ລາຍການເສດຖະກິດຈີນທ່ານຫຼີນົ້ວ ຜູ່ຊ່ຽວຊານອິນໂດເນເຊຍທີ່ສ້າງສາທ່າກຳປັ່ນກຸ້ຍກວາງຢ່າງຕັ້ງຫນ້າ
-----------------------------------------------------------------------------------------------------------------
ທີ່ນີ້ ວິທະຍຸສາກົນແຫ່ງປະເທດຈີນ ສະບາຍດີ ທ່ານຜູ່ຟັງທີ່ໂຄລົບ ເມືອງກຸ້ຍກາງແມ່ນຕົວເມືອງທ່າກຳປັ່ນແມ່ນ້ຳໃນທີ່ສ້າງຕັ້ງຂຶ້ນແຫ່ງໃຫມ່ຂອງເຂດປົກຄອງຕົນເອງເຜົ່າຈວ້າງເຂດກວາງຊີ ພາກຕາເວັນຕົກສຽງໃຕ້ຂອງຈີນ,ກໍແມ່ນທ່າກຳປັ່ນແມ່ນ້ຳໃນທີ່ໃຫຍ່ກວ່າຫມູ່ໃນເຂດພາກໃຕ້ແລະພາກຕາເວັນຕົກ.ໃນຫຼາຍປີມານີ້,ເສດຖະກິດທ່າກຳປັ່ນຂອງເມືອງກຸ້ຍກວາງໄດ້ພັດທະນາຢ່າງວ່ອງໄວ,ທ່ານຫຼີນົ້ວທີ່ມາຈາກອິນໂດເນເຊຍ ກໍແມ່ນຜູ່ຫນຶ່ງທີ່ເຂົ້າຮ່ວມການສ້າງສາເມືອງດັ່ງກ່າວຢ່າງຕັ້ງຫນ້າ.ຕໍ່ໄປເຊີນຟັງບົດແຈ້ງຂ່າວຂອງນັກຂ່າວວິທະຍຸCRI ທີ່ສົ່ງຈາກເຂດກວາງຊີ.
ເມືອງກຸ້ຍກວາງຕັ້ງຢູ່ເຂດລະຫວ່າງເຂດພາກໃຕ້ກັບພາກຕາເວັນຕົກສຽງໃຕ້,ແມ່ນ້ຳຊີ່ໃນເຂດດັ່ງກ່າວແມ່ນທາງນ້ຳຄຳສາຍຫນຶ່ງໃນເຂດແຄມທະເລຕາເວັນອອກສຽງໃຕ້ຂອງຈີນ.ທິດຕາເວັນອອກສຽງໃຕ້ຂອງເມືອງກຸ້ຍກາງໄດ້ໃກ້ກັບແຂວງກວ້າງຕຸ້ງ ເຂດພັດທະນາຂອງເສດຖະກິດຈີນແລະເຂດຮົງກົງ ມາກາວ, ພາກຕາເວັນຕົກໄດ້ແປະກັບເຂດພາກຕາເວັນຕົກຂອງຈີນທີ່ມີຊັບພະຍາກອນອຸດົມສົມບູນ,ແມ່ນຂຸມທາງອັນສຳຄັນທີ່ຈີນພົວພັນກັບປະເທດອາຊີອາຄະເນ,ມີທ່າແຮງເຂດອັນຊັດເຈນທີ່ສຸດ.
ເດືອນພຶດສະພາປີ 2006,ອົງການປົກຄອງເມືອງກຸ້ຍກວາງກັບບໍລິສັດຫຸ້ນສ່ວນPT AKR ຈຳກັດອິນໂດເນເຊຍໄດ້ຮ່ວມກັນລົງທຶນ,ສ້າງຕັ້ງບໍລິສັດວຽກງານຕູ້ບັນຈຸເຄື່ອງ AKR ເຂດກວາງຊີທີ່ເປັນບໍລິສັດຕູ້ບັນຈຸເຄື່ອງວິຊາສະເພາະແຫ່ງຫນຶ່ງທີ່ໃຫຍ່ກວ່າຫມູ່ຂອງແມ່ນ້ຳເນ້ເຂດກວາງຊີ,ສະນັ້ນ ທ່ານຫຼີນົ້ວໄດ້ຈາກອິນໂດເນເຊຍມາຮອດຈີນ,ເປັນຜູ່ອຳນວຍການໃຫຍ່ຂອງບໍລໍສັດດັ່ງກ່າວ.ນັບແຕ່ເວລານັ້ນເປັນຕົ້ນໄປ,ທ່ານຫຼີນົ້ວໄດ້ເລີ່ມເຮັດວຽກຫຼາຍຢູ່ຈີນ.ທ່ານຫຼີນົ້ວຫວນຄືນວ່າ:
ຂ້າພະເຈົ້າໄດ້ມາຈີນໃນເດືອນກໍລະກົດປີ 2005,ແຕ່ລະເດືອນຂ້າພະເຈົ້າຈະໄປໆມາໆລະຫວ່າງອິນໂດເນເຊຍກັບທ່າກຳປັ່ນ,ໃນເວລານັ້ນ ຕົ້ນຕໍແມ່ນເພື່ອສຳຫຼວດຄວາມເປັນໄປໄດ້ທີ່ລົງທຶນຢູ່ທ່າກຳປັ່ນກຸ້ຍກາງ.
