ເງິນແລະເຄື່ອງຊ່ວຍເຫຼືອກູ້ໄພແຜ່ນດິນໄຫວເວີ້ນຊ່ວນໄດ້ຮັບການຄຸ້ມຄອງແລະນຳໃຊ້ເປັນຢ່າງດີໂດຍພື້ນຖານ

(GMT+08:00) 2008-09-11 15:48:52 cri
-----------------------------------------------------------------------------------------------------------------

ຕາມຂ່າວສານຊິນຮວາ,ວັນທີ10ກັນຍານີ້,ທ່ານຢູຊ້ຽວມິງ ຮອງຫົວໜ້າກົມກວດກາບັນຊີຈີນກ່າວວ່າ,ພາຍຫຼັງເມືອງເວີ້ນຊ່ວນເກີດແຜ່ນດິນໄຫວແລ້ວ,ເງິນກ້ອນໃຫຍ່ແລະເຄື່ອງຊ່ວຍເຫຼືອຈຳນວນຫຼວງຫຼາຍທີ່ວົງການຕ່າງໆໃນສັງຄົມບໍລິຈາກນັ້ນໄດ້ຮັບການຄຸ້ມຄອງແລະນຳໃຊ້ເປັນຢ່າງດີໂດຍພື້ນຖານ,ບັນຫາທີ່ກວດພົບໃນເວລາກວດກາບັນຊີກໍ່ໄດ້ຮັບການດັດແກ້ເປັນຢ່າງດີ.

ໃນເວລາລົມກັບຜູ່ໃຊ້ອິນເຕີເນັດຢູ່ ເວັບໄຊລັດຖະບານຈີນ,ທ່ານຢູຊ້ຽວມິງກ່າວວ່າ,ການກວດກາບັນຊີເທື່ອນີ້ໄດ້ຂະຫຍາຍໄປຮອດເມືອງນ້ອຍ,ຊົນນະບົດແລະສ່ວນບຸກຄົນທີ່ໄດ້ຮັບເງິນແລະເຄື່ອງຊ່ວຍເຫຼືອ,ໄດ້ຕິດຕາມກວດກາເງິນທຶນແລະເຄື່ອງຊ່ວຍເຫຼືອທີ່ເປັນງົບປະມານກູ້ໄພຂອງລັດແລະການບໍລິຈາກຂອງສັງຄົມ.

ສຳລັບບັນຫາລະເມີດກົດລະບຽບ36ລາຍເຊັ່ນມອບເງິນບໍ່ທັນການ,ເອົາເງິນກູ້ໄພໄປໃຊ້ໃນທາງອື່ນແລະພະນັກງານຂັ້ນຮາກຖານບາງຄົນສວຍໂອກາດແຈກຈາຍເງິນໃຫ້ຍາດຕິພີ່ນ້ອງແລະໝູ່ເພື່ອນນັ້ນ,ພາກສ່ວນທີ່ກ່ຽວຂ້ອງໄດ້ກວດກາແລະລົງໂທດຜູ່ກ່ຽວແລ້ວ.ປັດຈຸບັນ,ສຳລັບເງິນແລະເຄື່ອງຊ່ວຍເຫຼືອທີ່ມອບບໍ່ທັນການແລະຖືກຍຶດໄປໃຊ້ໃນທາງອື່ນນັ້ນລ້ວນແຕ່ໄດ້ທວງເອົາຄືນໝົດແລ້ວ,ແລະໄດ້ລົງໂທດຜູ່ຮັບຜິດຊອບ21ຄົນຕາມກົດລະບຽບພັກແລະລັດ.

ຂ່າວ-ບົດທີ່ກ່ຽວຂ້ອງ

ຄຳເຫັນ