ໃນຕໍ່ໜ້ານີ້ ຈີນຈະເຂົ້າຮ່ວມໄລຍະການປະຕິບັດວຽກງານເສດຖະກິດໝູນວຽນຢ່າງຮອບດ້ານ
(GMT+08:00) 2011-12-14 16:46:25 cri
ຕາມຂ່າວCRI: ວັນທີ13ທັນວານີ້, ບໍລິສັດຊີຊີໄອດີຈຳກັດຫຼືCCIDເຊິ່ງເປັນບໍລິສັດໃຫ້ຄຳປຶກສາທີ່ມີຊື່ສຽງຂອງຈີນໄດ້ເຜີຍແຜ່ບົດລາຍງານຄົ້ນຄວ້າສະ ບັບໜຶ່ງສະແດງໃຫ້ເຫັນວ່າ, ໃນຫຼາຍປີຕໍ່ໜ້ານີ້, ວຽກງານເສດຖະກິດໝູນວຽນໃນເຂດຕ່າງໆຂອງຈີນຈະເຂົ້າສູ່ໄລຍະການຈັດຕັ້ງປະຕິບັດຢ່າງຮອບດ້ານ.
ເສດຖະກິດໝູນວຽນ, ແມ່ນຊື່ລວມຂອງການເຄື່ອນໄຫວ, ການນຳໃຊ້ຄືນໃໝ່ແລະການຫັນເປັນຊັບພະຍາກອນໃນຂະບວນການຜະລິດ, ຈໍລະຈອນແລະບໍລິໂພກ. ບົດລາຍງານໄດ້ຊີ້ອອກວ່າ, ໃນ5ປີຕໍ່ໜ້ານີ້, ແຜນການການກໍ່ສ້າງດ້ານເສດ ຖະກິດໝູນວຽນຂອງຈີນຄວນຖືທິດສະດີໄລຍະຊີວິດທັງໝົດເຊິ່ງເປັນທິດສະດີກ່ຽວກັບການຊື້ຂາຍເຕັກໂນໂລຊີເປັນການຊີ້ນຳ, ຜ່ານການສະໜັບສະໜູນການຍົກລະດັບເຕັກໂນໂລຊີຂອງເສດຖະກິດໝູນວຽນຂະແໜງການສຳຄັນ, ປັບປຸງການພັດທະນາຢ່າງສົມເຫດສົມຜົນຕໍ່ຊັບພະຍາກອນ, ພະລັງງານແລະການນຳໃຊ້ໝູນວຽນແລະອື່ນໆ, ຈາກແຕ່ລະລະດັບຂອງຕົວເມືອງ, ເຂດມີຄົມອຸດສະຫະກຳແລະວິສາຫາກິດແລະອື່ນໆ, ເລັ່ງລັດການປ່ຽນແປງການປັບປຸງການຈັດສັນຊັບພະຍາກອນໃນພາກພື້ນແລະຮູບແບບການພັດທະນາດ້ານເສດຖະກິດໃຫ້ດີຂຶ້ນ.
