ທ່ານຈ່າງອີ້ໂມວ ຜູ້ກຳກັບການສະແດງໃຫຍ່ຂອງພິທີໄຂແລະພິທີອັດງານກິລາໂອລິມປິກປັກກິ່ງ
(GMT+08:00) 2008-10-01 19:30:03 cri
-----------------------------------------------------------------------------------------------------------------
-----------------------------------------------------------------------------------------------------------------
ງານໂອລິມປິກປັກກິ່ງໄດ້ສິ້ນສຸດລົງຢ່າງຈົບງາມແລ້ວ, ບໍ່ວ່າພິທີໄຂທີ່ຍິ່ງໃຫຍ່ອະລັງການໃນວັນທີ 8 ສິງຫາ, ຫຼືວ່າພິທີອັດທີ່ສະຫງ່າສວຍງາມໃນວັນທີ 24 ສິງຫາ, ລ້ວນແຕ່ໄດ້ສ້າງພາບປະທັບໃຈອັນເລິກເຊິ່ງໄວ້ໃຫ້ຄົນທັງຫຼາຍ. ຜູ້ກຳກັບການສະແດງໃຫຍ່ຂອງພິທີໄຂແລະພິທີອັດງານກໍ່ແມ່ນທ່ານຈ່າງອີ້ໂມວທີ່ມີຊື່ສຽງຂອງຈີນ. ຕໍ່ໄປ, ພວກເຮົາຈະແນະນຳທ່ານຈ່າງອີ້ໂມວສູ່ທ່ານຟັງ.
ວັນທີ 8 ສິງຫານີ້, ພິທີໄຂງານໂອລິມປິກປັກກິ່ງທີ່ທ່ານຈ່າງອີ້ໂມວອອກແບບແລະຊີ້ນຳນັ້ນໄດ້ສະເທືອນໃຈຄົນທົ່ວໂລກດ້ວຍຄຳທີ່ວ່າ"ປອງດອງກັນ ເປັນຍອດດີ". ທ່ານຊາກ ຣົກເກ ປະທານຄະນະກຳມະການໂອລິມປິກສາກົນກ່າວວ່າ:"ຫຼາຍໆຄົນເຫັນວ່າ, ນີ້ແມ່ນພິທີໄຂງານທີ່ງາມກວ່າໝູ່ໃນປະຫວັດໂອລິມປິກ".
ທ່ານຈ່າງອີ້ໂມວ ປີນີ້ອາຍຸ 57 ປີ, ຮຽນຈົບຈາກຂະແໜງວິຊາຖ່າຍຮູບຂອງສະຖາບັນຮູບເງົາປັກກິ່ງເມື່ອປີ 1982. ປີ 1985, ຮູບເງົາເລື່ອງ"ຮວງຖູຕີ້"ແປວ່າ"ດິນເຫຼືອງ"ທີ່ທ່ານຈ່າງອີ້ໂມວເປັນຜູ້ຖ່າຍທຳນັ້ນໄດ້ຮັບລາງວັນໃຫຍ່ຂອງງານມະໂຫລານຮູບເງົາສາກົນ 3 ລາຍການຊຶ່ງລວມທັງງານມະໂຫລານຮູບເງົາສາກົນຮາວາຍ.
