ວັນທີ27 ເມສານີ້, ກອງປະຊຸມຂັ້ນລັດຖະມົນຕີອາຊຽນສະຫະພາບເອີລົບຄັ້ງຢູ່ບັນດາເຊຣີເບກາວັນ ນະຄອນຫຼວງຂອງບູຣູໄນເປັນເວລາ2 ວັນໄດ້ສຳເລັດແລ້ວໃນວັນທີ27 ເມສານີ້. ກອງປະຊຸມໄດ້ຮັບຮອງເອົາແຜນການເຄື່ອນໄຫວບານດາເຊຣີບາກາວັນເພື່ອເຮັດໃຫ້ການພົວພັນຄູ່ຮ່ວມມືກັບສະຫະພາບເອີລົບມີຄວາມໜັກແໜ້ນຂຶ້ນກວ່າເກົ່າ, ເພື່ອເຮັດໃຫ້ການຮ່ວມມືຍຸດທະສາດແລະການສົນທະນາລະຫວ່າງສອງຝ່າຍດີຂຶ້ນກວ່າເກົ່າ.
ພາຍຫຼັງກອງປະຊຸມ, ສອງຝ່າຍໄດ້ອອກຖະແຫຼງການຮ່ວມກັນວ່າ, ອາຊຽນກັບສະຫະພາບເອີລົບມີຄວາມພໍໃຈຕໍ່ການຮ່ວມມືລະຫວ່າງປະເທດສະມາຊິກໃນດ້ານການເປິກສາຫາລືສັນຍາຄູ່ຮ່ວມມືແລະການຮ່ວມມືໃນສົນທິສັນຍາການຄ້າເສລີ, ສອງຝ່າຍຈະຈັດຕັ້ງປະຕິບັດແຜນຖະແຫຼງການບັນດາເຊຣີບາກາວັນໃຫ້ມີຜົນສັກສິດແລະຮອບດ້ານ. ຖະແຫຼງການຍັງກ່າວຢ້ຳເຖິງຄວາມສຳຄັນຂອງການເພີ່ມທະວີການຮ່ວມມືທາງດ້ານການເມືອງແລະຄວາມໝັ້ນຄົງ.
ທ່ານນາງມາກາເຣັດ ແຄັດເທີຣິນ ອາສທອນຜູ່ຕາງໜ້າສູງສຸດດ້ານວຽກງານຕ່າງປະເທດແລະຄວາມໝັ້ນຄົງຂອງສະຫະພາບເອີລົບກ່າວວ່າ, ສະຫະພາບເອີລົບມີຄວາມຕ້ອງການໃນການເຂົ້າຮ່ວມກອງປະຊຸມສຸດຍອດອາຊີຕາເວັນອອກ.
