ເຂົ້າລະດູຮ້ອນຂອງຈີນມີຫວັງບັນລຸການເພີ່ມພູນຜະລິດຜົນ 5 ປີລຽນຕິດ
(GMT+08:00) 2008-06-09 17:08:06 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວຈາກກະຊວງກະສິກຳຈີນ, ປີນີ້, ເຂົ້າລະດູຮ້ອນຂອງຈີນມີຫວັງຈະເກັບກ່ຽວໄດ້ຜົນອຸດົມສົມບູນ, ແລະບັນລຸການເພີ່ມພູນຜະລິດຜົນ 5 ປີລຽນຕິດ. ຜູ້ຊ່ຽວຊານດ້ານທັນຍາຫານຊີ້ອອກວ່າ, ປັດຈຸບັນ, ການສະສົມທັນຍາຫານຂອງຈີນແມ່ນອຸດົມສົມບູນ, ມີຄວາມສາມາດກຸ້ມຕົນເອງໃນຂັ້ນພື້ນຖານຢ່າງສົມບູນ, ແລະຈະປະກອບສ່ວນອັນຕັ້ງໜ້າເຂົ້າໃນການເຮັດໃຫ້ຕະຫຼາດທັນຍາຫານຂອງໂລກມີຄວາມໝັ້ນທ່ຽງ.
ເຂົ້າລະດູຮ້ອນຂອງຈີນຕົ້ນຕໍແມ່ນເຂົ້າແບຼ, ເຂດຜະລິດຕົ້ນຕໍຢູ່ແຂວງເຫີນານ ພາກກາງຂອງຈີນ. ທ່ານເວີ້ຍຈຸ້ງເສີ່ງ ນັກເສດຖະສາດໃຫຍ່ຂອງພະແນກກະສິກຳແຂວງເຫີນານກ່າວວ່າ, ຍອດຜົນຜະລິດເຂົ້າລະດູຮ້ອນຂອງແຂວງເຫີນານປີນີ້ມີຫວັງຈະສ້າງສະຖິຕິໃໝ່ໃນປະຫວັດສາດ.
"ກະວ່າ, ຍອດຜົນຜະລິດເຂົ້າລະດູຮ້ອນຂອງທົ່ວແຂວງຈະບັນລຸເຖິງ 30 ລ້ານ 5 ແສນໂຕນ, ສາມາດເວົ້າໄດ້ວ່າ, ຍອດຜົນຜະລິດເຂົ້າລະດູຮ້ອນຂອງແຂວງເຫີນານປີນີ້ຈະສ້າງສະຖິຕິໃໝ່ໃນປະຫວັດສາດ. ຄຽງຄູ່ກັບນະໂຍບາຍກ່ຽວກັບການສ້າງກະສິກຳໃຫ້ເຂັ້ມແຂງແລະໃຫ້ຊາວກະສິກອນຮັບຜົນປະໂຫຍດໄດ້ສືບຕໍ່ເພີ່ມທະວີຂຶ້ນ, ວິທະຍາສາດເຕັກນິກດ້ານກະສິກຳໄດ້ຍົກສູງຂຶ້ນຢ່າງບໍ່ຢຸດຢັ້ງ, ຄວາມຫ້າວຫັນໃນການປູກເຂົ້າຂອງຊາວກະສິກອນໄດ້ຍົກສູງຂຶ້ນເລື້ອຍໆ, ກຳລັງບົ່ມຊ້ອນໃນການຜະລິດເຂົ້າຂອງແຂວງເຫີນານຍັງມີຢູ່ຢ່າງຫຼວງຫຼາຍ."