ປະຈຸບັນ,ທ່ານຫຼີນົ້ວໄດ້ຊີວິດຢູ່ຮົງກົງໃນເວລາສ່ວນຫຼາຍທີ່ສຸດຂອງປີຫນຶ່ງ,ທ່ານຫຼີນົ້ວເວົ້າວ່າ:
ປະຈຸບັນ,ຂ້າພະເຈົ້າໄດ້ຊີວິດຢູ່ແຫ່ງນີ້ໃນເວລາສ່ວນຫຼາຍທີ່ສຸດ,ໃນປີຫນຶ່ງປະມານ 20 ກວ່າມື້ກັບຄືນອິນໂດເນເຊຍ,ແຫ່ງນີ້ມີວຽກຫຼາຍ. ຍ້ອນອາກາດເຂດກວາງຊີໃກ້ຊິດອາກາດອິນໂດເນເຊຍ,ບວກກັບເຂດກວາງຊີໄດ້ແລກປ່ຽນກັບອິນໂດເນເຊຍເລື້ອຍໆ,ສະນັ້ນ,ທ່ານຫຼີນົ້ວຈຶ່ງຮູ້ສຶກຊີວິດຢູ່ແຫ່ງເມືອງທ່າກຳປັ່ນກຸ່ຍຢ່າງສະບາຍ.
ທ່ານຫຼີນົ້ວຊີວິດແລະເຮັດວຽກຢູ່ທ່າກຳປັ່ນກຸ້ຍປະມານສາມປີ,ທ່ານສົນໃຈນຳການພັດທະນາຂອງເສດຖະກິດຈີນຢ່າງໃກ້ຊິດ,ແລະຮູ້ສຶກປະຫຼາດໃຈຕໍ່ການພັດທະນາຂອງເສດຖະກິດຈີນຢ່າງວ່ອງໄວ.ທ່ານເວົ້າວ່າ:
ຂ້າພະເຈົ້າເຫັນວ່າປະເທດນີ້ພັດທະນາຢ່າງດີທີ່ສຸດ,ໃນລະຫວ່າງ 15 ປີຮອດ 20 ປີ,ບໍ່ມີປະເທດໃດສາມາດກະທົບກະເທືອນເຖິງເສດຖະກິດໂລກຄືຈີນ,ຂ້າພະເຈົ້າຍົກຕົວຢ່າງ,ຂ້າພະເຈົ້າທີ່ເປັນຜຸ່ຊ່ຽວຊານຂອງທ່າກຳປັ່ນໄດ້ຮູ້ເຖິງ,ທ່າກຳປັ່ນກວາງໂຈວແລະທ່າກຳປັ່ນຊຽງໄຮ້ໃນທ້າຍຊຸມປີ 80 ຂອງສະຕະວັດທີແລ້ວ,ໃນເວລານັ້ນ ທ່າກຳປັ່ນອິນໂດເນເຊຍໄດ້ກ້າວຫນ້າຫຼາຍກວ່າທ່າກຳປັ່ນກວາງໂຈວແລະທ່າກຳປັ່ນຊຽງໄຮ້,ແຕ່ວ່າ ທ່າກຳປັ່ນກວາງໂຈວແລະທ່າກຳປັ່ນຊຽງໄຮ້ຂອງຈີນໃນປະຈຸບັນລ້ວນແຕ່ໄດ້ບັນລຸເຖິງລະດັບອັນດັບທີຫນຶ່ງຂອງໂລກ,ກ້າວຫນ້າຫຼາຍກວ່າທ່າກຳປັ່ນຢາກາກຕາ,ນີ້ພຽງແຕ່ແມ່ນຈາກດ້ານຫນຶ່ງຂອງທ່າກຳປັ່ນ.ເມື່ອສັງເກດຈາກທ່າກຳປັ່ນແລ້ວ,ເສດຖະກິດຈີນໄດ້ພັດທະນາຢ່າງວ່ອງໄວ,ຈີນຈະກາຍເປັນສ່ວນປະກອບອັນສຳຄັນຂອງເສດຖະກິດໂລກ.
