ຕາມຂ່າວcri: ວັນທີ27 ເມສານີ້ຕາມເວລາທ້ອງຖິ່ນ, ໄດ້ເກີດເຫດລະເບີດແຕກຢ່າງລຽນຕິດຢູ່ເມືອງດນີໂປຼເປໂຕຼຟສ໌ກ໌ທາງພາກຕາເວັນອອກຂອງອູແກຼນ, ປັດຈຸບັນມີຜູ່ໄດ້ຮັບບາດເຈັບ27ຄົນ. ຍ້ອນວ່າເຫດການລະເບີດນີ້ຫ່າງຈາກການຈັດງານແຂ່ງຂັນກິລາເຕະບານເອີລົບປີ2012 ທີ່ອູແກຼນແລະໂປໂລຍຮ່ວມກັນເປັນເຈົ້າພາບພຽງແຕ່1ເດືອນ,ຊຶ່ງໄດ້ສ້າງຄວາມວິຕົກກັງວົນໃຫ້ແກ່ຄົນທົ່ວໄປກ່ຽວກັບລະບົບການຮັກສາຄວາມປອດໄພໃນການແຂ່ງຂັນເຕະບານເອີລົບປີ2012.
ພາຍຫຼັງເກີດເຫດການລະເບີດແລ້ວ, ອົງການໄອຍະການໃຫຍ່ຂອງອູແກຼນກ່າວຢືນຢັນວ່າປັນການໂຈມຕີແບບການກໍ່ການຮ້າຍ. ເພື່ອປ້ອງກັນບໍ່ໃຫ້ພວກກໍ່ການຮ້າຍສົ່ງສັນຍານຂອງເຄື່ອງປະກອບລະເບີດ, ເຈົ້າໜ້າທີ່ໄດ້ຕັດສັນຍານໂທລະສັບມືຖືໃນໃຈກາງເມືອງ. ທ່ານວິກຕໍ ຢານູໂກວິສກ່າວວ່າ, ເຫດການລະເບີດແຕກລຽນຕິດເທື່ອນີ້ແມ່ນການທ້າທາຍຕໍ່ອູແກຼນ, ຝ່າຍກ່ຽວຂ້ອງຈະຕັ້ງໜ່ວຍສະເພາະກິດເພື່ອຕິດຕາມກວດກາຫາຜູ່ກະທຳຜິດໃນເຫດການຄັ້ງນີ້, ແລະລົງໂທດຜູ່ກໍ່ການລະເບີດຢ່າງເຂັ້ມງວດ.