ເຖິງວ່າໃນຕົ້ນປີນີ້, ບາງເຂດແຂວງຂອງຈີນໄດ້ປະສົບໄພຫິມະ, ເດືອນພຶດສະພາແຂວງເສສວນໄດ້ເກີດແຜ່ນດິນໄຫວ, ແຕ່ທ່ານອີນຊ່າງປິ່ນ ຜູ້ຊ່ຽວຊານດ້ານທັນຍາຫານຂອງສະພາບັນດິດວິທະຍາສາດກະສິກຳຈີນກ່າວວ່າ,
"ຕົ້ນປີນີ້, ບາງເຂດໄດ້ເກີດໄພຫິມະ, ແຕ່ຫິມະຕົກໃນລະດູໜາວມີຜົນດີຕໍ່ການເຕີບໃຫຍ່ຂອງທັນຍາຫານ; ສ່ວນໄພແຜ່ນດິນໄຫວຂອງແຂວງເສສວນແມ່ນເປັນພາກສ່ວນ, ເຂດປະສົບໄພຮ້າຍແຮງລ້ວນແຕ່ຢູ່ເຂດພູດອຍ, ອັດຕາການສະໜອງທັນຍາຫານຢູ່ແຫ່ງນັ້ນກໍ່ບໍ່ຫຼາຍປານໃດ, ເຖິງວ່າຜົນຜະລິດຢູ່ເຂດປະສົບໄພຫຼຸດລົງ 10%, ກໍ່ບໍ່ສາມາດກະທົບພາກສ່ວນໃຫຍ່ຂອງການຜະລິດທັນຍາຫານຂອງຈີນ."
ນອກຈາກແຂວງເສສວນແລ້ວ, ເຂດຜະລິດທັນຍາຫານຕົ້ນຕໍອີກແຫ່ງໜຶ່ງທີ່ຖືກຜົນກະທົບຈາກແຜ່ນດິນໄຫວນັ້ນແມ່ນແຂວງສ້ານຊີ. ຄຽງຄູ່ກັບລະດູເກັບກ່ຽວທັນຍາຫານວຽນມາເຖິງ, ແຂວງສ້ານຊີພວມໃຊ້ມາດຕະການຕ່າງໆເຊັ່ນເປີດກວ້າງເນື້ອທີ່ທີ່ໃຊ້ເຄື່ອງຈັກເກັບກ່ຽວ, ເພື່ອຫຼຸດຜົນເສຍຫາຍຈາກໄພພິບັດໃຫ້ໜ້ອຍທີ່ສຸດ. ນັກຂ່າວໄດ້ຮັບຂ່າວຈາກພາກສ່ວນກະສິກຳແຂວງສ້ານຊີວ່າ, ຜົນຜະລິດເຂົ້າແບຼຂອງແຂວງສ້ານຊີໃນປີນີ້ຈະຫຼາຍກວ່າປີກາຍປະມານ 5%.
ໃນຫຼາຍປີມານີ້, ຜົນຜະລິດທັນຍາຫານຂອງຈີນໄດ້ຮັກສາທ່ວງທ່າເພີ່ມຂຶ້ນຢ່າງໝັ້ນທ່ຽງ, ການສະໜອງຜະລິດຕະພັນກະສິກຳຕົ້ນຕໍແມ່ນພຽງພໍ, ສະຖານະການລວມດ້ານທັນຍາຫານແມ່ນການສະໜອງຫຼາຍກວ່າຄວາມຕ້ອງການ. ທ່ານອີນຊ່າງປີ່ນຊີ້ອອກວ່າ, ນີ້ຕົ້ນຕໍແມ່ນໄດ້ຮັບຜົນດີຈາກນະໂຍບາຍທີ່ສະໜັບສະໜູນກະສິກຳແລະໃຫ້ສິດທິພິເສດແກ່ຊາວກະສິກອນທີ່ຈີນໃຊ້ໃນຫຼາຍປີມານີ້, ໄດ້ເຮັດໃຫ້ຊາວກະສິກອນທີ່ປູກທັນຍາຫານມີຄວາມຫ້າວຫັນຢ່າງຫຼວງຫຼາຍ. ປັດຈຸບັນ, ການສະສົມທັນຍາຫານຂອງຈີນມີຢູ່ຢ່າງພຽງພໍ, ເສັ້ນເຕືອນໄພດ້ານປະລິມານສະສົມທັນຍາຫານທີ່ອົງການທັນຍາຫານແລະກະເສດຂອງໂລກຫຼື"FAO"ກຳນົດນັ້ນແມ່ນປະມານ 18% ຂອງຍອດປະລິມານການບໍລິໂພກທັນຍາຫານໃນໝົດປີ, ແຕ່ອັດຕາສະສົມທັນຍາຫານຂອງຈີນແມ່ນ 35%, ສະນັ້ນ, ຈີນບໍ່ມີບັນຫາວິກິດການດ້ານອາຫານ.