ພາຍຫຼັງຖ່າຍທຳຮູບເງົາເລື່ອງ"ດິນເຫຼືອງ"ສຳເລັດແລ້ວ, ທ່ານຈ່າງອີ້ໂມວໄດ້ປ່ຽນອາຊີບຈາກຜູ້ຖ່າຍທຳມາເປັນຜູ້ກຳກັບການສະແດງ. ປີ 1987, ຮູບເງົາເລື່ອງທຳອິດທີ່ທ່ານຈ່າງອີ້ໂມວເປັນຜູ້ກຳກັບການສະແດງມີຊື່ວ່າ"ຫົງກ່າວຫຼຽງ"ແປວ່າ"ເຂົ້າຝ້າງແດງ"ໄດ້ຮັບລາງວັນໝີຄຳໃນງານມະໂຫລານຮູບເງົາແບກແລງ. ປີ 1990, ຮູບເງົາເລື່ອງ"ຈູໂຕ້ວ"ທີ່ທ່ານຈ່າງອີ້ໂມວກຳກັບການສະແດງນັ້ນໄດ້ຮັບສິດເຂົ້າຮ່ວມການແຂ່ງຂັນຊິງລາງວັນອົສກາ, ນີ້ແມ່ນຮູບເງົາຈີນເຂົ້າຮ່ວມການແຂ່ງຂັນເອົາລາງວັນອົສກາຮູບເງົາພາສາຕ່າງປະເທດເທື່ອທຳອິດ. ຫຼັງຈາກນັ້ນ, ຮູບເງົາຕ່າງໆທີ່ທ່ານຈ່າງອີ້ໂມວກຳກັບການສະແດງນັ້ນລ້ວນແຕ່ໄດ້ຮັບລາງວັນໃນງານມະໂຫລານຮູບເງົາສາກົນ. ເມື່ອເຂົ້າສູ່ສະຕະວັດທີ 21, ທ່ານຈ່າງອີ້ໂມວໄດ້ຖ່າຍຮູບເງົາບູຮານຕ່າງໆຄືເລື່ອງ"yingxiong" ວິລະຊົນເປັນຕົ້ນ. ນອກຈາກຮູບເງົາແລ້ວ, ທ່ານຈ່າງອີ້ໂມວຍັງໄດ້ກຳກັບການສະແດງລະຄອນໂອເປລາທີ່ມີຊື່ສຽງຂອງໂລກທີ່ຊື່ວ່າ"ຕູລານໂດ", ແລະການສະແດງລະຄອນຟ້ອນບາເລ, ການສະແດງພາບທີວທັດທຳມະຊາດຕົວຈິງຂະໜາດໃຫຍ່ເປັນຕົ້ນ. ບໍ່ວ່າຈະເປັນຮູບການສິລະປະແບບໃດ, ຜົນງານຂອງທ່ານຈ່າງອີ້ໂມວລ້ວນແຕ່ເຮັດໃຫ້ຜູ້ຊົມມີຄວາມຮູ້ສຶກຄືໄດ້ສຳຜັດກັບຕົວຈິງ, ແລະສາມາດເຂົ້າໃຈຊາບຊຶມຢ່າງເລິກເຊິ່ງເຖິງວັດທະນະທຳຂອງຈີນ.
ປີ 2006, ທ່ານຈ່າງອີ້ໂມວໄດ້ພົ້ນເດັ່ນອອກໃນບຸກຄົນຜູ້ມີຊື່ສຽງດ້ານວັດທະນະທຳທີ່ເຂົ້າຮ່ວມການປະມູນພິທີໄຂງານໂອລິມປິກ, ໄດ້ມີໂອກາດເປັນຜູ້ກຳກັບການສະແດງໃນພິທີໄຂງານແລະອັດງານໂອລິມປິກປັກກິ່ງ 2008.
ເມື່ອໄດ້ຮັບຜິດຊອບກຳກັບລາຍການສຳຄັນດັ່ງກ່າວແລ້ວ, ທ່ານຈ່າງອີ້ໂມວກ່າວຢ່າງກົງໄປກົງມາວ່າມີຄວາມກົດດັນຫຼາຍທີ່ສຸດ. ທ່ານກ່າວວ່າ:
"ນັບແຕ່ໄດ້ຮັບມອບໝາຍມານີ້, ຂ້າພະເຈົ້າກໍ່ຮູ້ວ່າແມ່ນວຽກທີ່ໜັກໜ່ວງແລະສຳຄັນຫຼາຍ. ເລີ່ມແຕ່ປັກກິ່ງຮ້ອງຂໍເປັນເຈົ້າພາບຈັດງານໂອລິມປິກເປັນຕົ້ນມາ, ອາດເວົ້າໄດ້ວ່າຂ້າພະເຈົ້າແມ່ນອາວຸໂສຜູ້ໜຶ່ງໃນກິດຈະກຳງານໂອລິມປິກປັກກິ່ງ, ເມື່ອ 7 ປີກ່ອນ, ຂ້າພະເຈົ້າໄດ້ເລີ່ມຖ່າຍທຳຟິມເພື່ອຮ້ອງຂໍເປັນເຈົ້າພາບຈັດງານໂອລິມປິກ, ຕໍ່ມາໄດ້ກຳກັບການສະແດງ 8 ນາທີຂອງຈີນໃນງານໂອລິມປິກອາແຕນ, ແລະກິດຈະກຳຕ່າງໆ. ນັບແຕ່ຂ້າພະເຈົ້າເລີ່ມເຂົ້າຮ່ວມໃນທິມງານນີ້, ແລະເລີ່ມເຮັດວຽກເປັນຜູ້ກຳກັບການສະແດງພິທີໄຂງານໂອລິມປິກຢ່າງແທ້ຈິງເປັນຕົ້ນມາ, ຂ້າພະເຈົ້າຈຶ່ງຮູ້ວ່າ, ຄວາມຮັບຜິດຊອບແລະຄວາມກົດດັນນັ້ນໜັກກວ່າທີ່ຂ້າພະເຈົ້າຄິດໄວ້, ຄວາມຫຍຸ້ງຍາກນາໆປະການເກືອບວ່າບໍ່ສາມາດຈະຜ່ານຜ່າໄດ້."
