ໃນສາມໄຕມາດທຳອິດປີນີ້, ລາຍໄດ້ຂອງຊາວກະສິກອນຈີນເພີ່ມຂຶ້ນ 11%
-----------------------------------------------------------------------------------------------------------------
ຕາມຂ່າວCRI: ຕົວເລກທີ່ກົມສະຖິຕິແຫ່ງຊາດຈີນເປີດເຜີຍໃນວັນທີ 27 ຕຸລານີ້ສະແດງໃຫ້ເຫັນວ່າ, ໃນສາມໄຕມາດທຳອິດປີນີ້, ລາຍໄດ້ທີ່ເປັນເງິນສົດຂອງຊາວກະສິກອນຈີນທີ່ສະເລ່ຍຕາມຫົວຄົນມີ 3971 ຢວນ, ເພີ່ມຂຶ້ນຫຼາຍກວ່າໄລຍະດຽວກັນປີກາຍນີ້ 19,6%, ເມື່ອຫັກປັດໄຈລາຄາສິນຄ້າສູງຂຶ້ນແລ້ວ, ໄດ້ເພີ່ມຂຶ້ນ 11% ຢ່າງແທ້ຈິງ.
ລາຍໄດ້ຂອງຊາວກະສິກອນຈີນລວມທັງເງິນເດືອນ, ລາຍໄດ້ຈາກການຂາຍຜະລິດຕະພັນກະສິກຳແລະລາຍໄດ້ທີ່ເປັນເງິນສົດຈາກການຜະລິດທຸລະກິດອຸດສາຫະກຳທີ 2 ແລະທີ 3 ຂອງຄອບຄົວຊາວກະສິກອນ.
ສະຖິຕິສະແດງໃຫ້ເຫັນວ່າ, ໃນ 3 ໄຕມາດທຳອິດປີນີ້, ລາຍໄດ້ແບບເງິນເດືອນຂອງຊາວກະສິກອນທີ່ສະເລ່ຍຕາມຫົວຄົນມີ 1358 ຢວນ, ເພີ່ມຂຶ້ນຫຼາຍກວ່າໄລຍະດຽວກັນປີກາຍນີ້ 19%. ໃນນັ້ນ, ຊາວກະສິກອນມີລາຍໄດ້ທີ່ສະເລ່ຍຕາມຫົວຄົນ 1216 ຢວນຈາກການໄປເຮັດວຽກໃນຕົວເມືອງ, ເພີ່ມຂຶ້ນ 20%. ລາຍໄດ້ຈາກການຂາຍຜະລິດຕະພັນກະສິກຳຊາວກະສິກອນທີ່ສະເລ່ຍຕາມຫົວຄົນ 1717 ຢວນ, ເພີ່ມຂຶ້ນຫຼາຍກວ່າໄລຍະດຽວກັນປີກາຍນີ້ປະມານ 20%.
