ໜ່ວຍ​ແລກ​ປ່ຽນ​ຮ່ວມ​ມື​ດ້ານ​ກະ​ສິ​ກຳ ວິ​ທະ​ຍາ​ສາດ​ເຕັກ​ນິກ​​ຂອງ​ອະ​ນຸ​ພາກ​ພື້ນ​ແມ່​ນ້ຳຂ​ອງ​ຕົກ​ລົງ​ແຜນ​ການ​ຮ່ວມ​ມື​ເພື່ອ​ຄ້ຳ​ປະ​ກັນ​ຄວາມ​ປອດ​ໄພ​ຂອງ​ທັນ​ຍາ​ຫານ

ຕາມ​ຂ່າວສານ​ຊິນ​ຮວາ:ວັນ​ທີ6​ກັນຍາ​ນີ້,ໜ່ວຍ​ແລກປ່ຽນ​ຮ່ວມ​ມື​ດ້ານ​ກະສິ​ກຳ ວິ​ທະ​ຍາ​ສາດ​ເຕັກ​ນິກ​ຂອງ​ອະ​ນຸ​ພາກ​ພື້ນ​ແມ່​ນ້ຳຂ​ອງ​ຕົກ​ລົງ​ເລັ່ງ​ລັດ​ການ​ແລກ​ປ່ຽນ​ແລະ​ຮ່ວມ​ມື​ຂ້າມ​ຊາດ​ລະ​ຫວ່າງ​ຝ່າຍ​ຕ່າງໆ​ໃນ​ຂົງ​ເຂດ​ແນວ​ພັນ​ໃໝ່​ແລະ​ເຕັກ​ນິກ​ໃໝ່​ດ້ານ​ໝາກ​ຖົ່ວ​ເຫຼືອງ ມັນ​ຝະ​ຣັ່ງ ອ້ອຍ​ແລະ​ເຂົ້າ​ໄຮ່,​ເພື່ອ​ຄ້ຳ​ປະ​ກັນ​ຄວາມ​ປອດ​ໄພ​ຂອງ​ທັນ​ຍາ​ຫານ,​ບຳ​ບັດ​ຄວາມ​ທຸກ​ຍາກ,​ອະ​ນຸ​ລັກ​ສິ່ງ​ແວດ​ລ້ອມ.

ໜ່ວຍ​ແລກປ່ຽນ​ຮ່ວມ​ມື​ດ້ານ​ກະສິກຳ ວິທະຍາສາດ​ເຕັກນິກ​ຂອງ​ອະນຸ​ພາກ​ພື້ນ​ແມ່​ນ້ຳ​ຂອງ​ປະ​ກອບ​ດ້ວຍ​ສະ​ຖາ​ບັນ​ວິ​ທະຍາ​ສາດ​ກະ​ສິ​ກຳ​ຂອງ​ແຂວງ​ຢຸນ​ນານ​ຈີນ ລາວ ກຳ​ປູ​ເຈຍ  ມຽນ​ມາ​ແລະ​ຫວຽດ​ນາມ​ພ້ອມ​ດ້ວຍ​ພະ​ແນກ​ກະ​ສິ​ກຳ​ຂອງ​ກະ​ຊວງ​ການ​ຮ່ວມ​ມື​ກະ​ສິ​ກຳ​ຂອງ​ໄທ.​ກອງ​ເລ​ຂາ​ຊຸດ​ທຳ​ອິດ​ຕັ້ງຢູ່ສະ​ຖາ​ບັນ​ວິ​ທະ​ຍາ​ສາດ​ກະ​ສິ​ກຳ​ແຂວງ​ຢຸນ​ນານ​ຂອງ​ຈີນ.