ເພື່ອຈັດພິທີໄຂງານໂອລິມປິກປັກກິ່ງ, ຈີນໄດ້ເຊື້ອເຊີນຜູ້ຊ່ຽວຊານແລະສາສະດາຈານຈາກທົ່ວໂລກ, ພວກເພິ່ນໄດ້ປະຊຸມຮ່ວມກັນພັນກວ່າເທື່ອ. ຈ່າງອີ້ໂມວໄດ້ພົ້ນເດັ່ນຫຼາຍໃນການເປັນຄົນຈັດຕັ້ງປະສານງານເສີມຂະຫຍາຍຄວາມສາມາດແລະຈຸດດີຈຸດເດັ່ນຂອງທຸກຄົນໃນທິມງານ.
ທ່ານເສີນສີກ່າງ ຜູ້ອອກແບບດົນຕີໃນພິທີໄຂແລະອັດງານກ່າວວ່າ:
"ທິມງານຂອງທ່ານຈ່າງອີ້ເໝົາມາຈາກແຫ່ງຕ່າງໆຂອງໂລກ, ແຕ່ລະຄົນກໍ່ເວົ້າໄດ້ວ່າແມ່ນຜູ້ມີຊື່ສຽງລະດັບໂລກ, ການຄຸ້ມຄອງແມ່ນຫຍຸ້ງຍາກຫຼາຍ. ຂ້າພະເຈົ້າຮູ້ສຶກວ່າ, ໃນທິມງານເຮົານີ້ມີທ່ານຈ່າງອີ້ໂມວເປັນຜູ້ກຳກັບການສະແດງ, ແມ່ນໂຊກດີຫຼາຍ, ເພາະວ່າລາວແມ່ນຄົນບໍລິສຸດຍຸດຕິທຳແທ້ໆ, ທຸກສິ່ງທຸກຢ່າງໄດ້ຕັດສິນໃຈຮ່ວມກັນໂດຍອີງໃສ່ມາດຕະຖານດ້ານສິລະປະ, ເຮັດໃຫ້ຜົນງານອອກມາດີທີ່ສຸດແມ່ນສຳຄັນກວ່າສິ່ງອື່ນໃດ, ລາວຍັງເປັນຄົນທີ່ມີທັງຄວາມເອົາຈິງເອົາຈັງ, ສຸຂຸມ, ແລະນິ້ມນວນຢູ່ໃນຕົວຂອງຄົນຜູ້ດຽວ, ສິ່ງໃດທີ່ຕ້ອງຍຶດໝັ້ນກໍ່ຕ້ອງຍຶດໝັ້ນ, ສິ່ງໃດທີ່ຄວນປັບປຸງປ່ຽນແປງກໍ່ຕ້ອງເຮັດ."
