ວັນທີ1 ຕຸລານີ້, ໃນຄຳປາໄສທີ່ກອງປະຊຸມການອະພິປາຍທົ່ວໄປສະມັດຊາໃຫຍ່ສະຫະປະຊາຊາດຄັ້ງທີ67, ທ່ານບຼູໂນ ໂຣດຼີເກສ ລັດຖະມົນຕີວ່າການກະຊວງການຕ່າງປະເທດກູປາໄດ້ກ່າວໂຈມຕີປະເທດຕາເວັນຕົກນຳໃຊ້ກຳລັງອາວຸດຍິ່ງກວ່ານັ້ນສົງຄາມມາຊຸກຍູ້"ການປ່ຽນແປງອຳນາດການປົກຄອງ"ຢູ່ບາງປະເທດເພື່ອຍາດຊີງຊັບພະຍາກອນທຳມະຂາດແລະສິດຄວບຄຸມເຂດຍຸດທະສາດອັນສຳຄັນ.
ທ່ານໂຣດຼີເກສຊີ້ອອກວ່າ, ອາເມລິກາແລະບາງປະເທດເອີລົບຕັດສິນໃຈໂຄ່ນລົ້ມລັດຖະບານຊີຣີ, ດັ່ງນັ້ນພວກເຂົາເຈົ້າສະໜອງອາວຸດ, ເງິນທຶນແລະການອົບຮົມໃຫ້ຝ່າຍຄັດຄ້ານ, ຍິ່ງກວ່ານັ້ນໃຊ້ທະຫານຮັບຈ້າງ.
ທ່ານໂຣດຼີເກສກ່າວເນັ້ນວ່າ, ກູປາກ່າວລື້ນວ່າປະຊາຊົນຊີຣີມີສິດຕົກລົງໂດຍຕົນເອງແລະອະທິປະໄຕອັນເຕັມທີ່, ບໍ່ອະນຸຍາດການແຊກແຊງທຸກຮູບແບບຂອງຕ່າງປະເທດ, ທ່ານຮຽກຮ້ອງຈົ່ງຢຸດຕິການກະທຳຄວາມຮຸນແຮງ, ສັງຫານແລະການກໍ່ການຮ້າຍທັງໝົດ. ນອກນີ້, ຍັງຕ້ອງຢຸດຕິການຂົນສົ່ງອາວຸດແລະເງິນທຶນໃຫ້ຝ່າຍຄັດຄ້ານແລະການລາຍງານຂ່າວທີ່ບິດເບືອນຄວາມຈິງ.
ວິກິດການຊີຣີໄດ້ແກ່ຍາວມາຫຼາຍກວ່າປີເຄິ່ງແລ້ວ, ການປະທະກັນລະຫວ່າງທະຫານລັດຖະບານກັບກອງອາວຸດຝ່າຍຄັດຄ້ານເຮັດໃຫ້ຫຼາຍຄົນເສຍຊີວິດແລະບາດເຈັບ.
