ຕາມຂ່າວສານຈີນ: ວັນທີ3 ຕຸລານີ້, ເວທີເປິກສາຫາລືຄວາມທະເລອາຊຽນຄັ້ງທີ3ໄດ້ຈັດຂຶ້ນຢູ່ມານີລາ ນະຄອນຫຼວງຟີລິບປິນ, ທ່ານເຈໂຈມາ ບີໄນ ຮອງປະທານາທິບໍດີຟີລິບປິນກ່າວເນັ້ນວ່າ, ການຮັບປະກັນເສລີພາບແລະຄວາມປອດໄພໃນການເດີນເຮືອຢູ່ເຂດທະເລອາຊີຕາເວັນອອກສຽງໃຕ້ແມ່ນ"ເລື່ອງສຳຄັນທີ່ສຸດ".
ເວທີເປິກສາຫາລືຄັ້ງນີ້ຈະດຳເນີນເປັນເວລາ3ມື້, ຫົວຂໍ້ຫາລືກ່ຽວພັນເຖິງຄວາມປອດໄພແລະການຮ່ວມມືທາງດ້ານຄວາມທະເລອາຊຽນ, ຮັບປະກັນການເດີນເຮືອຢ່າງເສລີແລະຕໍ່ຕ້ານໂຈນທະເລ, ອະນຸລັກສິ່ງແວດລ້ອມທະເລ, ຊຸກຍູ້ການທ່ອງທ່ຽວຊີວະພາບແລະການຄຸ້ມຄອງການປະມົງແລະອື່ນໆ, ຜູ່ຕາງໜ້າຂອງ10ປະເທດສະມາຊິກອາຊຽນ, ອົງການຄວາມທະເລສາກົນແລະອົງການ"ສົນທະສັນຍາການຮ່ວມມືພາກພື້ນອາຊີທີ່ຕ້ານໂຈນທະເລແລະການປຸ້ນຈີ້ເຮືອດ້ວຍກຳລັງອາວຸດ"ເປັນຕົ້ນໄດ້ເຂົ້າຮ່ວມ. ໃນພິທີໄຂ, ທ່ານປີໄນ ຮອງປະທານາທິບໍດີຟີລິບປິນກ່າວວ່າ, ບັນດາປະເທດອາຊຽນຖືການໄວ້ເນື້ອເຊື່ອໃຈກັນແລະເຄົາລົບກັນເປັນພື້ນຖານ, ການເພີ່ມທະວີການຮ່ວມມືເຊິ່ງກັນແລະກັນໃນຂົງເຂດຄວາມທະເລ, ບໍ່ພຽງແຕ່ສາມາດຍົກສູງສັນຕິພາບ, ຄວາມປອດໄພແລະສະຖຽນລະພາບຂອງພາກພື້ນເທົ່ານັ້ນ, ຍັງສາມາດຊຸກຍູ້ການຄ້າແລະການລົງທຶນ, ເພີ່ມທະວີການຕິດຕໍ່ໄປມາຫາສູ່ກັນແລະແລກປ່ຽນຂອງບຸກຄະລາກອນອີກດ້ວຍ.