ທ່ານຈ່າງອີ້ໂມວກ່າວວ່າ, ທ່ານໃຫ້ 100 ຄະແນນແກ່ທິມງານຂອງຕົນ. ໃນເວລາກ່າວເຖິງມ້ວນຮູບແຕ້ມພູຜາແມ່ນ້ຳຂອງຈີນແຜ່ນໃຫຍ່ທີ່ສອດຮ້ອຍແຕ່ຕົ້ນຈົນຈົບໃນພິທີໄຂງານ, ທ່ານຈ່າງອີ້ໂມວຍ້ອງວ່າມັນແມ່ນຜົນງານທີ່ດີເດັ່ນຂອງທິມງານ. ໃນມ້ວນຮູບແຕ້ມດັ່ງກ່າວ, ມີຮອຍຕີນໜຶ່ນກວ່າຮອຍຂອງ 204 ສະມາຊິກຄອບຄົວໃຫຍ່ຂອງໂອລິມປິກໄດ້ຢຽບເປັນສາຍຮຸງແລະແຜ່ນດິນທີ່ລວດລາຍງາມຕາ. ທ່ານຈ່າງອີ້ໂມວກ່າວວ່າ,
"ສິລະປະການສະແດງດັ່ງກ່າວນີ້, ໄດ້ສະທ້ອນໃຫ້ເຫັນທັດສະນະຄະຕິທີ່ວ່າ"ໂລກດຽວກັນ, ຄວາມຝັນດຽວກັນ"ນັ້ນໂດຍກົງແລະເຂົ້າໃຈງ່າຍ. ຂ້າພະເຈົ້າເຫັນວ່າ, ມັນແມ່ນສິ່ງປະເສີດທີ່ລໍ້າຄ່າ, ນອກຈາກງານໂອລິມປິກແລ້ວ, ກໍ່ບໍ່ມີງານໃດທີ່ຈະສາມາດເຕົ້າໂຮມຊາວໜຸ່ມທີ່ດີເລີດກວ່າໝູ່ໃນ 204 ປະເທດແລະເຂດແຄວ້ນຂອງໂລກຮ່ວມກັນຊ່ວຍເຈົ້າເຮັດເລື່ອງນີ້. ຖ້າໃຫ້ຂ້າພະເຈົ້າຕັ້ງຊື່ໃຫ້ຮູບພາບແຜ່ນນັ້ນ, ຂ້າພະເຈົ້າຈະໃຫ້ຊື່ວ່າ"ບ້ານຂອງພວກເຮົາ", ເພາະວ່າມັນແມ່ນພວກເຮົາຮ່ວມກັບນັກກິລາຂອງໂລກສຳເລັດພ້ອມກັນ."
ໃນຂະນະທີ່ຄົນທັງຫຼາຍຍັງຮູ້ສຶກປະທັບໃຈກັບຄວາມຍິ່ງໃຫຍ່ອະລັງການຂອງພິທີໄຂຢູ່ນັ້ນ, ທ່ານຈ່າງອີ້ໂມວແລະທິມງານຂອງທ່ານກໍ່ໄດ້ເພີ່ມຄວາມປະທັບໃຈໃຫ້ມວນຊົນດ້ວຍພິທີອັດທີ່ສວຍສົດງົດງາມໃນຄືນວັນທີ 24 ສິງຫາ.
ທ່ານຈ່າງອີ້ໂມວກ່າວວ່າ, ເພື່ອງານໂອລິມປິກປັກກິ່ງ, ມີສອງປີເຕັມໆທີ່ທ່ານບໍ່ໄດ້ພົວພັນກັບຮູບເງົາ. ຫຼັງຈາກແລ້ວງານໂອລິມປິກແລ້ວ, ທ່ານຍັງຈະສືບຕໍ່ຖ່າຍທຳຮູບເງົາຕໍ່ໄປ.%
ວັນທີ 8 ສິງຫານີ້, ພິທີໄຂງານໂອລິມປິກປັກກິ່ງທີ່ທ່ານຈ່າງອີ້ໂມວອອກແບບແລະຊີ້ນຳນັ້ນໄດ້ສະເທືອນໃຈຄົນທົ່ວໂລກດ້ວຍຄຳທີ່ວ່າ"ປອງດອງກັນ ເປັນຍອດດີ". ທ່ານຊາກ ຣົກເກ ປະທານຄະນະກຳມະການໂອລິມປິກສາກົນກ່າວວ່າ:"ຫຼາຍໆຄົນເຫັນວ່າ, ນີ້ແມ່ນພິທີໄຂງານທີ່ງາມກວ່າໝູ່ໃນປະຫວັດໂອລິມປິກ".
ທ່ານຈ່າງອີ້ໂມວ ປີນີ້ອາຍຸ 57 ປີ, ຮຽນຈົບຈາກຂະແໜງວິຊາຖ່າຍຮູບຂອງສະຖາບັນຮູບເງົາປັກກິ່ງເມື່ອປີ 1982. ປີ 1985, ຮູບເງົາເລື່ອງ"ຮວງຖູຕີ້"ແປວ່າ"ດິນເຫຼືອງ"ທີ່ທ່ານຈ່າງອີ້ໂມວເປັນຜູ້ຖ່າຍທຳນັ້ນໄດ້ຮັບລາງວັນໃຫຍ່ຂອງງານມະໂຫລານຮູບເງົາສາກົນ 3 ລາຍການຊຶ່ງລວມທັງງານມະໂຫລານຮູບເງົາສາກົນຮາວາຍ.
