ວັນທີ10 ມີນານີ້, ທ່ານເມິ້ງຊູ່ເທຍ ຜູ່ແທນສະພາຜູ່ແທນປະຊາຊົນແຫ່ງຊາດຈີນ, ກຳມະການປະຈຳຄະນະພັກທັງເປັນເລຂາຂອງຄະນະກົດໝາຍແລະການເມືອງຂອງແຂວງຢຸນນານໄດ້ເຜີຍໃຫ້ຮູ້ວ່າ, ປັດຈຸບັນ, ກົນໄກທີ່4ປະເທດລຸ່ມແມ່ນ້ຳຂອງຮ່ວມກັນປ້ອງກັນການເດີນເຮືອດຳເນີນເປັນຢ່າງດີ, ການເດີນເຮືອຢູ່ຕາມແມ່ນ້ຳຂອງໄດ້ຟື້ນຟູໃຫ້ເປັນປົກກະຕິໃນເບື້ອງຕົ້ນ.
ວັນທີ5 ຕຸລາປີກາຍນີ້, ກຳປັ່ນສິນຄ້າຈີນ2ລຳໄດ້ຖືກປຸ້ນໄປແລະໂຈມຕີຢູ່ຕາມແມ່ນ້ຳຂອງ, ເຮັດໃຫ້ລູກເຮືອຈີນ13ຄົນເສຍຊີວິດ.
ໃນເວລາຕອບຄຳຖາມຂອງນັກຂ່າວ, ທ່ານເມິ້ງຊູ່ເທຍກ່າວວ່າ, ພາຍຫຼັງເກດີດຄະດີດັ່ງກ່າວ, "ພາຍໃຕ້ການລິເລີ່ມຂອງຂະແໜງການທີ່ກ່ຽວຂ້ອງຂອງຈີນ, 4ປະເທດລຸ່ມແມ່ນ້ຳຂອງໄດ້ສ້າງກົນໄກລາດຕະເວນປະຕິບັດກົດໝາຍຮ່ວມ, ແລະໄດ້ດຳເນີນການລາດຕະເວນຮ່ວມສອງເທື່ອ." ທ່ານເມິ້ງຊູ່ເທຍກ່າວວ່າ, ປັດຈຸບັນ, ກົນໄກປ້ອງກັນການເດີນເຮືອຮ່ວມຂອງ4ປະເທດດຳເນີນເປັນຢ່າງດີ. ນອກຈາກການປ້ອງກັນການເດີນເຮືອຮ່ວມຢູ່ຕາມລຸ່ມລ້ອງແມ່ນ້ຳຂອງແລ້ວ, ຍັງມີກົນໄກຮ່ວມມືຫຼາຍຢ່າງ, ຈຸດປະສົງກໍ່ແມ່ນເພື່ອຮັບປະກັນຄວາມປອດໄພໃນການເດີນເຮືອ, ແລະຮັບປະກັນຄວາມປອດໄພຂອງພົນລະເມືອງຈີນທີ່ທຸລະກິດແລະທ່ອງທ່ຽວຢູ່ຕາມແມ່ນ້ຳຂອງ, ເພື່ອປົກປັກຮັກສາຜົນປະໂຫຍດຂອງປະຊາຊົນຢູ່ບໍລິເວນອ້ອມແອ້ມຂອງເຂດລຸ່ມແມ່ນ້ຳຂອງ.
ທ່ານກ່າວວ່າ," ປັດຈຸບັນ, ແມ່ນ້ຳຂອງໄດ້ຟື້ນຟູການເດີນເຮືອ, ລູກເຮືອ, ແລະເຈົ້າຂອງເຮືອສ່ວນໜຶ່ງໄດ້ເລີ່ມການຂົນສົ່ງທາງນ້ຳ,ລວມທາງການຂົນສົ່ງຜູ່ໂດຍສານຢູ່ເທິງແມ່ນ້ຳຂອງ."
