ປະ​ທານ​ປະ​ເທດ​ຫວຽດ​ນາມ​ຍ້ອງ​ຍໍ​ພິ​ທີ​ໄຂ​ງານ​ກິລາ​ໂອ​ລິມ​ປິກ​ປັກ​ກິ່ງ

ຕາມ​ຂ່າວ CRI: ​ເມື່ອ​ໄດ້​ເບີ່​ງພິທີ​ໄຂ​ງານ​ກິລາ​ໂອ​ລິ​ມປິກ​ປັກ​ກິ່ງ​ແລ້ວ, ວັນ​ທີ 9 ສິງຫາ​ນີ້, ​ໃນ​ເວລາ​ໃຫ້​ສຳພາດ​ຕໍ່​ນັກ​ຂ່າວວິທະຍຸ​ພວກ​ເຮົາຢູ່​ໂຮມ​ແຮມທີ່​ພັກ, ທ່ານຫງວນ​ມິນ​ຈຽດ ປະ​ທານ​ປະ​ເທດ​ຫວຽດກ່າວ​ວ່າ, ພິທີ​ໄຂ​ງານ​ກິລາ​ໂອ​ລິມປິກ​ປັກ​ກິ່ງມີ​ບັນຍາກາດ​ຟົດ​ຟື້ນ, ສະ​ຫງ່າ​ງາມ, ​ໄດ້​ສ້າງຄວາມ​ຊົງ​ຈັນ​ອັນ​ດີງາມ​ໃຫ້​ແກ່​ທ່ານ.

ທ່ານ​ກ່າວ​ວ່າ, ພິທີ​ໄຂ​ງານ​ກິລາ​ໂອ​ລິ​ມປິກ​ປັກ​ກິ່ງ​ໄດ້​ສ້າງ​ພາບ​ປະ​ທັບ​ໃຈ​ເລິກ​ເຊິ່ງ​ໃຫ້​ທ່ານ, ກ່ອນ​ອື່ນ​ໝົດ​ແມ່ນ​ວິວັດ​ທະນາ​ການອັນ​ຍິ່ງ​ໃຫຍ່​ຂອງ​ຈີນ, ນອກ​ນັ້ນ, ​ວຽກ​ງານ​ຈັດ​ຕັ້ງ​ທີ່​ມີ​ລະດັບ​ສູງ​ຂອງ​ຈີນ, ການ​ຕອບ​ຮັບອັນ​ຕັ້ງໜ້າ​​ຕໍ່​ງານ​ກິລາ​ໂອ​ລິ​ມປິກຂອງ​ຜູ້ນຳ​ປະ​ເທດ​ຕ່າງໆ​ໃນ​ໂລກ, ພິທີ​ໄຕ້​ທວນ​ໄຟ, ບັນຍາກາດ​ອັນ​ຟົດ​ຟື້ນ​ແລະ​ການສະ​ແດງບັ້ງ​ໄຟ​ດອກ​ແລະ​ອື່ນໆ, ກໍ່​ເຮັດ​ໃຫ້​ທ່ານ​ລືມ​ຍາກ.