ວັນທີ13 ທັນວານີ້, ທ່ານຫູສຽວຢີ້ ລັດຖະມົນຕີຊ່ວຍວ່າການກະຊວງຊັບພະຍາກອນແຮງງານແລະປະກັນສັງຄົມຈີນເຜີຍໃຫ້ຮູ້ວ່າ, ການປະກັນສັງຄົມສຳລັບຜູ່ເຖົ້າຂອງປະຊາຊົນຢູ່ໃນຕົວເມືອງແລະການປະກັນສັງຄົມສຳລັບຜູ່ເຖົ້າຢູ່ຊົນນະບົດແບບໃໝ່ຄາດວ່າຈະບັນລຸການປົກຄຸມທົ່ວປະເທດໃນປີ2012, ລ່ວງໜ້າ8ປີກ່ອນແຜນການກຳນົດ.
ມື້ດຽວກັນ, ໃນກອງປະຊຸມວຽກງານການປະກັນໄພສັງຄົມຊົນນະບົດທົ່ວປະເທດ, ທ່ານຫູສຽວຢີ້ກ່າວວ່າ, ນັບມາຮອດທ້າຍເດືອນພະຈິກປີ2011, ມີ302ລ້ານຄົນ ໄດ້ ເຂົ້າ ຮ່ວມ ການ ທົດລອງ ຂອງ ການ ປະກັນ ສັງຄົມສຳລັບ ຜູ່ເຖົ້າ ຂອງ ປະຊາຊົນ ຢູ່ໃນ ຕົວເມືອງ ແລະ ການປະກັນສັງຄົມສຳລັບຜູ່ເຖົ້າຢູ່ຊົນນະບົດແບບໃໝ່, ໃນນັ້ນມີ79ລ້ານ6ແສນ6ໝື່ນຄົນໄດ້ຮັບເງິນອຸດໜູນຜູ່ເຖົ້າ, ສະສົມມູນນິທິ134ຕື້600ລ້ານຢວນ.
ບົນພື້ນຖານໃນການທົດລອງລະດັບຊາດ, ມີ444ເມືອງໃນ17ແຂວງຂອງຈີນດຳເນີນຈຸດທົດລອງດ້ວຍຕົນເອງ. ຈຸດທົດລອງລະດັບຊາດກັບຈຸດທົອລອງດ້ວຍຕົນເອງ, ດັດຕາສ່ວນໄດ້ລື່ນກາຍຍອດຈຳນວນເມືອງທົ່ວປະເທດເຖິງ85%.
