ຈີນກັບອິນໂດເນເຊຍເຫັນເປັນເອກະສັນກັນວ່າການຮ່ວມມືເທິງທະເລແມ່ນສ່ວນປະກອບສຳຄັນຂອງການພົວພັນຄູ່ຍຸດທະສາດລະຫວ່າງ2ປະເທດ
(GMT+08:00) 2011-12-14 16:44:54 cri
ຕາມຂ່າວສານຊິນຮວາ: ກອງປະຊຸມຄັ້ງທີ6ຂອງຄະນະກຳມະການເຕັກໂນໂລຊີດ້ານການຮ່ວມມືເທິງທະເລລະຫວ່າງຈີນ-ອິນໂດເນເຊຍໄດ້ດຳເນີນໄປຢູ່ເກາະບາຫຼີຂອງອິນໂດເນເຊຍແຕ່ວັນທີ12ຫາວັນທີ14ທັນວານີ້, ທ່ານເຊີນຊີຊິວເອກອັກຄະລັດຖະທູດຂອງກະຊວງການຕ່າງປະເທດຈີນກັບທ່ານລີງກາວາຕີ ຮາກີມ ຫົວໜ້າກົມສັນຍາແລະກົດໝາຍຂອງກະຊວງການຕ່າງປະເທດອິນໂດເນເຊຍເປັນປະ ທານຮ່ວມຂອງກອງປະຊຸມ.
ໃນວາລະດຳເນີນກອງປະຊຸມ, ສອງຝ່າຍໄດ້ຕີລາຄາຢ່າງຕັ້ງໜ້າຕໍ່ໝາກຜົນທີ່ໄດ້ຮັບໃນການຮ່ວມມືເທິງທະເລລະຫວ່າງສອງປະເທດ, ມີຄວາມເຫັນເປັນເອກະສັນກັນວ່າການຮ່ວມມືເທິງທະເລແມ່ນສ່ວນປະກອບອັນສຳຄັນຂອງການພົວພັນຄູ່ ຍຸດທະສາດລະຫວ່າງສອງປະເທດ, ໄດ້ສົ່ງເສີ່ມບົດບາດອັນສຳຄັນໃນການເຮັດໃຫ້ເນື້ອໃນຂອງການພົວພັນຄູ່ຍຸດທະສາດອຸດົມສົມບູນກວ່າເກົ່າ, ແລະໄດ້ຮັບການຢືນຢັນໃນລະດັບສູງຈາກຜູ້ນຳສອງປະເທດ.
ສອງຝ່າຍໄດ້ສະແດງຄວາມເພິ່ງພໍໃຈນຳໝາກຜົນທີ່ໄດ້ຮັບໃນການເດີນເຮືອດ້ວຍຄວາມປອດໄພ, ຄວາມປອດໄພເທິງທະເລ, ການໄປມາຫາສູ່ກັນລະຫວ່າງກອງທັບເຮືອຂອງ2ປະເທດ, ການຄົ້ນຄວ້າວິທະຍາສາດທາງທະເລ, ການຮັກສາສິ່ງແວດລ້ອມແລະອື່ນໆ, ຕົກລົງເພີ່ມທະວີການສ້າງສາຂອງກົນໄກການຮ່ວມມືເທິງທະເລລະຫວ່າງ2ປະເທດ. ເພີ່ມທະວີການວາງແຜນການຮ່ວມມື, ເປີດກວ້າງຂົງເຂດການຮ່ວມມື, ຍົກສູງລະດັບການຮ່ວມມື, ເພື່ອເພີ່ມພະລັງຊີວິດໃໝ່ເຂົ້າໃນການພົວພັນຄູ່ຍຸດທະສາດລະຫວ່າງຈີນກັບອິນໂດເນເຊຍຢ່າງບໍ່ຢຸດຢັ້ງ.
