ວຽກງານຊີວິດການເປັນຢູ່ຂອງປະຊາຊົນຈີນໃນຫຼາຍປີມານີ້ໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ

(GMT+08:00) 2008-09-06 19:21:01 cri
-----------------------------------------------------------------------------------------------------------------

ຕາມຂ່າວສານຊິ່ນຮວາ: ໃນຫຼາຍປີມໍ່ໆມານີ້, ວຽກງານຊີວິດການເປັນຢູ່ຂອງປະຊາຊົນຕົວເມືອງແລະຊົນນະບົດຂອງຈີນໃນດ້ານຕ່າງໆ, ເຊັ່ນ: ການສຶກສາພາກບັງຄັບ, ວຽກງານການປິ່ນປົວສາທາລະນະສຸກແລະສະຫວັດດີການສັງຄົມເປັນຕົ້ນໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ.

ນັບແຕ່ປີນີ້ເປັນຕົ້ນມາ, ເງື່ອນໄຂສຶກສາພາກບັງຄັບໃນຊົນນະບົດຈີນສືບຕໍ່ໄດ້ຮັບການປົວແປງ, ອາຊີວະສຶກສາລະດັບກາງສືບຕໍ່ພັດທະນາຢ່າງວ່ອງໄວ, ພາຍຫຼັງເກີດແຜ່ນດິນໄຫວເວີ້ນຊ່ວນແລ້ວ, ເຂດປະສົບໄພໄດ້ໃຊ້ມາດຕະການກູ້ໄພລັກສະນະຊົ່ວຄາວທີ່ບັງເກີດຜົນຫຼາຍຢ່າງ, ໂຮງຮຽນສ່ວນຫຼາຍໄດ້ຟື້ນຟູການສິດສອນແລ້ວ.

ພ້ອມກັນນັ້ນ, ສະພາບການພະຍາດຕິດແປດໃນທົ່ວປະເທດອ່າວໝັ້ນທ່ຽງໂດຍລວມ, ລະບອບຮ່ວມມືປິ່ນປົວຊົນນະບົດແບບໃໝ່ປົກຫຸ້ມກວ້າງກວ່າເກົ່າ, ລະບົບບໍລິການການປິ່ນປົວແລະສາທາລະນະສຸກທົ່ວປະເທດດີຂຶ້ນຕື່ມອີກ.

ລັດຖະບານເປີດກວ້າງຂອບເຂດສະຫວັດດີການແລະການຊ່ອຍເຫຼືອສັງຄົມຢ່າງບໍ່ຢຸດຢັ້ງ, ຈຳນວນຄົນຮັບການຮັບປະກັນຊີວິດຕ່ຳສຸດໃນຊົນນະບົດທົ່ວປະເທດມີເຖິງ 37 ລ້ານຄົນ, ເພີ່ມຂຶ້ນເກືອບ 1 ເທົ່າເມື່ອທຽບໃສ່ໄລຍະດຽວກັນໃນປີກາຍນີ້, ການຮັບປະກັນຊີວິດພື້ນຖານຂອງປະຊາຊົນທຸກຍາກໄດ້ເພີ່ມທະວີຂຶ້ນຕື່ມອີກ.

ຂ່າວ-ບົດທີ່ກ່ຽວຂ້ອງ

ຄຳເຫັນ