ຕາມຂ່າວcri:ວັນທີ18ມັງກອນນີ້,ທ່ານເສີນຕ່ານຢາງໂຄສົກຖະແຫຼງຂ່າວຂອງກະຊວງການຄ້າຈີນ ກ່າວວ່າ ,ປີ2011, ການຄ້າຕໍ່ຕ່າງປະເທດຂອງຈີນໄດ້ເລັ່ງລັດຫັນປ່ຽນຮູບແບບຊັ້ນຄວາມໄວຢ່າງເດັ່ນຊັດ, ອົງປະກອບຂອງຕະຫຼາດ,ຜະລິດຕະພັນແລະເຂດແຄວ້ນເປັນຕົ້ນໄດ້ຮັບການປັບປຸງໃຫ້ດີຂຶ້ນເລື່ອຍໆ, ການຄ້າຂາເຂົ້າຂາອອກໄດ້ພັດທະນາຢ່າງສົມດຸນໂດຍພື້ນຖານ.
ທ່ານເສີ້ນຕ່ານຢາງແນະນຳວ່າ, ປີ2011, ການພັດທະນາການຄ້າຕໍ່ຕ່າງປະເທດຂອງຈີນມີທ່ວງທ່າທີ່ທາງໜ້າສູງແລະທ້າຍປີຕ່ຳ. ຕາມສະຖິຕິຂອງດ່ານພາສີ, ຍອດມູນຄ່າຂາເຂົ້າຂາອອກໃນໝົດປີ2011ແມ່ນ3642ກວ່າຕື້ໂດລາ, ເພີ່ມຂຶ້ນຫຼາຍກວ່າ22%ກວ່າເມື່ອທຽບໃສ່ໄລຍະດຽວກັນຂອງປີ2010; ໃນນັ້ນການສົ່ງອອກສິນຄ້າເພີ່ມຂຶ້ນ20,3%, ການນຳເຂົ້າສິນຄ້າເພີ່ມຂຶ້ນ24,9%. ການໄດ້ປຽບດຸນການຄ້າແມ່ນ155ຕື້140ລ້ານໂດລາ, ໄດ້ປຽບດຸນການຄ້າຫຼຸດລົງໃນສາມປີລຽນຕິດ, ກວມຍອດມູນຄ່າຜະລິດຕະພັນພາຍໃນປະເທດຫຼືGDPຈາມ3,1%ຫຼຸດລົງຮອດປະມານ2%, ຢູ່ໃນລະຫວ່າງເຂດທີ່ເໝາະສົມ.