ເມື່ອເວົ້າເຖິງເນື້ອໃນດັ່ງກ່າວ,ທ່ານຫຼີນົ້ວໄດ້ຍົກໂປ້ມືຕໍ່ນັກຂ່າວ,ເຮັດໃຫ້ຄົນທັງຫຼາຍຮູ້ສຶກວ່າທ່ານມີທ່າທີອັນຊົມເຊີຍຕໍ່ການພັດທະນາຂອງເສດຖະກິດຈີນ,ທ່ານຫຼີນົ້ວເວົ້າວ່າ,ການພັດທະນາຂອງເສດຖະກິດຈີນຢ່າງວ່ອງໄວນັ້ນກໍໄດ້ເຮັດໃຫ້ບໍລິສັດ AKR ອິນໂດເນເຊຍເລັ່ງລັດສ້າງສາຢູ່ທ່າກຳປັ່ນກຸ້ຍ.
ບໍລິສັດ AKR ອິນໂດເນເຊຍໄດ້ດຳເນີນທຸລະກິດຢູ່ຈີນເປັນເວລາ 10 ປີແລ້ວ,ພວກຂ້າພະເຈົ້າກໍມີວຽກງານຢູ່ເມືອງລິວໂຈວ.ບໍລິສັດແມ່ນສ່ວນປະກອບທີ່ສຳຄັນໃນທ່າກຳປັ່ນແລະການຂົນສົ່ງການຄ້າຂອງອິນໂດເນເຊຍ,ພ້ອມກັນນັ້ນ ບໍລິສັດໄດ້ຮູ້ຖານະຍຸດທະສາດຢູ່ເຂດກວາງຊີແລະທ່າກຳປັ່ນແມ່ນສຳຄັນທີ່ສຸດ,ບໍລິສັດແຫ່ງນີ້ຕັ້ງຢູ່ສູນຂອງເຂດກວາງຊີ.ສະນັ້ນ ຖານະຍຸດທະສາດຂອງທ່າກຳປັ່ນແມ່ນສາເຫດທີ່ບໍລິສັດຄັດເລືອກ.
ນັບເຕ່ປີ 2000 ເປັນມານີ້,ຈີນໄດ້ປະຕິບັດຍຸດທະສາດພັດທະນາຂອງພາກຕາເວັນຕົກ ດູດດຶງເອົາເງິນທຶນ ເຕັກນິກແລະນັກວິຊາການເພື່ອລົງທຶນໃນການພັດທະນາ,ຊຸກຍູ້ໃຫ້ປະຊາກອນ ຊັບພະຍາກອນ ສິ່ງແວດລ້ອມແລະສັງຄົມເສດຖະກິດໃນພາກພື້ນຕາເວັນຕົກໄດ້ພັດທະນາຢ່າງກົມກ່ຽວກັນ,ສ່ວນພາກພື້ນຕາເວັນຕົກມີເນື້ອທີ່ອັນກວ້າງຂວາງ,ມີຊັບພະຍາກອນທຳມະຊາດອັນອຸດົມສົມບູນ,ກໍສະຫນັບສະຫນູນການພັດທະນາຂອງເສດຖະກິດພາກຕາເວັນອອກຢ່າງແຂງແຮງ.ທ່າກຳປັ່ນທີ່ຕັ້ງຢູ່ເຂດຕິດຕໍ່ພາກຕາເວັນອອກແລະພາກຕາເວັນຕົກ,ບົດບາດຂອງຂຸມທາງຄົມມະນາຄົມມີຄວາມສຳຄັນອັນຊັດເຈນ.ທ່ານຫຼີນົ້ວເວົ້າວ່າ,ເພື່ອສອດຄ່ອງກັບການພັດທະນາຂອງເສດຖະກິດຢ່າງວ່ອງໄວ,ບໍລິສັດຕູ້ບັນຈຸເຄື່ອງຂອງ AKR ທ່າກຳປັນຈຳກັດຈີນໄດ້ປັບປຸງແຜນການສ້າງສາເດີມ.
