ຜູ່ເຂົ້າຮ່ວມງານຕະຫຼາດຊື້ຂາຍຜະລິດຕະພັນກະສິກຳສາກົນຈີນເອົາໃຈໃສ່ນຳຄວາມປອດໄພຂອງອາຫານ
-----------------------------------------------------------------------------------------------------------------
ຕາມຂ່າວສານຊິນຮວາ: ໃນງານຕະຫຼາດຊື້ຂາຍຜະລິດຕະພັນກະສິກຳສາກົນຈີນຄັ້ງທີ6ທີ່ໄຂຂຶ້ນໃນວັນທີ16 ຕຸລານີ້, ວິສາຫະກິດ ແລະ ເຈົ້າໜ້າທີ່ຕ່າງໆທີ່ເຂົ້າຮ່ວມການວາງສະແດງເປັນເອກະສັນກັນກ່າວວ່າ, ຄວນເພິ່ມທະວີການຕິດຕາມກວດກາຄຸນນະພາບຂອງອາຫານຕື່ມອີກ, ຮັບປະກັນຄວາມປອດໄພຂອງອາຫານ,ສ້າງສະພາບແວດລ້ອມບໍລິໂພກທີ່ປອດໄພ ແລະ ເຊື່ອໃຈໄດ້ໃຫ້ແກ່ຜູ່ບໍລິໂພກ.
ໃນພິທີໄຂງານ, ທ່ານຮຸຍລຽງອີ້ ຮອງນາຍົກລັດຖະມົນຕີຈີນກ່າວເນັ້ນວ່າ, ຕ້ອງເພິ່ມກຳລັງເຮັດໃຫ້ກະສິກຳຫັນເປັນມາດຖານ ແລະ ເພິ່ມທະວີວຽກງານກ່ຽວກັບຄວາມປອດໄພ ແລະ ຄຸນນະພາບຂອງອາຫານຢ່າງແທ້ຈິງ, ຕິດຕາມຄວບຄຸມຢ່າງເຂັ້ມງວດ, ຕັ້ງໃຈຈັດຕັ້ງປະຕິບັດໜ້າທີ່ຕິດຕາມກວດກາຄຸນນະພາບ ແລະ ຄວາມປອດໄພຂອງອາຫານ, ເດັດດ່ຽວບໍ່ອະນຸມັດໃຫ້ຜະລິດຕະພັນທີ່ບໍ່ໄດ້ຕາມມາດຖານນັ້ນເຂົ້າສູ່ຕະຫຼາດ, ແລະຍົກຄຸນນະພາບ ແລະ ຄວາມປອດໄພຂອງຜະລິດຕະພັນກະສິກຳຈີນໃຫ້ສູງເຖິງລະດັບໃໝ່.
ທ່ານຮັກ ແດວິດ ຜູ່ຮັບຜິດຊອບພະແນກໜຶ່ງຂອງໂປເຕັກ ເຊິ່ງເປັນບໍລິສັດຜະລິດເຄື່ອງຈັກກະສິກຳອັງກິດກ່າວວ່າ, ໃນເຫດການນົມຝຸ່ນສ່ານລູ້ຫຼ້າສຸດນີ້, ມາດຕະການລົງໂທດອັນເຂັ້ມງວດ ແລະ ກົນໄກກະທົບໄວຂອງລັດຖະບານຈີນໄດ້ສະກັດກັ້ນບໍ່ໃຫ້ເຫດການຊຸດຮ້າຍລົງຕື່ມອີກຢ່າງທັນການ.
