ວັດຖຸກູ້ໄພທີ່ຕຸຍນີຊີ ແລະ ຍີ່ປຸ່ນບໍລິຈາກໄດ້ຂົນສົ່ງມາຮອດເມືອງເຊີງຕູ່ ແຂວງເສສວນຈີນ

(GMT+08:00) 2008-06-09 16:23:22 cri
-----------------------------------------------------------------------------------------------------------------

ຕາມຂ່າວສານຊິນຮວາ: ວັນທີ8ມິຖຸນານີ້, ວັດຖຸກູ້ໄພທີ່ຕຸຍນີຊີ ແລະ ຍີ່ປຸ່ນບໍລິຈາກໃຫ້ເຂດປະສົບໄພແຜ່ນດິນໄຫວເວີ້ນຊວນ ໄດ້ຂົນສົ່ງມາຮອດເມືອງເຊີງຕູ່ ແຂວງເສສວນຈີນ.

ຕາມຂ່າວຈາກກະຊວງການຕ່າງປະເທດຈີນ, ວັນທີ8ມິຖຸນານີ້, ຕູບຜ້າເຕັ້ນ500ຜືນທີ່ມີນ້ຳໜັກທັງໝົດ58ໂຕນ ທີ່ສາທາລະນະລັດຕຸຍນີຊີບໍລິຈາກໃຫ້ເຂດປະສົບໄພແຜ່ນດິນໄຫວແຂວງເສສວນໄດ້ຖືກຂົນສົ່ງໄປຮອດສະໜາມບິນຊ່ວງລີວ ເມືອງເຊີຕູ່ ແຂວງເສສວນໂດຍເຮືອບິນພິເສດ.

ວັນທີ8ມິຖຸນານີ້, ຄະນະສົ່ງວັດຖຸກູ້ໄພແຜ່ນດິນໄຫວ ແຂວງເສສວນຈີນຂອງ"ສະມາຄົມສະມາຊິກສະພາພັດທະນາການພົວພັນຈີນ-ຍີ່ປຸ່ນ"ແຫ່ງຍີ່ປຸ່ນໄດ້ເດີນທາງໄປຮອດເມືອງເຊີງຕູ່ ແຂວງເສສວນ. ຄະນະດັ່ງກ່າວໄດ້ເອົາວັດຖຸກູ້ໄພທີ່ມີມູນຄ່າ32ລ້ານກວ່າເຢັນ, ຜ່ານສະພາກາແດງຍີ່ປຸ່ນມອບໃຫ້ສະພາກາແດງຈີນ ແລ້ວສົ່ງໄປໃຫ້ເຂດປະສົບໄພ. ຕາມໄດ້ຊາບ, ວັດຖຸກູ້ໄພເຫຼົ່ານີ້ລວມທັງ ຕູບຜ້າເຕັ້ນໃຊ້ທາງທະຫານຂະໜາດໃຫຍ່,ໝີ່ສຳເລັດຮູບ, ບິກ, ປື້ມຈົດ ແລະ ຖົງມືຝ້າຍເປັນຕົ້ນ.

ຂ່າວ-ບົດທີ່ກ່ຽວຂ້ອງ

ຄຳເຫັນ