ຫວ່າງມໍ່ໆນີ້, ທ່ານຊຸນເຈີ້ງສາຍ ລັດຖະມົນຕີວ່າການກະຊວງກະສິກຳຈີນໄດ້ເຂົ້າຮ່ວມກອງປະຊຸມລະດັບສູງກ່ຽວກັບຄວາມປອດໄພດ້ານທັນຍາຫານຂອງໂລກຢູ່ນະຄອນໂຣມ, ທ່ານຊີ້ອອກວ່າ,
"ຈີນແກ້ໄຂບັນຫາກິນເຂົ້າຂອງປະຊາກອນ 1 ຕື້ 300 ລ້ານຄົນຂອງຈີນຢ່າງສຳເລັດຜົນກໍ່ແມ່ນການປະກອບສ່ວນອັນໃຫຍ່ຫຼວງເຂົ້າໃນຄວາມປອດໄພດ້ານທັນຍາຫານຂອງໂລກ. ການຄ້າຂາເຂົ້າຂາອອກທັນຍາຫານຂອງຈີນພວມພັດທະນາຢ່າງເປັນປົກກະຕິ, ເຂົ້າເປືອກມີແຕ່ສົ່ງອອກ. ພາຍໃນຂອບເຂດຄວາມສາມາດຂອງຕົນ, ຈີນຈະບໍລິຈາກໃຫ້ອົງການFAO ຢ່າງຕັ້ງໜ້າ, ແລະໃຫ້ຄວາມຊ່ວຍເຫຼືອດ້ານອາຫານໃຫ້ບາງປະເທດທີ່ມີສະພາບເຄັ່ງຕຶງດ້ານອາຫານ, ແລະໃຫ້ຄວາມຊ່ວຍເຫຼືອດ້ານເຕັກນິກແລະອົບຮົມນັກວິຊາການແກ່ປະເທດທີ່ພວມພັດທະນາ.%
ເຂົ້າລະດູຮ້ອນຂອງຈີນຕົ້ນຕໍແມ່ນເຂົ້າແບຼ, ເຂດຜະລິດຕົ້ນຕໍຢູ່ແຂວງເຫີນານ ພາກກາງຂອງຈີນ. ທ່ານເວີ້ຍຈຸ້ງເສີ່ງ ນັກເສດຖະສາດໃຫຍ່ຂອງພະແນກກະສິກຳແຂວງເຫີນານກ່າວວ່າ, ຍອດຜົນຜະລິດເຂົ້າລະດູຮ້ອນຂອງແຂວງເຫີນານປີນີ້ມີຫວັງຈະສ້າງສະຖິຕິໃໝ່ໃນປະຫວັດສາດ.