ກ່ອນບໍລິສັດເຂົ້າປະຈຳທ່າກຳປັ່ນກຸ້ຍ,ອົງການປົກຄອງໄດ້ມີແຜນການແລ້ວ,ພວມກະກຽມກໍ່ສ້າງ,ຄວາມສາມາດຂອງຕູ້ບັນຈຸເຄື່ອງທີ່ອົງການປົກຄອງທ່າກຳປັ່ນກຸ້ຍວາງແຜນນັ້ນໄດ້ມີເຖິງ1 ແສນ 5 ຫມື່ນຕູ້ທຸກໆປີ,ຄວາມສາມາດບັນຈຸ ເຄື່ອງຂອງອື່ນໆໄດ້ມີເຖິງ 1 ລ້ານ 8 ແສນໂຕນ,ແຕ່ວ່າ ຫຼັງຈາກບໍລິສັດແຫ່ງນີ້ເຂົ້າປະຈຳທ່າກຳປັ່ນກຸ້ຍແລ້ວ,ກໍຮູ້ສຶກວ່າການຂົນສົ່ງເຄື່ອງຂອງມີຄວາມຮຽກຮ້ອງຕ້ອງການຫຼາຍກວ່າເກົ່າຕໍ່ທ່າກຳປັ່ນ,ຄວນສ້າງຕັ້ງທ່າກຳປັ່ນໃຫຍ່ຫຼາຍກວ່າເກົ່າທີ່ມີຄວາມສາມາດບັນຈຸ.ສະນັ້ນໄດ້ວາງແຜນຄືນໃຫມ່ແລະຮັບຄວາມຄືບຫນ້າຢ່າງສະດວກກວ່າເກົ່າ,ນັບມາຮອດເວລາທີ່ຈະສ້າງສຳເລັດ ຄວາມສາມາດຂອງຕູ້ບັນຈຸເຄື່ອງຈະບັນລຸເຖິງ2 ແສນຕູ້ທຸກປີ,ຄວາມສາມາດບັນຈຸເຄື່ອງຂອງອື່ນຈະມີເຖິງ 3 ລ້ານໂຕນ.
ທ່ານຫຼີນົ້ວໄດ້ພະຍາຍາມສຸດຂີດເພື່ອສ້າງສາທ່າກຳປັ່ນກຸ້ຍ,ຈິດໃຈເຮັດ ວຽກຂອງທ່ານໄດ້ເຮັດໃຫ້ເພື່ອນຈີນມີຄວາມຮູ້ສືກຫຼາຍ,ທ່ານພາງເຈີທາວ ເຈົ້າຫນ້າທີ່ອົງການປົກຄອງທ່າກຳປັ່ນກຸ້ຍເວົ້າວ່າ:
ທ່ານຫຼີນົ້ວເປັນຄົນທີ່ອ່ອນໂຍນ ໃຈດີແລະເຮັດວຽກງານຢ່າງຈິງຈັງ,ເພິ່ນເຕັມໄປດ້ວຍໄມຕີຈິດຕໍ່ຈີນໂດຍສະເພາະແມ່ນທ່າກຳປັ່ນກຸ້ຍ,ພວກຂ້າພະເຈົ້າຮູ້ສຶກວ່າທ່ານໄດ້ເຊື່ອມໂຍງເຂົ້າໃນບັນຍາກາດຂອງທ່າກຳປັ່ນຢ່າງສິ້ນເຊີງ.
ໃນເວລາໃກ້ສິ້ນສູດການມາເອົາຂ່າວ,ທ່ານຫຼີນົ້ວເວົ້າກັບນັກຂ່າວວ່າ,ເຖິງວ່າທ່ານໄດ້ຊີວິດຢູ່ທ່າກຳປັ່ນເປັນເວລາສອງປີປາຍກໍຕາມ,ແຕ່ທ່ານຍັງເວົ້າພາສາຈີນບໍ່ເປັນ,ເພື່ອສະແດງເຖິງອາລົມຈິດຂອງທ່ານທີ່ເຮັດວຽກແລະດຳລົງຊີວິດຢູ່ທ່າກຳປັ່ນກຸ້ຍ,ທ່ານໄດ້ຮ່ຳຮຽນປະໂຫຍດຫນຶ່ງພາສາຈີນຕໍ່ຜູ່ແປ,ທ່ານເວົ້າດ້ວຍພາສາຈີນຢ່າງຕັ້ງຫນ້າວ່າ:(ປ່ອຍສຽງ 10) ຂ້າພະເຈົ້າຊີວິດຢູ່ທ່າກຳປັ່ນຢ່າງດີອົກດີໃຈ.
ທ່ານຜູ່ຟັງທີ່ໂຄລົບ ທີ່ຟັງມານັ້ນແມ່ນລາຍການເສດຖະກິດສັງຄົມ.ລາຍ ການເສດຖະກິດສັງຄົມພາກນີ້ ຂໍຈົບລົງພຽງເທົ່ານີ້ ພົບກັນໃຫມ່ໃນລາຍການຫນ້າ ສະບາຍດີ
