ກະຊວງປ້ອງກັນປະເທດຈີນໃຫ້ຄຳຕອບຕໍ່ກ່ຳປັ່ນຮົບຈີນເດີນຜ່ານເຂດທະເລເກາະຕ້ຽວອີ
(GMT+08:00) 2012-10-16 18:58:04 cri
ສື່ຍີ່ປຸ່ນລາຍງານວ່າ, ວັນທີ16ຕຸລານີ້, ກ່ຳປັ່ນຮົບຈີນຫຼາຍລຳໄດ້ມຸ່ງໜ້າໄປສູ່ເກາະຕ້ຽວອີ. ມື້ດຽວກັນ, ໃນເວລາກົມຂ່າວກະຊວງປ້ອງກັນປະເທດຈີນໃຫ້ສຳພາດຕໍ່ນັກຂ່າວCRI, ທ່ານກ່າວວ່າ, ກ່ຳປັ່ນຮົບຈີນຝຶກຊ້ອມແລະເດີນເຮືອຢູ່ເຂດທະເລທີ່ກ່ຽວຂ້ອງ, ແມ່ນຖືກຕ້ອງແລະຊອບດ້ວຍກົດໝາຍ. ສິ່ງທີ່ຢາກໃຫ້ຊາບນັ້ນແມ່ນ, ໃນຫຼາຍມື້ມໍ່ໆມານີ້, ຍີ່ປຸ່ນໄດ້ສົ່ງຍົນສູ້ຮົບໄປເຄື່ອນໄຫວຢູ່ເຂດທະເລທີ່ໃກ້ກັບເກາະຕ້ຽວອີ, ໄດ້ເປັນການລ່ວງລ້ຳສິດທິຜົນປະໂຫຍດຂອງຈີນຢ່າງຮ້າຍແຮງ. ທາງການທະຫານຈີນພວມຕິດຕາມການເຄື່ອນໄຫວຂອງຍີ່ປຸ່ນຢ່າງໃກ້ຊິດ, ຮຽກຮ້ອງໃຫ້ຍີ່ປຸ່ນຢຸດຕິທຸກໆການເຄື່ອນໄຫວໃດໆທີ່ອາດຈະເຮັດໃຫ້ສະພາບການສັບສົນຂຶ້ນຕື່ມອີກແລະຂະຫຍາຍກວ້າງອອກ.
