບາຍເງິນຕາທີ່ໝັ້ນທ່ຽງ.
