ລັດຖະບານຈີນວາງນະໂຍບານພິເສດໃຫ້ເຂດຕິເບດອີກ, ເນັ້ນໜັກການເພີ່ມທະວີຄວາມສາມາດໃນການຮັກສາສະຖຽນລະພາບ

(GMT+08:00) 2008-08-11 20:02:10 cri
-----------------------------------------------------------------------------------------------------------------

ຕາມຂ່າວສານຈີນ: ວັນທີ 11 ສິງຫານີ້, ກອງປະຊຸມຊັ້ນສູງຂອງເຂດຕິເບດໃຫ້ຊາບວ່າ, ຫວ່າງມໍ່ໆນີ້, ລັດຖະບານຈີນໄດ້ອອກ"ແຜນການກ່ຽວກັບການສະໜັບສະໜູນການພັດທະນາເສດຖະກິດແລະສັງຄົມຂອງເຂດຕິເບດໃນໄລຍະມໍ່ໆນີ້". ນີ້ແມ່ນນະໂຍບາຍພິເສດອີກທີ່ສູນກາງປະຕິບັດຕໍ່ເຂດຕິເບດຫຼັງຈາກລັດຖະບານກາງວາງນະໂຍບາຍພິເສດຕ່າງໆຕໍ່ເຂດຕິເບດໃນປີ 2007 .

ແຜນການດັ່ງກ່າວໄດ້ແນໃສ່ບັນຫາຕົ້ນຕໍທີ່ຕ້ອງແກ້ໄຂໃນໄລຍະຫຍຸ້ງຍາກພິເສດຂອງເຂດຕິເບດໃນປັດຈຸບັນ, ໄດ້ວາງນະໂຍບາຍອຸດໜູນໃນ 7 ດ້ານເຊັ່ນການເງິນສູນກາງຈັດທຶນຊ່ອຍແກ້ໄຂບັນຫາລາຍຮັບຫຼຸດລົງແລະລາຍຈ່າຍເພີ່ມຂຶ້ນຂອງເຂດຕິເບດ, ຊຸກຍູ້ໃຫ້ອຸດສາຫະກຳຕ່າງໆເຊັ່ນການທ່ອງທ່ຽວເປັນຕົ້ນເລັ່ງລັດຟື້ນຟູການພັດທະນາ, ເລັ່ງລັດປະຕິບັດໂຄງການຈຸດໜັກ, ສະໜັບສະໜູນການສ້ອມແປງແລະການກໍ່ສ້າງສິ່ງກໍ່ສ້າງສາທາລະນະ, ເຮັດໃຫ້ລະບົບດັດສົມລາຄາຂອງຕະຫຼາດສົມບູນຂຶ້ນ, ແລະຍົກລະດັບສົງເຄາະສັງຄົມຢ່າງເໝາະສົມ.

ຕາມຄາດວ່າ, ນະໂຍບາຍພິເສດເຫຼົ່ານີ້ຈະຕ້ອງການທຶນ 38 ຕື້ກວ່າຢວນ, ພຽງແຕ່ເພີ່ມໃໝ່ກໍ່ມີເຖິງຫຼາຍຕື້ຢວນ.

ຂ່າວ-ບົດທີ່ກ່ຽວຂ້ອງ

ຄຳເຫັນ