"ກະວ່າ, ຍອດຜົນຜະລິດເຂົ້າລະດູຮ້ອນຂອງທົ່ວແຂວງຈະບັນລຸເຖິງ 30 ລ້ານ 5 ແສນໂຕນ, ສາມາດເວົ້າໄດ້ວ່າ, ຍອດຜົນຜະລິດເຂົ້າລະດູຮ້ອນຂອງແຂວງເຫີນານປີນີ້ຈະສ້າງສະຖິຕິໃໝ່ໃນປະຫວັດສາດ. ຄຽງຄູ່ກັບນະໂຍບາຍກ່ຽວກັບການສ້າງກະສິກຳໃຫ້ເຂັ້ມແຂງແລະໃຫ້ຊາວກະສິກອນຮັບຜົນປະໂຫຍດໄດ້ສືບຕໍ່ເພີ່ມທະວີຂຶ້ນ, ວິທະຍາສາດເຕັກນິກດ້ານກະສິກຳໄດ້ຍົກສູງຂຶ້ນຢ່າງບໍ່ຢຸດຢັ້ງ, ຄວາມຫ້າວຫັນໃນການປູກເຂົ້າຂອງຊາວກະສິກອນໄດ້ຍົກສູງຂຶ້ນເລື້ອຍໆ, ກຳລັງບົ່ມຊ້ອນໃນການຜະລິດເຂົ້າຂອງແຂວງເຫີນານຍັງມີຢູ່ຢ່າງຫຼວງຫຼາຍ."
ເຖິງວ່າໃນຕົ້ນປີນີ້, ບາງເຂດແຂວງຂອງຈີນໄດ້ປະສົບໄພຫິມະ, ເດືອນພຶດສະພາແຂວງເສສວນໄດ້ເກີດແຜ່ນດິນໄຫວ, ແຕ່ທ່ານອີນຊ່າງປິ່ນ ຜູ້ຊ່ຽວຊານດ້ານທັນຍາຫານຂອງສະພາບັນດິດວິທະຍາສາດກະສິກຳຈີນກ່າວວ່າ,
"ຕົ້ນປີນີ້, ບາງເຂດໄດ້ເກີດໄພຫິມະ, ແຕ່ຫິມະຕົກໃນລະດູໜາວມີຜົນດີຕໍ່ການເຕີບໃຫຍ່ຂອງທັນຍາຫານ; ສ່ວນໄພແຜ່ນດິນໄຫວຂອງແຂວງເສສວນແມ່ນເປັນພາກສ່ວນ, ເຂດປະສົບໄພຮ້າຍແຮງລ້ວນແຕ່ຢູ່ເຂດພູດອຍ, ອັດຕາການສະໜອງທັນຍາຫານຢູ່ແຫ່ງນັ້ນກໍ່ບໍ່ຫຼາຍປານໃດ, ເຖິງວ່າຜົນຜະລິດຢູ່ເຂດປະສົບໄພຫຼຸດລົງ 10%, ກໍ່ບໍ່ສາມາດກະທົບພາກສ່ວນໃຫຍ່ຂອງການຜະລິດທັນຍາຫານຂອງຈີນ."
ນອກຈາກແຂວງເສສວນແລ້ວ, ເຂດຜະລິດທັນຍາຫານຕົ້ນຕໍອີກແຫ່ງໜຶ່ງທີ່ຖືກຜົນກະທົບຈາກແຜ່ນດິນໄຫວນັ້ນແມ່ນແຂວງສ້ານຊີ. ຄຽງຄູ່ກັບລະດູເກັບກ່ຽວທັນຍາຫານວຽນມາເຖິງ, ແຂວງສ້ານຊີພວມໃຊ້ມາດຕະການຕ່າງໆເຊັ່ນເປີດກວ້າງເນື້ອທີ່ທີ່ໃຊ້ເຄື່ອງຈັກເກັບກ່ຽວ, ເພື່ອຫຼຸດຜົນເສຍຫາຍຈາກໄພພິບັດໃຫ້ໜ້ອຍທີ່ສຸດ. ນັກຂ່າວໄດ້ຮັບຂ່າວຈາກພາກສ່ວນກະສິກຳແຂວງສ້ານຊີວ່າ, ຜົນຜະລິດເຂົ້າແບຼຂອງແຂວງສ້ານຊີໃນປີນີ້ຈະຫຼາຍກວ່າປີກາຍປະມານ 5%.
