ການລະບາຍນ້ຳຂອງເວີງນ້ຳຫົ້ງທາງເຈຍຊ່ານ ແຂວງເສສວນພວມເລັ່ງລັດດຳເນີນຢູ່
-----------------------------------------------------------------------------------------------------------------
ຕາມຂ່າວສານຊິນຮວາ: ການລະບາຍນ້ຳເວີງນ້ຳຫົ້ງທາງເຈຍຊ່ານ ທີ່ກໍ່ຕົວຂຶ້ນຍ້ອນແຜ່ນດິນໄຫວເຮັດໃຫ້ພູເຈື່ອນອັດຕັນສາຍ ນ້ຳຢູ່ແຂວງເສສວນຈີນ ພວມເລັ່ງລັດດຳເນີນຢູ່, ຕອນເຊົ້າວັນທີ9ມິຖຸນານີ້, ພະນັກງານກູ້ໄພຢູ່ເວີງນ້ຳຫົ້ງໄດ້ດຳເນີນການລະເບີດ10ກວ່າເທື່ອຢູ່ເວີງນ້ຳຫົ້ງທາງເຈຍຊ່ານ, ໄດ້ຮັບຜົນຢ່າງເດັ່ນຊັດ.
ນັບມາຮອດ12ໂມງມື້ດຽວກັນ, ປະລິມານລະບາຍນ້ຳຂອງເວີງນ້ຳຫົ້ງທາງເຈຍຊ່ານໄດ້ຫຼາຍກວ່າ50ແມັດກ້ອນຕໍ່ວິນາທີແລ້ວ.
ຜູ່ຊ່ຽວຊານທີ່ກ່ຽວຂ້ອງກ່າວວ່າ, ປະລິມານລະບາຍນ້ຳໃນເໝືອງຄ່ອຍໆເພິ່ມຫຼາຍຂຶ້ນບໍ່ໝາຍຄວາມວ່າຄວາມສ່ຽງໄດ້ຖືກກຳຈັດແລ້ວ. ເວີງນ້ຳຫົ້ງທາງເຈຍສ່ານຍັງຢູ່ໃນສະພາບທີ່ມີຄວາມອັນຕະລາຍລະດັບສູງ. ປັດຈຸບັນ, ອົງການປົກຄອງທ້ອງຖິ່ນພວມທຳຄວາມພະຍາຍາມສຸດຂີດ ປົວແປງໃຫ້ເງື່ອນໄຂຊີວິດການເປັນຢູ່ຂອງປະຊາຊົນຜູ່ຍົກຍ້າຍໃຫ້ດີຂຶ້ນ.