ພາຍຫຼັງຖ່າຍທຳຮູບເງົາເລື່ອງ"ດິນເຫຼືອງ"ສຳເລັດແລ້ວ, ທ່ານຈ່າງອີ້ໂມວໄດ້ປ່ຽນອາຊີບຈາກຜູ້ຖ່າຍທຳມາເປັນຜູ້ກຳກັບການສະແດງ. ປີ 1987, ຮູບເງົາເລື່ອງທຳອິດທີ່ທ່ານຈ່າງອີ້ໂມວເປັນຜູ້ກຳກັບການສະແດງມີຊື່ວ່າ"ຫົງກ່າວຫຼຽງ"ແປວ່າ"ເຂົ້າຝ້າງແດງ"ໄດ້ຮັບລາງວັນໝີຄຳໃນງານມະໂຫລານຮູບເງົາແບກແລງ. ປີ 1990, ຮູບເງົາເລື່ອງ"ຈູໂຕ້ວ"ທີ່ທ່ານຈ່າງອີ້ໂມວກຳກັບການສະແດງນັ້ນໄດ້ຮັບສິດເຂົ້າຮ່ວມການແຂ່ງຂັນຊິງລາງວັນອົສກາ, ນີ້ແມ່ນຮູບເງົາຈີນເຂົ້າຮ່ວມການແຂ່ງຂັນເອົາລາງວັນອົສກາຮູບເງົາພາສາຕ່າງປະເທດເທື່ອທຳອິດ. ຫຼັງຈາກນັ້ນ, ຮູບເງົາຕ່າງໆທີ່ທ່ານຈ່າງອີ້ໂມວກຳກັບການສະແດງນັ້ນລ້ວນແຕ່ໄດ້ຮັບລາງວັນໃນງານມະໂຫລານຮູບເງົາສາກົນ. ເມື່ອເຂົ້າສູ່ສະຕະວັດທີ 21, ທ່ານຈ່າງອີ້ໂມວໄດ້ຖ່າຍຮູບເງົາບູຮານຕ່າງໆຄືເລື່ອງ"yingxiong" ວິລະຊົນເປັນຕົ້ນ. ນອກຈາກຮູບເງົາແລ້ວ, ທ່ານຈ່າງອີ້ໂມວຍັງໄດ້ກຳກັບການສະແດງລະຄອນໂອເປລາທີ່ມີຊື່ສຽງຂອງໂລກທີ່ຊື່ວ່າ"ຕູລານໂດ", ແລະການສະແດງລະຄອນຟ້ອນບາເລ, ການສະແດງພາບທີວທັດທຳມະຊາດຕົວຈິງຂະໜາດໃຫຍ່ເປັນຕົ້ນ. ບໍ່ວ່າຈະເປັນຮູບການສິລະປະແບບໃດ, ຜົນງານຂອງທ່ານຈ່າງອີ້ໂມວລ້ວນແຕ່ເຮັດໃຫ້ຜູ້ຊົມມີຄວາມຮູ້ສຶກຄືໄດ້ສຳຜັດກັບຕົວຈິງ, ແລະສາມາດເຂົ້າໃຈຊາບຊຶມຢ່າງເລິກເຊິ່ງເຖິງວັດທະນະທຳຂອງຈີນ.
ປີ 2006, ທ່ານຈ່າງອີ້ໂມວໄດ້ພົ້ນເດັ່ນອອກໃນບຸກຄົນຜູ້ມີຊື່ສຽງດ້ານວັດທະນະທຳທີ່ເຂົ້າຮ່ວມການປະມູນພິທີໄຂງານໂອລິມປິກ, ໄດ້ມີໂອກາດເປັນຜູ້ກຳກັບການສະແດງໃນພິທີໄຂງານແລະອັດງານໂອລິມປິກປັກກິ່ງ 2008.
