ຕາມຂ່າວສານຊິນຮວາ: ວັນທີ4 ຕຸລານີ້, ທ່ານສີຈີ້ນພິງ ປະທານປະເທດຈີນແລະພັນລະຍາທີ່ພວມຢ້ຽມຢາມມາເລເຊຍທາງລັດຖະກິດໄດ້ເຂົ້າຮ່ວມງານລ້ຽງອາຫານທ່ຽງທີ່ຄົນຈີນຕ່າງດ້າວຕ່າງໆວົງການຢູ່ມາເລເຊຍຈັດຂຶ້ນເພື່ອເປັນກຽດແກ່ທ່ານຢູ່ກົວລາລຳເປີ.
ໃນເວລາກ່າວຄຳປາໄສ, ທ່ານສີຈີ້ນພິງຕາງໜ້າລັດຖະບານຈີນແລະປະຊາຊົນຈີນສະແດງຄວາມນັບຖືອັນສູງສົ່ງຕໍ່ຄົນຈີນຕ່າງດ້າວຢູ່ມາເລເຊຍ. ທ່ານສີຈີ້ພິງຊີ້ອອກວ່າ, ຄົນຈີນຕ່າງດ້າວຢູ່ມາເລເຊຍເປັນສັກຂີພິຍານແລະຜູ້ຊຸກຍູ້ມິດຕະພາບແລະການຮ່ວມມືຂອງຈີນມາເລເຊຍ. ຈີນກັບມາເລເຊຍເປັນປະເທດໃກ້ຄຽງທີ່ຢູ່ຄົນລະຟາກຝັ່ງທະເລ, ເປັນເພື່ອນມິດທີ່ປະຕິບັດຕໍ່ກັນຢ່າງຈິງໃຈ, ແລະເປັນຄູ່ຮ່ວມມືທີ່ຕ່າງຝ່າຍຕ່າງໄດ້ຮັບຜົນປະໂຫຍດ.
ທ່ານຮວາງເຈ່ຍດິ້ງ ທູດພິເສດວຽກງານຈີນຂອງນາຍົກລັດຖະມົນຕີມາເລເຊຍກ່າວວ່າ, ຄົນຈີນຕ່າງດ້າວຢູ່ມາເລເຊຍເອົາໃຈໃສ່ແລະສະໜັບສະໜູນການພັດທະນາຂອງຈີນ, ເຊື່ອໝັ້ນວ່າການພັດທະນາຂອງຈີນມີຜົນດີຕໍ່ສະຖຽນລະພາບແລະຄວາມຈະເລີນຮຸ່ງເຮືອງໃນເວລາຍາວນານຂອງອາຊີແລະໂລກ. ຄົນຈີນຕ່າງດ້າວຢູ່ມາເລເຊຍຍິນດີສືບຕໍ່ເປັນຂົວຕໍ່ທີ່ສືບທອດແລະຊຸກຍູ້ການຮ່ວມມືໄມຕີຈິດລະຫວ່າງມາເລເຊຍຈີນ.