ໃນຫຼາຍປີມານີ້, ຜົນຜະລິດທັນຍາຫານຂອງຈີນໄດ້ຮັກສາທ່ວງທ່າເພີ່ມຂຶ້ນຢ່າງໝັ້ນທ່ຽງ, ການສະໜອງຜະລິດຕະພັນກະສິກຳຕົ້ນຕໍແມ່ນພຽງພໍ, ສະຖານະການລວມດ້ານທັນຍາຫານແມ່ນການສະໜອງຫຼາຍກວ່າຄວາມຕ້ອງການ. ທ່ານອີນຊ່າງປີ່ນຊີ້ອອກວ່າ, ນີ້ຕົ້ນຕໍແມ່ນໄດ້ຮັບຜົນດີຈາກນະໂຍບາຍທີ່ສະໜັບສະໜູນກະສິກຳແລະໃຫ້ສິດທິພິເສດແກ່ຊາວກະສິກອນທີ່ຈີນໃຊ້ໃນຫຼາຍປີມານີ້, ໄດ້ເຮັດໃຫ້ຊາວກະສິກອນທີ່ປູກທັນຍາຫານມີຄວາມຫ້າວຫັນຢ່າງຫຼວງຫຼາຍ. ປັດຈຸບັນ, ການສະສົມທັນຍາຫານຂອງຈີນມີຢູ່ຢ່າງພຽງພໍ, ເສັ້ນເຕືອນໄພດ້ານປະລິມານສະສົມທັນຍາຫານທີ່ອົງການທັນຍາຫານແລະກະເສດຂອງໂລກຫຼື"FAO"ກຳນົດນັ້ນແມ່ນປະມານ 18% ຂອງຍອດປະລິມານການບໍລິໂພກທັນຍາຫານໃນໝົດປີ, ແຕ່ອັດຕາສະສົມທັນຍາຫານຂອງຈີນແມ່ນ 35%, ສະນັ້ນ, ຈີນບໍ່ມີບັນຫາວິກິດການດ້ານອາຫານ.
ຫວ່າງມໍ່ໆນີ້, ທ່ານຊຸນເຈີ້ງສາຍ ລັດຖະມົນຕີວ່າການກະຊວງກະສິກຳຈີນໄດ້ເຂົ້າຮ່ວມກອງປະຊຸມລະດັບສູງກ່ຽວກັບຄວາມປອດໄພດ້ານທັນຍາຫານຂອງໂລກຢູ່ນະຄອນໂຣມ, ທ່ານຊີ້ອອກວ່າ,
"ຈີນແກ້ໄຂບັນຫາກິນເຂົ້າຂອງປະຊາກອນ 1 ຕື້ 300 ລ້ານຄົນຂອງຈີນຢ່າງສຳເລັດຜົນກໍ່ແມ່ນການປະກອບສ່ວນອັນໃຫຍ່ຫຼວງເຂົ້າໃນຄວາມປອດໄພດ້ານທັນຍາຫານຂອງໂລກ. ການຄ້າຂາເຂົ້າຂາອອກທັນຍາຫານຂອງຈີນພວມພັດທະນາຢ່າງເປັນປົກກະຕິ, ເຂົ້າເປືອກມີແຕ່ສົ່ງອອກ. ພາຍໃນຂອບເຂດຄວາມສາມາດຂອງຕົນ, ຈີນຈະບໍລິຈາກໃຫ້ອົງການFAO ຢ່າງຕັ້ງໜ້າ, ແລະໃຫ້ຄວາມຊ່ວຍເຫຼືອດ້ານອາຫານໃຫ້ບາງປະເທດທີ່ມີສະພາບເຄັ່ງຕຶງດ້ານອາຫານ, ແລະໃຫ້ຄວາມຊ່ວຍເຫຼືອດ້ານເຕັກນິກແລະອົບຮົມນັກວິຊາການແກ່ປະເທດທີ່ພວມພັດທະນາ.%
ຂ່າວ-ບົດທີ່ກ່ຽວຂ້ອງ
ຄຳເຫັນ
