ບົດລາຍງານຂອງADBຮັກສາການຄາດຄະເນເສດຖະກິດຈີນເຕີບໂຕ10%ໃນປີນີ້
-----------------------------------------------------------------------------------------------------------------
ຕາມຂ່າວcri:ໃນບົດລາຍງານສະບັບໜຶ່ງທີ່ເຜີຍແຜ່ໃນວັນທີ16 ກັນຍານີ້,ທະນາຄານພັດທະນາອາຊີຫຼືADBຍັງຮັກສາການຄາດຄະເນເສດຖະກິດຈີນເຕີບໂຕ10%ໃນປີນີ້ກ່ອນຫຼາຍເດືອນ.ບົດລາຍງານສະບັບນີ້ກ່າວວ່າ,ຕົ້ນທຶນຜະລິດທີ່ເພີ່ມຂຶ້ນຢ່າງບໍ່ຢຸດຢັ້ງແລະຄວາມຕ້ອງການຂອງພາຍນອກທີ່ຫຼຸດລົງຢ່າງຕໍ່ເນື່ອງຈະເຮັດໃຫ້ການຂາອອກຂອງຈີນຊ້າລົງຕື່ມອີກໃນໄລຍະໜຶ່ງຕໍ່ໜ້າ.
ລາຄາຂອງນ້ຳມັນດິບແລະສິ້ນຄ້າສ່ວນຫຼາຍສູງຂຶ້ນຈະເຮັດໃຫ້ມູນຄ່ານຳເຂົ້າຂອງຈີນຍົກສູງຂຶ້ນ.ໃນຂະນະດຽວກັນ,ລາຍໄດ້ຂອງປະຊາຊົນໃນເມືອງສືບຕໍ່ເພີ່ມຂຶ້ນ,ງົບປະມານຂອງລັດທີ່ໃຊ້ໃນການສຶກສາ,ສາທາລະນະສຸກແລະການປະກັນສັງຄົມເພີ່ມຂຶ້ນຢ່າງບໍ່ຢຸດຢັ້ງ,ຈະພາໃຫ້ການບໍລິໂພກພາຍໃນປະເທດຈີນເຕີບໂຕ.ຍ້ອນປັດໄຈດັ່ງກ່າວ,ທະນາຄາພັດທະນາອາຊີຊຶ່ງຍັງຮັກສາການຄາດຄະເນການເຕີບໂຕຂອງເສດຖະກິດຈີນໃນປີນີ້ໄວ້ຄືເກົ່າ.
ໃນຂະນະດຽວກັນ,ບົດລາຍງານສະບັບນີ້ຄາດຄະເນລາຄາບໍລິໂພກຂອງປະຊາຊົນຈີນໃນປີນີ້ຈາກ5,5%ໃຫ້ສູງຂຶ້ນຮອດ7%,ສາເຫດແມ່ນລາຄາສິນຄ້າໃນ6ເດືອນຕົ້ນປີນີ້ເພີ່ມສູງຂຶ້ນຫຼາຍ.