ເມື່ອໄດ້ຮັບຜິດຊອບກຳກັບລາຍການສຳຄັນດັ່ງກ່າວແລ້ວ, ທ່ານຈ່າງອີ້ໂມວກ່າວຢ່າງກົງໄປກົງມາວ່າມີຄວາມກົດດັນຫຼາຍທີ່ສຸດ. ທ່ານກ່າວວ່າ:
"ນັບແຕ່ໄດ້ຮັບມອບໝາຍມານີ້, ຂ້າພະເຈົ້າກໍ່ຮູ້ວ່າແມ່ນວຽກທີ່ໜັກໜ່ວງແລະສຳຄັນຫຼາຍ. ເລີ່ມແຕ່ປັກກິ່ງຮ້ອງຂໍເປັນເຈົ້າພາບຈັດງານໂອລິມປິກເປັນຕົ້ນມາ, ອາດເວົ້າໄດ້ວ່າຂ້າພະເຈົ້າແມ່ນອາວຸໂສຜູ້ໜຶ່ງໃນກິດຈະກຳງານໂອລິມປິກປັກກິ່ງ, ເມື່ອ 7 ປີກ່ອນ, ຂ້າພະເຈົ້າໄດ້ເລີ່ມຖ່າຍທຳຟິມເພື່ອຮ້ອງຂໍເປັນເຈົ້າພາບຈັດງານໂອລິມປິກ, ຕໍ່ມາໄດ້ກຳກັບການສະແດງ 8 ນາທີຂອງຈີນໃນງານໂອລິມປິກອາແຕນ, ແລະກິດຈະກຳຕ່າງໆ. ນັບແຕ່ຂ້າພະເຈົ້າເລີ່ມເຂົ້າຮ່ວມໃນທິມງານນີ້, ແລະເລີ່ມເຮັດວຽກເປັນຜູ້ກຳກັບການສະແດງພິທີໄຂງານໂອລິມປິກຢ່າງແທ້ຈິງເປັນຕົ້ນມາ, ຂ້າພະເຈົ້າຈຶ່ງຮູ້ວ່າ, ຄວາມຮັບຜິດຊອບແລະຄວາມກົດດັນນັ້ນໜັກກວ່າທີ່ຂ້າພະເຈົ້າຄິດໄວ້, ຄວາມຫຍຸ້ງຍາກນາໆປະການເກືອບວ່າບໍ່ສາມາດຈະຜ່ານຜ່າໄດ້."
ເພື່ອຈັດພິທີໄຂງານໂອລິມປິກປັກກິ່ງ, ຈີນໄດ້ເຊື້ອເຊີນຜູ້ຊ່ຽວຊານແລະສາສະດາຈານຈາກທົ່ວໂລກ, ພວກເພິ່ນໄດ້ປະຊຸມຮ່ວມກັນພັນກວ່າເທື່ອ. ຈ່າງອີ້ໂມວໄດ້ພົ້ນເດັ່ນຫຼາຍໃນການເປັນຄົນຈັດຕັ້ງປະສານງານເສີມຂະຫຍາຍຄວາມສາມາດແລະຈຸດດີຈຸດເດັ່ນຂອງທຸກຄົນໃນທິມງານ.
ທ່ານເສີນສີກ່າງ ຜູ້ອອກແບບດົນຕີໃນພິທີໄຂແລະອັດງານກ່າວວ່າ:
"ທິມງານຂອງທ່ານຈ່າງອີ້ເໝົາມາຈາກແຫ່ງຕ່າງໆຂອງໂລກ, ແຕ່ລະຄົນກໍ່ເວົ້າໄດ້ວ່າແມ່ນຜູ້ມີຊື່ສຽງລະດັບໂລກ, ການຄຸ້ມຄອງແມ່ນຫຍຸ້ງຍາກຫຼາຍ. ຂ້າພະເຈົ້າຮູ້ສຶກວ່າ, ໃນທິມງານເຮົານີ້ມີທ່ານຈ່າງອີ້ໂມວເປັນຜູ້ກຳກັບການສະແດງ, ແມ່ນໂຊກດີຫຼາຍ, ເພາະວ່າລາວແມ່ນຄົນບໍລິສຸດຍຸດຕິທຳແທ້ໆ, ທຸກສິ່ງທຸກຢ່າງໄດ້ຕັດສິນໃຈຮ່ວມກັນໂດຍອີງໃສ່ມາດຕະຖານດ້ານສິລະປະ, ເຮັດໃຫ້ຜົນງານອອກມາດີທີ່ສຸດແມ່ນສຳຄັນກວ່າສິ່ງອື່ນໃດ, ລາວຍັງເປັນຄົນທີ່ມີທັງຄວາມເອົາຈິງເອົາຈັງ, ສຸຂຸມ, ແລະນິ້ມນວນຢູ່ໃນຕົວຂອງຄົນຜູ້ດຽວ, ສິ່ງໃດທີ່ຕ້ອງຍຶດໝັ້ນກໍ່ຕ້ອງຍຶດໝັ້ນ, ສິ່ງໃດທີ່ຄວນປັບປຸງປ່ຽນແປງກໍ່ຕ້ອງເຮັດ."
