ຈີນໄດ້ສ້າງກົນໄກລະດັບຊາດເພື່ອຍົກສູງຖານະຂອງແມ່ຍິງ
(GMT+08:00) 2008-08-20 16:33:30 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວສານຈີນ:ວັນທີ 20 ສິງຫານີ້,ເວທີປຶກສາຫາລືເພດຍິງເຂດອ້ອມທະເລຍີ່ປຸ່ນຄັ້ງທີ 4 ໄດ້ໄຂຂຶ້ນຢູ່ເມືອງຊາງຊຸ່ນແຂວງຈີລີນ,ຜູ້ເຮັດວຽກເພດຍິງແລະນັກຄົ້ນຄວ້າທິດສະດີເພດຍິງຫຼາຍຮ້ອຍຄົນທີ່ມາຈາກຈີນ ຣັດເຊຍ ຍີ່ປຸ່ນ ສ.ເກົາຫຼີແລະມົງໂກລີໄດ້ເຂົ້າຮ່ວມເວທີປຶກສາຫາລືດັ່ງກ່າວ,ແລະໄດ້ຄົ້ນຄວ້າຫາລືກ່ຽວກັບການຊຸກຍູ້"ຄວາມກ້າວໜ້າແລະການພັດທະນາຂອງແມ່ຍິງ".ໃນເວທີປຶກສາຫາລື,ນາງລີວປົວຮົງ ຮອງປະທານສະຖາບັນຄົ້ນຄວ້າແມ່ຍິງຈີນກ່າວວ່າ,ນັບແຕ່ຈີນດຳເນີນການປະຕິຮູບແລະໄຂປະຕູສູ່ພາຍນອກມານີ້,ລັດຖະບານຈີນໄດ້ສ້າງກົນໄກລະດັບຊາດເພື່ອຍົກສູງຖານະຂອງແມ່ຍິງ.
ນາງລີວປົວຮົງແນະນຳວ່າ,ນັບແຕ່ປີ 1995 ເປັນຕົ້ນມາ,ລັດຖະບານຈີນໄດ້ຖືຄວາມສະເໝີພາບກັນລະຫວ່າງຍິງຊາຍເປັນນະໂຍບາຍພື້ນຖານແຫ່ງຊາດໃນການພັດທະນາສັງຄົມຂອງຈີນ,ແລະໄດ້ປະກາດ"ໂຄງຮ່າງພັດທະນາແມ່ຍິງຈີນ",ເຮັດໃຫ້ໂຄງຮ່າງດັ່ງກ່າວກາຍເປັນແຜນການຂອງລັດຖະບານສະບັບທຳອິດກ່ຽວກັບການພັດທະນາຂອງແມ່ຍິງໂດຍສະເພາະໃນປະຫວັດສາດຈີນ.ສ່ວນການປ່ຽນແປງຢ່າງໃຫຍ່ຫຼວງຂອງສັງຄົມຈີນແລະການປົດປ່ອຍດ້ານແນວຄິດ,ໄດ້ຊຸກຍູ້ໃຫ້ແມ່ຍິງຈີນຕື່ນຕົວໃນດ້ານສະຕິເປັນເຈົ້າຕົນເອງແລະສະຕິຮວມໝູ່.ເຂົາເຈົ້າພວມເຂົ້າຮ່ວມຂົງເຂດສັງຄົມແລະຂົງເຂດຄົ້ນຄວ້າຕ່າງໆຢ່າງເປັນເຈົ້າການດ້ວຍທັດສະນະຄະຕິແລະຮູບການໃໝ່.
ນາງລີວປົວຮົງແນະນຳວ່າ,ນັບແຕ່ປີ 1995 ເປັນຕົ້ນມາ,ລັດຖະບານຈີນໄດ້ຖືຄວາມສະເໝີພາບກັນລະຫວ່າງຍິງຊາຍເປັນນະໂຍບາຍພື້ນຖານແຫ່ງຊາດໃນການພັດທະນາສັງຄົມຂອງຈີນ,ແລະໄດ້ປະກາດ"ໂຄງຮ່າງພັດທະນາແມ່ຍິງຈີນ",ເຮັດໃຫ້ໂຄງຮ່າງດັ່ງກ່າວກາຍເປັນແຜນການຂອງລັດຖະບານສະບັບທຳອິດກ່ຽວກັບການພັດທະນາຂອງແມ່ຍິງໂດຍສະເພາະໃນປະຫວັດສາດຈີນ.ສ່ວນການປ່ຽນແປງຢ່າງໃຫຍ່ຫຼວງຂອງສັງຄົມຈີນແລະການປົດປ່ອຍດ້ານແນວຄິດ,ໄດ້ຊຸກຍູ້ໃຫ້ແມ່ຍິງຈີນຕື່ນຕົວໃນດ້ານສະຕິເປັນເຈົ້າຕົນເອງແລະສະຕິຮວມໝູ່.ເຂົາເຈົ້າພວມເຂົ້າຮ່ວມຂົງເຂດສັງຄົມແລະຂົງເຂດຄົ້ນຄວ້າຕ່າງໆຢ່າງເປັນເຈົ້າການດ້ວຍທັດສະນະຄະຕິແລະຮູບການໃໝ່.
ຂ່າວ-ບົດທີ່ກ່ຽວຂ້ອງ
ຄຳເຫັນ
