ກອງປະຊຸມແລະງານວາງສະແດງເຕັກນິກຊີວະຊາດສາກົນຄັ້ງທີ13ຈັດຂຶ້ນຢູ່ເມືອງຕ້າລຽນ
-----------------------------------------------------------------------------------------------------------------
ຕາມຂ່າວສານຊິນຮວາ: ວັນທີ13 ຕຸລານີ້, ກອງປະຊຸມ ແລະ ງານວາງສະແດງເຕັກນິກຊີວະຊາດສາກົນຄັ້ງທີ13ໄດ້ຈັດຂຶ້ນຢູ່ເມືອງຕ້າລຽນ ຕົວເມືອງພາກຕາເວັນອອກສຽງເໜືອຂອງຈີນ, ຜູ່ຊ່ຽວຊານ ແລະ ນັກປາດທີ່ມີຊື່ສຽງໃນຂົງເຂດເຕັກນິກຊີວະຊາດທີ່ມາຈາກ80ກວ່າປະເທດ ແລະ ເຂດແຄວ້ນ ເຊິ່ງລວມທັງຜູ່ໄດ້ຮັບລາງວັນໂນແບນສອງທ່ານໄດ້ເຂົ້າຮ່ວມກອງປະຊຸມດັ່ງກ່າວ.
ກອງປະຊຸມຄັ້ງນີ້ແມ່ນສະພາບັນດິດວິທະຍາສາດຈີນ ແລະ ສະພາບັນດິດວິສະວະກຳຮ່ວມກັນຈັດຂຶ້ນ, ຫົວຂໍ້ຫຼັກແມ່ນ"ເຕັກນິກຊີວະຊາດເພື່ອການພັດທະນາແບບຍືນຍົງຂອງສັງຄົມມະນຸດ". ເນື້ອໃນກອງປະຊຸມກ່ຽວພັນກັບການຄົ້ນຄວ້າພື້ນຖານເຕັກນິກຊີວະຊາດ ແລະ ການພັດທະນາເຕັກນິກປະຍຸກເປັນຕົ້ນ.
ກອງປະຊຸມເຕັກນິກຊີວະຊາດສາກົນແມ່ນລິເລິ່ມຈັດຂຶ້ນໂດຍສະມາຄົມເຄມີສຸດທິ ແລະ ເຄມີປະຍຸກສາກົນໃນປີ1960,ແມ່ນກອງປະຊຸມເຕັກນິກຊີວະຊາດທີ່ມີລະດັບວິຊາການສູງສຸດ ແລະ ມີຊື່ສຽງອິດທິພົນສັງຄົມຫຼາຍກວ່າໝູ່ໃນທົ່ວໂລກໃນປັດຈຸບັນ.
