ວັນທີ30 ເມສານີ້, ທ່ານອາເບີດ ເດວ ໂຣຊາຣິວ ລັດຖະມົນຕີວ່າການກະຊວງການຕ່າງປະເທດຟີລິບປິນກັບທ່ານໂວໄຕເຣ ກາສມິນ ລັຖະມົນຕີວ່າການກະຊວງປ້ອງກັນຊາດຟີລິບປິນໄດ້ຢ້ຽມຢາມອາເມລິກາ, ແລະຈັດການເຈລະຈາ"2+2"ກັບທ່ານນາງຮີລາຣີ ກຼິນຕັນ ລັດຖະມົນຕີວ່າການກະຊວງການຕ່າງປະເທດອາເມລິກາກັບທ່ານເລໂອນ ປາເນຕາ ລັດຖະມົນຕີວ່າການກະຊວງປ້ອງກັນຊາດອາເມລິກາຢູ່ວໍຊິງຕັງ. ກ່ອນນີ້, ທ່ານໂຣຊາຣິວກ່າວວ່າ, ໃນການເຈລະຈາຈະແຈ້ງສະພາບເຫດການເກາະຮວາງອຽນໃຫ້ອາເມລິກາຊາບ. ກ່ຽວກັບການຢ້ຽມຢາມອາເມລິກາຂອງລັດຖະມົນຕີການຕ່າງປະເທດແລະລັດຖະມົນຕີວ່າການປ້ອງກັນຊາດຟີລິບປິນເທື່ອນີ້, ທ່ານສີຊິ່ງ ຫົວໜ້າສະຖາບັນຄົ້ນຄວ້າບັນຫາສາກົນຈີນໃຫ້ສຳພາດຕໍ່ນັກຂ່າວcri ວ່າ, ນີ້ແມ່ນຟີລິບປິນຫວັງຢາກໄດ້ຮັບການສະໜັບສະໜູນຈາກອາເມລິກາຕໍ່ຄວາມຮ້ອງຂໍຜືນແຜ່ນດິນຂອງຕົນ, ແຕ່ເບິ່ງຈາກທ່າທີຂອງອາເມລິກາໃນປັດຈຸບັນແລ້ວເຫັນວ່າ, ຄວາມຮ້ອງຂໍຂອງຟີລິບປິນຈະບໍ່ສາມາດຮັບການສະໜັບສະໜູນຈາກອາເມລິກາ.
ທ່ານສີຊິ່ງເຫັນວ່າ,ອາເມລິກາໄດ້ກ່າວຢ່າງຈະແຈ້ງແລ້ວວ່າ: ໜຶ່ງ, ຕໍ່ອະທິປະໄຕຂອງເກາະດອນເຫຼົ່ານີ້, ເຂົາຈະຢູ່ໃນຈຸດຢືນເປັນກາງ, ກໍ່ແມ່ນບໍ່ມີຈຸດຢືນ; ສອງ, ທາງເດີນເຮືອທາງທະເລສາກົນແລະຄວາມເສລີໃນການເດີນເຮືອນຢູ່ທະເລຈີນໃຕ້ຄວນໄດ້ຮັບການຮັບປະກັນ; ສາມ, ອາເມລິກາບໍ່ເຫັນດີນຳການແກ້ໄຂບັນຫາດ້ວຍດ້ວຍອາວຸດ. ສະນັ້ນ, ຖ້າວິເຄາະສາມຈຸດຢືນຂອງອາເມລິກາແລ້ວເຫັນວ່າ, ກ່ຽວກັບເຫດການທີ່ເກີດຂຶ້ນຢູ່ເກາະຮວາງອຽນ, ຟີລິບປິນອາດບໍ່ສາມາດຮັບການສະໜັບສະໜູນຂອງອາເມລິກາ.
