ອັດຕາແລກປ່ຽນເງິນຢວນກັບເງິນໂດລາໄດ້ຫຼຸດລົງ 10 ມື້ລຽນຕິດ ສ້າງສະພາບຕ່ຳກວ່າໝູ່ແຕ່ການປະຕິຮູບເງິນຕາມານີ້

(GMT+08:00) 2008-08-12 20:00:30 cri
-----------------------------------------------------------------------------------------------------------------

ຕາມຂ່າວສານຊີນຮວາ: ແຕ່ວັນທີ 30 ກໍລະກົດຫາວັນທີ 12 ສິງຫາ, ລາຄາກາງຂອງອັດຕາແລກປ່ຽນເງິນຢວນກັບເງິນໂດລາສະຫະລັດໄດ້ຫຼຸດລົງ 10 ມື້ລຽນຕິດ, ໄດ້ປ່ຽນທ່ວງທ່າສູງຂຶ້ນຢ່າງວ່ອງໄວໃນ 6 ເດືອນຕົ້ນປີນີ້, ໄດ້ສ້າງສະພາບຫຼຸດຕ່ຳລົງໃຫຍ່ກວ່າໝູ່ແຕ່ດຳເນີນການປະຕິຮູບອັດຕາແລກປ່ຽນເງິນຢວນເມື່ອເດືອນກໍລະກົດປີ 2005 ມານີ້.

ຖ້າໄລ່ຕາມຈຸດສູງສຸດໃນວັນທີ 29 ກໍລະກົດ, ອັດຕາແລກປ່ຽນເງິນຢວນກັບເງິນໂດລາສະຫະລັດໄດ້ຕ່ຳລົງ 454 ຈຸດໃນ 10 ມື້ຄ້າຂາຍ, ຊຶ່ງຫຼຸດລາຄາ 0,66%.

ເງິນໂດລາໃນຕະຫຼາດສາກົນແຂງຂຶ້ນໄລຍະມໍ່ໆນີ້ແມ່ນສາຍເຫດໜຶ່ງທີ່ເງິນຢວນຈີນຕ່ຳລົງ. ຜູ້ຊ່ຽວຊານຊີ້ອອກວ່າ, ເງິນຢວນຈີນຫຼຸດລາຄາຍັງມີປັດໃຈຫຼາຍຢ່າງເຊັ່ນນະໂຍບາຍເງິນຕາຕ່າງປະເທດຂອງຈີນມີການປ່ຽນແປງໃນໄລຍະມໍ່ໆນີ້, ເສດຖະກິດພາຍໃນປະເທດເຕີບໂຕຊ້າລົງ, ແລະແຮງກົດດັນຈາກໄພເງິນເຟີ້ເປັນຕົ້ນ.

ຂ່າວ-ບົດທີ່ກ່ຽວຂ້ອງ

ຄຳເຫັນ