ທ່ານຈ່າງອີ້ໂມວກ່າວວ່າ, ທ່ານໃຫ້ 100 ຄະແນນແກ່ທິມງານຂອງຕົນ. ໃນເວລາກ່າວເຖິງມ້ວນຮູບແຕ້ມພູຜາແມ່ນ້ຳຂອງຈີນແຜ່ນໃຫຍ່ທີ່ສອດຮ້ອຍແຕ່ຕົ້ນຈົນຈົບໃນພິທີໄຂງານ, ທ່ານຈ່າງອີ້ໂມວຍ້ອງວ່າມັນແມ່ນຜົນງານທີ່ດີເດັ່ນຂອງທິມງານ. ໃນມ້ວນຮູບແຕ້ມດັ່ງກ່າວ, ມີຮອຍຕີນໜຶ່ນກວ່າຮອຍຂອງ 204 ສະມາຊິກຄອບຄົວໃຫຍ່ຂອງໂອລິມປິກໄດ້ຢຽບເປັນສາຍຮຸງແລະແຜ່ນດິນທີ່ລວດລາຍງາມຕາ. ທ່ານຈ່າງອີ້ໂມວກ່າວວ່າ,
"ສິລະປະການສະແດງດັ່ງກ່າວນີ້, ໄດ້ສະທ້ອນໃຫ້ເຫັນທັດສະນະຄະຕິທີ່ວ່າ"ໂລກດຽວກັນ, ຄວາມຝັນດຽວກັນ"ນັ້ນໂດຍກົງແລະເຂົ້າໃຈງ່າຍ. ຂ້າພະເຈົ້າເຫັນວ່າ, ມັນແມ່ນສິ່ງປະເສີດທີ່ລໍ້າຄ່າ, ນອກຈາກງານໂອລິມປິກແລ້ວ, ກໍ່ບໍ່ມີງານໃດທີ່ຈະສາມາດເຕົ້າໂຮມຊາວໜຸ່ມທີ່ດີເລີດກວ່າໝູ່ໃນ 204 ປະເທດແລະເຂດແຄວ້ນຂອງໂລກຮ່ວມກັນຊ່ວຍເຈົ້າເຮັດເລື່ອງນີ້. ຖ້າໃຫ້ຂ້າພະເຈົ້າຕັ້ງຊື່ໃຫ້ຮູບພາບແຜ່ນນັ້ນ, ຂ້າພະເຈົ້າຈະໃຫ້ຊື່ວ່າ"ບ້ານຂອງພວກເຮົາ", ເພາະວ່າມັນແມ່ນພວກເຮົາຮ່ວມກັບນັກກິລາຂອງໂລກສຳເລັດພ້ອມກັນ."
ໃນຂະນະທີ່ຄົນທັງຫຼາຍຍັງຮູ້ສຶກປະທັບໃຈກັບຄວາມຍິ່ງໃຫຍ່ອະລັງການຂອງພິທີໄຂຢູ່ນັ້ນ, ທ່ານຈ່າງອີ້ໂມວແລະທິມງານຂອງທ່ານກໍ່ໄດ້ເພີ່ມຄວາມປະທັບໃຈໃຫ້ມວນຊົນດ້ວຍພິທີອັດທີ່ສວຍສົດງົດງາມໃນຄືນວັນທີ 24 ສິງຫາ.
ທ່ານຈ່າງອີ້ໂມວກ່າວວ່າ, ເພື່ອງານໂອລິມປິກປັກກິ່ງ, ມີສອງປີເຕັມໆທີ່ທ່ານບໍ່ໄດ້ພົວພັນກັບຮູບເງົາ. ຫຼັງຈາກແລ້ວງານໂອລິມປິກແລ້ວ, ທ່ານຍັງຈະສືບຕໍ່ຖ່າຍທຳຮູບເງົາຕໍ່ໄປ.%
ຂ່າວ-ບົດທີ່ກ່ຽວຂ້ອງ
ຄຳເຫັນ
